|
|
 |
| (GMT+08:00)
2006-06-13 16:09:21
|
 |
|
ກິນເຂົ້າອອກສ໌ມີຜົນດີຕໍ່ສຸຂະພາບ
cri
|
ມີຜູ້ຊ່ຽວຊານເຫັນວ່າ, ກິນອາຫານປະເພດເຂົ້າອອກສ໌ມີຜົນດີຕໍ່ສຸຂະພາບຂອງຄົນເຮົາ, ໂດຍສະເພາະມີຜົນດີຕໍ່ໝາກຫົວໃຈ. ຫວ່າງມໍ່ໆນີ້, ກົມຄຸ້ມຄອງອາຫານແລະຢາຂອງອາເມລິກາໄດ້ຕົກລົງວ່າ, ອະນຸຍາດໃຫ້ຜະລິດຕະພັນເຂົ້າອອກສ໌ແລະຂອງກິນທີ່ມີເຂົ້າອອກສ໌ໝາຍໃສ່ເຄື່ອງຫຸ້ມຫໍ່ວ່າ: ອາຫານປະເພດນີ້ສາມາດຫຼຸດຄວາມສ່ຽງທີ່ເປັນໂຣກຫົວໃຈ.
ຕາມໜັງສືພິມສຽວປ້າວຂອງອາເມລິກາລາຍງານວ່າ, ກົມຄຸ້ມຄອງອາຫານແລະຢຸກຢາອາເມລິກາເຫັນວ່າ, ໂກແລສເຕລອນສູງນັ້ນຈະພາໃຫ້ເປັນໂຣກຫົວໃຈໄດ້ງ່າຍກວ່າຄົນປົກກະຕິ, ແຕ່ຖ້າເພີ່ມເຂົ້າອັອກສ໌ຫຼືຜະລິດຕະພັນເຂົ້າອັອກສ໌ເຂົ້າໃນອາຫານກໍຈະເຣັດໃຫ້ໂກແລສເຕລອນໃນຮ່າງກາຍໜ້ອຍລົງຢ່າງໄດ້ຜົນ, ແລ້ວຮັກສາສຸຂະພາບຂອງຫົວໃຈ.
ຜູ້ຊ່ຽວຊານເຫັນວ່າ, ເຂົ້າອັອກສ໌ແມ່ນອາຫານແຊບບຳລຸງສຸຂະພາບທີ່ມີທາດນາຕຼີແລະໄຂມັນໜ້ອຍ. ເຂົ້າອັອກສ໌ມີບົດບາດລົດໂກແລສເຕລອນໄດ້ດີສົມຄວນ. ເວົ້າສຳລັບຄົນຍຸກປະຈຸບັນທີ່ກິນເຂົ້າຈ້າວແລະໝີ່ເປັນອາຫານສຳຄັນແລ້ວ, ກິນເຂົ້າອັອກສ໌ແລະອາຫານທີ່ເຮັດດ້ວຍເຂົ້າອັອກສ໌ເລື້ອຍໆຈະມີຜົນປະໂຫຍດທີ່ສຸດ.
ນອກນີ້, ເຂົ້າອັອກສ໌ຍັງຊ່ອຍຊຸກຍູ້ໃຫ້ລຳໄສ້ຄັນຮູດ, ບັນເທົາທ້ອງຜູກ, ເໝາະສຳລັບຜູ້ເຖົ້າຜູ້ແກ່ເປັນພິເສດ.
ຜູ້ຊ່ຽວຊານສະເໜີວ່າ, ເອົາເຂົ້າອັອກສ໌, ຕົ້ມນ້ຳກິນຕາງນ້ຳຊາຕະຫຼອດປີໄດ້ຜົນດີຫຼາຍລະດູຮ້ອນເອົາໃສ່ຕູ້ເຢັນກິນເຢັນໆ, ແກ້ຮ້ອນ; ລະດູໜາວຕົ້ມກິນຮ້ອນໆ, ສາມາດອຸ່ນກະເພາະແລະໄລ່ຄວາມໜາວ.
|
|
|
