|
ຈີນກາຍເປັນບ່ອນທີ່ຄົນຕ່າງປະເທດມາຫາຮຽນວິຊາຄວາມຮູ້ແລະຊອກວຽກເຮັດ
cri
Author: min
ຕາມຂ່າວສານຊິນຮວາ: ນັກຮຽນຕ່າງປະເທດນັບມື້ນັບຫຼາຍພາກັນມາຮຽນຢູ່ຈີນ, ຈຳນວນຄົນຜູ້ມີວິຊາເຕັກນິກສູງແລະຮູ້ບໍລິຫານຄຸ້ມຄອງທີ່ມາເຮັດວຽກຢູ່ຈີນໄດ້ເພີ່ມຂຶ້ນເລື້ອຍໆ, ຈີນພວມກາຍເປັນບ່ອນທີ່ຄົນຕ່າງປະເທດມັກມາສະແຫວງຮຽນວິຊາຄວາມຮູ້ແລະປະກອບອາຊີບ.
ຕົວເລກສະຖິຕິສະແດງໃຫ້ເຫັນວ່າ, ປີກາຍນີ້, ຍອດຈຳນວນຄົນຕ່າງປະເທດທີ່ມາຮຽນຢູ່ຈີນລື່ນກາຍ 1 ແສນ 4 ໝື່ນຄົນ, ເມື່ອທຽບໃສ່ປີກ່ອນແລ້ວ, ໄດ້ເພີ່ມຂຶ້ນເກືອບ 30%. ນັບມາຮອດທ້າຍປີກາຍນີ້, ໄດ້ມີຄົນສັນຊາດຕ່າງປະເທດ 1 ແສນ 5 ໝື່ນກວ່າຄົນໄດ້ຂຶ້ນທະບຽນປະກອບອາຊີບຢູ່ແຜ່ນດິນໃຫຍ່ຈີນ.
ຕາມການວິໄຈ, ຢູ່ຈີນ, ການເມືອງມີສະຖຽນລະພາບ, ເສດຖະກິດພັດທະນາຢ່າງວ່ອງໄວ, ຄຸນນະພາບການສຶກສາຊັ້ນສູງກໍຍົກສູງຂຶ້ນຢ່າງບໍ່ຢຸດຢັ້ງ, ຄ່າຮຽນກໍອ່າວຕ່ຳ, ທັງໝົດເຫຼົ່ານີ້ລ້ວນແຕ່ແມ່ນປັດໄຈທີ່ດູດດຶງເອົາຄົນຕ່າງປະເທດມາຮຽນວິຊາຄວາມຮູ້ແລະປະກອບອາຊີບຢູ່ຈີນ.
|
|
