|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນາງພູແຄ ທີ່ນະຄອນຫຼວງວຽງຈັນ. ໃນຈົດໝາຍ ນາງພູແຄຂຽນວ່າ,ຂໍຖາມກ່ຽວກັບອາກາດຂອງປະເທດຈີນ,ດຽວນີ້ປະເທດຈີນອາກາດເປັນແນວໃດ?ແລະອາກາດທີ່ຄຸນມີງເປັນແນວໃດ?ໃນລາຍການ"ເພື່ອນມິດຜູ້ຟັງ"ມື້ນີ້,ພວກເຮົາກໍຂໍແນະນຳສະພາບດິນຟ້າອາກາດຂອງຈີນໃຫ້ເພື່ອນມິດຜູ້ຟັງຮູ້.
ຈີນຕັ້ງຢູ່ແຖບອົບອຸ່ນເໜືອ,ແບ່ງອອກເປັນ4ລະດູ,ຄື:ລະດູໃບໄມ້ປົ່ງ,ລະດູຮ້ອນ,ລະດູໃບໄມ້ຫຼົ່ນແລະລະດູໜາວ,ແຕ່ເດືອນມິຖຸນາຫາເດືອນສິງຫາ ຢູ່ຈີນແມ່ນລະດູຮ້ອນ,ປັດຈຸບັນ,ເຂດສ່ວນຫຼາຍຂອງຈີນອາກາດຮ້ອນຫຼາຍແລະກໍມີຝົນຕົກຫຼາຍ.
ຈີນຢູ່ໃນເຂດດິນຟ້າອາກາດລົມລະດູການ,ອຸນຫະພູມໃນລະດູໜາວແລະໃນລະດູຮ້ອນໂຕນກັນຫຼາຍ,ຈຸດພິເສດຂອງການແຈກຢາຍອຸນຫະພູມແມ່ນ:ໃນລະດູໜາວ,ອຸນຫະພູມອ່າວຕ່ຳໂດຍູທົ່ວໄປ,ພາກໃຕ້ຮ້ອນ ພາກເໜືອໜາວ,ອຸນຫະພູມລະຫວ່າງພາກເໜືອກັບພາກໃຕ້ຫຼຸດລື່ນກັນຫຼາຍ,ບາງປີໂຕນກັນ50ອົງສາ.ຕົວຢ່າງ,
ໃນຍາມບຸນກຸດຈີນ,ອຸນຫະພູມແລະສະພາບທຳມະຊາດລະຫວ່າງພາກໃຕ້ກັບພາກເໜືອຂອງຈີນກໍ່ແຕກຕ່າງກັນຫຼາຍ,ຢູ່ເມືອງຮ່າບິນ ພາກເໜືອຂອງຈີນ,ໃນຕອນຄ່ຳວັນສິ້ນປີເກົ່າ,ຄົນທັງຫຼາຍໄປເບິ່ງໂຄມນ້ຳແຂງໂດຍທົນອຸນຫະພູມລົບ20ອົງສາ,
ແຕ່ຢູ່ເມືອງກວາງໂຈວ ພາກໃຕ້ຂອງຈີນ,ໃນງານດອກໄມ້ຕ້ອນຮັບລະດູໃບໄມ້ປົ່ງຍາມບຸນກຸດຈີນປະຈຳປີ,ດອກໄມ້ນານາຊະນິດພັດພວມພາກັນບານເຮືອງຢູ່.ໃນລະດູຮ້ອນ,ເຂດສ່ວນຫຼາຍຂອງຈີນອຸນຫະພູມສູງໂດຍທົ່ວໄປ,ອຸນຫະພູມຫຼຸດລະຫວ່າງພາກເໜືອກັບພາກໃຕ້ບໍ່ໂຕນກັນຫຼາຍ.
ບ່ອນໜາວກວ່າໝູ່ຂອງຈີນໃນລະດູໜາວຢູ່ເມືອງນ້ອຍໂມ້ເຮີ ແຂວງເຮລຸງຈຽງ ພາກເໜືອຂອງຈີນ,ອຸນຫະພູມສະເລ່ຍໃນເດືອນມັງກອນແມ່ນລົບ36,3ອົງສາ,ອຸນຫະພູມຕ່ຳສຸດຢູ່ພຸ້ນແມ່ນລົບ52,3ອົງສາ.ນີ້ແມ່ນອຸນຫະພູມຕ່ຳສຸດໃນການບັນທຶກອຸຕຸນິຍົມຂອງຈີນ,
ບ່ອນຮ້ອນກວ່າໝູ່ຂອງຈີນໃນລະດູຮ້ອນຢູ່ຖູຫຼູຟ່ານ ເຂດຊິນຈຽງ ພາກຕາເວັນຕົກສຽງເໜືອຂອງຈີນ,ອຸນຫະພູມລະເລ່ຍໃນເດືອນກໍລະກົດແມ່ນ33ອົງສາ,ຄົນທັງຫຼາຍເອີ້ນວ່າເປັນ"ດິນໄຟ".ຢູ່ພຸ້ນ,ອຸນຫະພູມສູງກວ່າໝູ່ເຄີຍແມ່ນ49,6ອົງສາ,ແຕ່ຢູ່ເມືອງຈຸງກິງ,ເມືອງອູຮ້ານແລະເມືອງນານກິ່ງ ເຊິ່ງຄົນທັງຫຼາຍເອີ້ນເປັນເຕົາໄຟໃຫຍ່3ໜ່ວຍຂອງຈີນ,ອຸນຫະພູມສະເລ່ຍໃນເດືອນກໍລະກົດກໍ່ພຽງ28-29ອົງສາເທົ່ານັ້ນ.ເມື່ອປຽບທຽບກັບ"ດິນໄຟ"ຖູຫຼູຟ່ານກໍ່ສູ້ບໍ່ໄຫວແລ້ວ.
1 2
|
