|
ວັນທີ 6 ມິຖຸນາ,ງານຕະຫລາດນັດສິນຄ້າຂາເຂົ້າຂາອອກຄຸນມິງຈີນປີ 2006 ໄດ້ເປີດສາກຢູ່ເມືອງຄຸນມິງ ແຂວງຢຸນນານ ພາກຕາເວັນຕົກສຽງໃຕ້ຂອງຈີນ.ຕັ້ງແຕ່ປີ 1993 ເປັນຕົ້ນມາ, ງານຕະຫລາດນັດຄຸນມິງໄດ້ຈັດຂຶ້ນ 14 ເທື່ອແລ້ວ.ໃນຖານເປັນແຂວງຫນຶ່ງທີ່ມີຊາຍແດນຕິດກັບປະເທດອາຊຽນ, ແຂວງຢຸນນານໄດ້ພະຍາຍາມສ້າງງານຕະຫລາດນັດຄຸນມິງເປັນແທ່ນທີ່ໃຫ້ຈີນກັບອາຊຽນດຳເນີນການຮ່ວມມືເສດຖະກິດການຄ້າແລະແລກປ່ຽນຂໍ້ມູນຂ່າວສານໂດຍຕະຫລອດ.ໂດຍອາໃສທ່າແຮງດ້ານພູມສາດພິເສດ,ຝ່າຍຈັດງານຕະຫລາດນັດຄຸນມິງໄດ້ຕັ້ງຫນ້າດຶງດູດນັກທຸລະກິດ,ບູລະນະສິ່ງກໍ່ສ້າງບໍລິການ,ເຮັດໃຫ້ວິສາຫະກິດອາຊຽນຈື່ຈຳງານຕະຫລາດນັດຄຸນມິງທີ່ເປັນນາມບັດໄວ້.
ເມື່ອໄດ້ເພີ່ມເນື້ອໃນໃຫ້ອຸດົມສົມບູນແລະພັດທະນາເປັນເວລາ 10 ປີ, ງານຕະຫລາດນັດຄຸນມິງປີນີ້ຍິ່ງສຸກງອມກວ່າທຸກຄັ້ງທີ່ຜ່ານມາໃນຫລາຍໆດ້ານ,ແລະຍິ່ງມີວິຊາສະເພາະກວ່າເກົ່າ.ວິສາຫະກິດຂອງຈີນແລະຕ່າງປະເທດທີ່ເຂົ້າຮ່ວມງານຕະຫລາດນັດຄຸນມິງເທື່ອນີ້ມີຫລາຍກວ່າທຸກຄັ້ງທີ່ຜ່ານມາ,ບັນລຸ 1180 ຫລັງ.ວິສາຫະກິດທີ່ມາຈາກ 19 ປະເທດແລະເຂດແຄວ້ນມີ 200 ກວ່າຫລັງ.
ເຫມືອນກັບທຸກຄັ້ງທີ່ຜ່ານມາ, ເຈົ້າພາບຍັງຄົງໄດ້ຈັດເອົາຫໍອາຊຽນເປັນພິເສດເປັນຫໍວາງສະແດງຈຸດຫນັກໃນປີນີ້.ຫໍອາຊຽນໃນປີນີ້ຈັດຢູ່ໃນຫໍວາງ ສະແດງໃຫມ່ທີ່ສ້າງສຳເລັດໃນທ້າຍປີກາຍນີ້,ລວມທັງຫມົດມີ 210 ຮ້ານ.ນັກ ທຸລະກິດຂອງບັນດາປະເທດອາຊຽນທີ່ເຂົ້າຮ່ວມການວາງສະແດງໄດ້ຍ້ອງຍໍຫໍວາງສະແດງໃຫມ່ຢ່າງບໍ່ເຫືອດສົບເຫືອດປາກ.
ທ່ານນາງວັນລະພາ.ພັດທະນະພອນ ເຈົ້າຫນ້າທີ່ກົມສົ່ງເສີມການຄ້າຂາອອກຂອງກະຊວງພານິດໄທບອກນັກຂ່າວວ່າ,ກົມດັ່ງກ່າວໄດ້ຈັດຕັ້ງ ວິສາຫະກິດໄທມາເຂົ້າຮ່ວມງານຕະຫລາດນັດຄຸນມິງເປັນເວລາ 10 ປີລຽນຕິດແລ້ວ,ປີນີ້ ໄດ້ຈັດຕັ້ງ 18 ວິສາຫະກິດໄທມາຮ່ວມ.ເມື່ອກ່າວເຖິງສະພາບການໃຫມ່ຂອງງານຕະຫລາດນັດຄຸນມິງປີນີ້,ທ່ານນາງເວົາດ້ວຍຄວາມດີໃຈວ່າ:
ງານຕະຫລາດນັດນີ້ຈັດຕັ້ງໄດ້ດີຫລາຍ, ດູແລພໍ່ຄ້າແລະພະນັກງານທີ່ມາຮ່ວມງານເປັນພິເສດ,ການບໍລິການກໍ່ຮອບຄອບ,ເມື່ອພວກຂ້າພະເຈົ້າປະ ສົບຄວາມຫຍຸ້ງຍາກຫຍັງ,ພະນັກງານຂອງຄະນະກຳມະການຈັດງານກໍ່ຊ່ອຍພວກຂ້າພະເຈົ້າແກ້ໄຂດ້ວຍຄວາມຫ້າວຫັນ.ນອກນີ້, ສິ່ງກໍ່ສ້າງວາງສະແດງສິນຄ້າທີ່ກ້າວຫນ້າຕ່າງໆກໍ່ຄົບຖ້ວນຫລາຍ.
ງານຕະຫລາດນັດຄຸນມິງໄດ້ຕັ້ງຫໍອາຊຽນເປັນພິເສດ,ຈຸດປະສົງແມ່ນເພື່ອໃຫ້ວິສາຫະກິດຂອງຈີນແລະອາຊຽນມີຊ່ອງທາງທຳຄວາມເຂົ້າໃຈກັນໂດຍກົງທີ່ບັງເກີດຜົນກວ່າເກົ່າ, ເຮັດໃຫ້ຜະລິດຕະພັນແລະວິສາຫະກິດຂອງບັນ ດາປະເທດອາຊຽນເຂົ້າສູ່ຈີນໂດຍໄວ, ທັງເຮັດໃຫ້ວິສາຫະກິດຈີນຮ້ຈັກູວິສາຫະກິດອາຊຽນໂດຍກົງກວ່າເກົ່າ.ການຈັດມີຫໍອາຊຽນໄດ້ຊຸກຍູ້ຄວາມຫ້າວຫັນຂອງບັນດາປະເທດອາຊຽນທີ່ມາເຂົ້າຮ່ວມງານຕະຫລາດນັດຄຸນມິງໂດຍກົງ,ເຮັດໃຫ້ຈຳນວນວິສາຫະກິດອາຊຽນໄດ້ເພີ່ມຂຶ້ນຢ່າງບໍ່ຢຸດຢັ້ງ, ລະ ດັບກໍ່ສູງຂຶ້ນຊັກໃຊ້.ພ້ອມກັນນັ້ນ, ເພື່ອຮັບໃຊ້ພໍ່ຄ້າອາຊຽນດີກວ່າເກົ່າ,ເລີ່ມແຕ່ການຊັກຊວນພໍ່ຄ້າກ່ອນໄຂງານ,ເຈົ້າພາບກໍ່ໄດ້ສະຫນອງການບໍລິການດີແກ່ບັນດາປະເທດອາຊຽນ.ທ່ານອີດິງເຊິງ ຮອງຫົວຫນ້າພະແນກການຄ້າແຂວງຢຸນນານແນະນຳວ່າ:
ໃນຂະບວນການຈັດຕັ້ງວິສາຫະກິດຂອງບັນດາປະເທດອາຊຽນມາເຂົ້າຮ່ວມງານຕະຫລາດນັດຄຸນມິງ, ພວກຂ້າພະເຈົ້າອີງຕາມລະດັບການພັດທະນາເສດຖະກິດແລະຈຸດພິເສດອົງປະກອບອຸດສາຫະກຳທີ່ຕ່າງກັນຂອງບັນດາປະເທດອາຊຽນ,ໄດ້ໃຊ້ນະໂຍບາຍຊັກຊວນພໍ່ຄ້າທີ່ມີລັກສະນະເປົ້າຫມາຍ.ຕົວຢ່າງຄື ປະເທດຢູ່ອະນຸພາກພື້ນແມ່ນ້ຳລ້ານຊ້າງແມ່ນ້ຳຂອງ ເຊັ່ນມຽນມາ ລາວແລະຫວຽດນາມ, ເມື່ອພິຈາລະນາເຖິງລະດັບພັດທະນາເສດຖະກິດຂອງປະເທດເຫລົ່ານີ້,ເພື່ອສົ່ງເສີມວິສາຫະກິດຂອງປະເທດເຫລົ່ານີ້ມາເຂົ້າຮ່ວມ, ພວກຂ້າພະເຈົ້າກໍ່ໄດ້ປະຕິບັດນະໂຍບາຍພິເສດທີ່ຫລຸດຫລືຍົກເວັ້ນຄ່າເຊົາຮ້ານວາງສະແດງ.
ໃນໄລຍະຈັດງານຕະຫລາດນັດຄຸນມິງ, ຝ່າຍຈີນຍັງໄດ້ຕັ້ງຫນ້າຈັດງານໂຄສະນະຜະລິດຕະພັນຕໍ່ວິສາຫະກິດຂອງປະເທດອາຊຽນ,ຈັດງານແນະນຳສະພາບການເສດຖະກິດການຄ້າຂອງປະເທດອາຊຽນໂດຍຈຳເພາະ,ແລະງານສັງສັນວິສາຫະກິດໃນຂະແຫນງການດຽວເປັນຕົ້ນ.ໂດຍຜ່ານຈາກໃຊ້ມາດຕະການລະອຽດທີ່ມີລັກສະນະເປົ້າຫມາຍເຫລົ່ານີ້,ວິສຫາະກິດຂອງປະເທດອາຊຽນຫລວງຫລາຍໄດ້ຊອກໄດ້ຄູ່ຮ່ວມມືຢູ່ແຂວງຢຸນນານແລະແຂວງອື່ນໆ,ແລະໄດ້ເປີດຊ່ອງທາງໃຫ້ສິນຄ້າຂອງພວກເຂົາເຈົ້າເຂົ້າສູ່ຕະຫລາດຈີນ.
ບົດບາດອັນຕັ້ງຫນ້າຂອງງານຕະຫລາດນັດຄຸນມິງທີ່ຊຸກຍູ້ການຮ່ວມມືການຄ້າລະຫວ່າງຈີນກັບອາຊຽນໄດ້ຮັບຄວາມຮັບຮອງຈາກພໍ່ຄ້າອາຊຽນ ຢ່າງຫລວງຫລາຍ.ທ່ານຫງວນເວີນງັນ ຜູ່ອຳນວຍການບໍລິສັດທຸລະກິດກອງປະຊຸມແລະງານວາງສະແດງແລະການໂຄສະນາຫວຽດນາມທີ່ໄດ້ເຂົ້າຮ່ວມ ງານຕະຫລາດນັດຄຸນມິງ 13 ເທື່ອແລ້ວນັ້ນແມ່ນຜູ່ອາວຸໂສທີ່ເຂົ້າຮ່ວມງານຕະຫລາດນັດຄຸນມິງ,ທ່ານມີຄຸນວຸດທິຫລາຍໃນການຕີລາຄາງານຕະຫລາດນັດຄຸນມິງ.ທ່ານເວົ້າວ່າ:
ຜ່ານການເຂົ້າຮ່ວມງານຕະຫລາດນັດຄຸນມິງ,ວິສາຫະກິດຫວຽດນາມໄດ້ຮັບຜົນຫລາຍ,ບໍ່ພຽງແຕ່ມູນຄ່າການຄ້າກັບຕ່າງປະເທດໄດ້ເພີ່ມຂຶ້ນທໍ່ນັ້ນ, ມິດຕະພາບກັບຕ່າງປະເທດກໍ່ໄດ້ເພີ່ມຂຶ້ນອີກດ້ວຍ.ວິສາຫະກິດຫລວງ ຫລາຍທີ່ເຂົ້າຮ່ວມງານຕະຫລາດນັດຄຸນມິງຢ່າງລຽນຕິດນັ້ນໄດ້ຕັ້ງໂຮງງານຢູ່ແຂວງຢຸນນານແລະເຂດຕາເວັນຕົກສຽງໃຕ້ຂອງຈີນແລ້ວ,ທັງໄດ້ຕັ້ງສຳນັກ ງານຕົວແທນ, ຊອກໄດ້ຄູ່ຮ່ວມມື,ແລະເປີດຕະຫລາດໃຫ້ກວ້າງອອກ.
ກໍ່ເຊັ່ນດຽວກັນກັບຫວຽດນາມ, ຫລາຍປະເທດອາຊຽນໄດ້ແຕ່ງຄະນະຜູ່ແທນລະດັບລັດຖະມົນຕີມາເຂົ້າຮ່ວມງານຕະຫລາດນັດຄຸນມິງເທື່ອນີ້,ຕົວ ຢ່າງຄື ກະຊວງການຄ້າກຳປູເຈຍ ກະຊວງການຄ້າລາວ ກະຊວງການຄ້າມາເລເຊຍແລະກະຊວງການຄ້າມຽນມາລ້ວນແຕ່ໄດ້ແຕ່ງຄະນະຜູ່ແທນມາເຂົ້າ ຮ່ວມ.ທ່ານສົມຄິດ ຮອງນາຍົກລັດຖະມົນຕີໄທຍັງໄດ້ນຳພາຄະນະຜູ່ແທນໂດຍຕົນເອງ.ນອກນີ້, ສະພາອຸດສາຫະກຳການຄ້າຫວຽດນາມ ສະພາການຄ້າລາວ ກົມສົ່ງເສີມການຄ້າຂາອອກຂອງອິນໂດເນເຊຍ ສະພາການຄ້າຈີນສິງກະໂປ ຄະນະກຳມະການລົງທຶນປະຊາຊົນມາເລເຊຍແລະສະພາການຄ້າຊຽງໃຫມ່ຂອງໄທກໍ່ໄດ້ຕັ້ງຫນ້າຈັດຕັ້ງວິສາຫະກິດຂອງປະເທດໃຜລາວເຂົ້າ ຮ່ວມງານຕະຫລາດນັດ.ການມີລັດຖະບານແລະວິສາຫະກິດຂອງປະເທດອາຊຽນເຂົ້າຮ່ວມ, ເຮັດໃຫ້ງານສາງສັນຄຸນມິງຄັ້ງນີ້ເຕັມໄປດ້ວຍຄວາມມີຊີວິດຊີວາ.ນັກທຸລະກິດຈີນແລະອາຊຽນກໍ່ໄດ້ຝາກຄວາມຫວັງຍິ່ງຫລາຍໄວ້ກັບ ງານຕະຫລາດນັດຄຸນມິງທີ່ເປັນແທ່ນແຫ່ງການໄປມາຫາສູ່ກັນດ້ານເສດຖະກິດການຄ້າ.
|
