|
ຕາມຂ່າວCRI: ວັນທີ 12 ມິຖຸນາ ຢູ່ທີ່ປັກກິ່ງ, ທ່ານຖາງເຈຍສວນ ທີ່ປຶກສາແຫ່ງລັດຈີນກ່າວວ່າ, ຝ່າຍຈີນຫວັງພ້ອມກັບອິນໂດເນເຊຍຊຸກຍູ້ການແລກປ່ຽນແລະການຮ່ວມມືໃນບັນດາຂົງເຂດຢ່າງບໍ່ຢຸດຢັ້ງ, ເປີດກວ້າງຜົນປະໂຍດຮ່ວມແລະຄວາມຮັບຮູ້ຄືກັນ, ຊຸກຍູ້ໃຫ້ການພົວພັນຄູ່ຂາຍຸດທະສາດລະຫວ່າງສອງປະເທດລົງສູ່ລວງເລິກຢ່າງບໍ່ຢຸດຢັ້ງ.
ໃນເວລາພົບປະທ່ານຮັສຊັນ ລັດຖະມົນຕີການຕ່າງປະເທດອິນໂດເນເຊຍທີ່ມາຢ້ຽມຢາມ, ທ່ານຖາງເຈຍສວນກ່າວວ່າ, ຈີນກັບອິນໂດເນເຊຍເຂົ້າໃຈແລະສະໜັບສະໜູນເຊິ່ງກັນແລະກັນໃນບັນຫາສຳຄັນທີ່ກ່ຽວພັນເຖິງອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ, ແມ່ນປະກົດການທີ່ສຳຄັນອັນໜຶ່ງຂອງການພົວພັນຄູ່ຂາຍຸດທະສາດລະຫວ່າງສອງປະເທດ. ຝ່າຍຈີນເດັດດ່ຽວສະໜັບສະໜູນຄວາມພະຍາຍາມຂອງອິນໂດເນເຊຍເພື່ອປົກປັກຮັກສາເອກະພາບຂອງຊາດ, ຫວັງໃຫ້ອິນໂດເນເຊຍຈົ່ງໂຄລົບນະໂຍບາຍປະເທດຈີນດຽວຢ່າງແທ້ຈິງ.
|
