ຕາມ​ຂ່າວສາ​ນຊິນ​ຮວາ: ວັນ​ທີ 12 ມິຖຸນາ, ກົມ​ອຸຕຸນິຍົມ​ຈີນ​ຕົກລົງ​ວ່າ, ​ເພື່ອ​​ເຮັດ​ວຽກ​ງານ​ການ​ບໍ​ລິ​ການ​ທາງ​ອຸຕຸນິຍົມ​ໃນ​ໄລຍະ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ​ປີ 2008 ​ໃຫ້​ດີ, ປີ​ນີ້​ຈະ​ຝຶກ​ຊ້ອມ​ການ​ບໍລິການ​ທາງອຸຕຸນິຍົມ​ງານ​ກິລາ​ໂອ​ລິ​ມປິກ​ເທື່ອ​ໜຶ່ງ, ​ເພື່ອ​ຮັບ​ປະ​ກັນ​ການ​ບໍ​ລິ​ການ​ທາງ​ອຸ​ຕຸນິຍົມ​ໃນ​ໄລຍະ​ຈັດ​ງານ​ກິລາ​ໂອ​ລິມ​ປິກ​ບໍ່​ເກີດ​ມີ​ບັນ​ຫາ​​.

ຜູ່​ຮັບຜິດຊອບ​ທີ່​ກ່ຽວຂ້ອງ​ຂອງ​ກົມ​ອຸຕຸນິຍົມ​ຈີນ​ແນະນຳ​ວ່າ, ​ໃນ​ໄລຍະ​ຈັດ​ງານ​ກິ​ລາ​ໂອ​ລິມ​ປິກ​ປັກ​ກິ່ງ​ປີ 2008, ພໍດີ​ແມ່ນ​ລະດູ​ການ​ທີ່​ດິນ​ຟ້າ​ອາກາດຢູ່​ປັກ​ກິ່ງ​​ແລະ​ແຫ່ງ​ອື່ນໆ​ສັບ​ສົນ​ແລະ​ປ່ຽນ​ແປງຫຼາຍ, ປັດ​ໄຈ​ບໍ່​ແນ່​ນອນໃນ​ການ​ພະຍາກອນ​ອາກາດ​​ເພີ່ມ​ຂຶ້ນ. ຈຸດ​ໜັກ​ຂອງ​ການ​ຝຶກ​ຊ້ອມ​ເທື່ອ​ນີ້ ຈະ​ລວມທັງ​ພະຍາກອນ​ອາກາດ​ພາຍ​ໃນ 10 ມື້ ​ພະຍາ​ກອນ​ເຕືອນ​ໄພ​ລ່ວງ​ໜ້າ​ກ່ຽວ​ກັບ​ໄພ​ພິ​ບັດ​ທີ່​ເກີດ​ຈາກ​ດິນຟ້າ​ອາກາດ​ທີ່​ກ່ຽວຂ້ອງ ພະຍາກອນ​ອາ​ກາດ​ກ່ອນ​ເວລາ 10 ມື້​ຂຶ້ນ​ໄປ​​ແລະ​ການ​ຊຳ​ລະ​ແລະ​ບໍລິການ​ຂໍ້​ມູນ​ທີ່​ສົມ​ຄູ່​ກັນ​ເປັນ​ຕົ້ນ.

ຕາມ​ໄດ້​ຊາບ, ນະຄອນຫຼວງປັກ​ກິ່ງ​ພວມ​ສ້າງ​ຕາໜ່າງສັງ​ເກດ​ສັງ​ລວມ ​ເຊັ່ນ ຕາໜ່າງ​ຕິດ​ຕາມ​ຟ້າ​ຜ່າ​ແລະ​ຟ້າ​ແມບ​ແລະຕາໜ່າງຕິດຕາມ​ເງື່ອນ​ໄຂການ​ເດີນທາງ​ດ້ານ​ອຸ​ຕຸ​ນິ​ຍົມ​ເປັນ​ຕົ້ນ​ດ້ວຍ​ອຸ​ປະ​ກອນ​ກ້າວໜ້າ, ​ໃຊ້​ເຂົ້າ​ໃນ​ການ​ຕິດຕາມ​ຢັ່ງ​ແທກ​ດິນ​ຟ້າ​ອາ​ກາດ​ທີ່​ສັບ​ສົນ​ແລະ​ປ່ຽນ​ແປງ​ຮຸນ​ແຮງ, ຍົກ​ລະດັບ​​ແມ່ນ​ຢຳ​ໃນ​ການພະຍາກອນ​ໃຫ້​ສູງ​ຂຶ້ນ.