|
ນັ່ງເຮັດວຽກຢູ່ໜ້າຈໍຄອມພິວເຕີເລື້ອຍໆຄວນກິນຫຍັງຫຼາຍແດ່ເພື່ອຮັກສາສຸຂະພາບ
cri
|
ຄຽງຄູ່ກັບລະດັບວິທະຍາສາດຂະຫຍາຍຕົວຢ່າງບໍ່ຢຸດຢັ້ງ, ມີຄົນນັບມື້ນັບຫຼາຍຕ້ອງໃຊ້ຄອມພິວເຕີເຮັດວຽກ, ຜູ້ທີ່ເຮັດວຽກຢູ່ໜ້າຈໍຄອມພິວເຕີເລື້ອຍໆນັ້ນເມື່ອດົນແລ້ວ, ສີອິດແດງໃນເຍື່ອຮັບພາບໃນແກ້ວຕາຈະສິ້ນເປືອງໄປ, ສ່ວນສີອິດແດງໃນເຍື່ອຮັບພາບຂອງແກ້ວຕາ, ສຳຄັນສັງເຄາະດ້ວຍວິຕາມິນA. ສະນັ້ນ, ຜູ້ເຮັດວຽກນຳຄອມພິວເຕີນັ້ນຄວນກິນຫົວກາຫຼົດ, ຜັກກາດຂາວ, ໝາກຖົ່ວງອກ, ເຕົ້າຮູ້, ໝາກທັນຈີນ, ໝາກກ້ຽງ, ນ້ຳນົມ, ໄຂ່ໄກ່, ຕັບໄຕສັດແລະຊີ້ນລ້ອນເລື້ອຍໆ, ເພື່ອຕື່ມວິຕາມິນAແລະທາດໂປຼຕິນໃຫ້ຮ່າງກາຍ. ຍາມທຳມະດາໃຫ້ດື່ມນ້ຳຊາເລື້ອຍໆ, ເພາະວ່າໃນໃບຊາມີໂປລີເຟນົນຊາທີ່ມີບົດບາດຕ້ານວັດຖຸແຜ່ລັງສີ.
ຕໍ່ໄປພວກເຮົາຈະແນະນຳເຄື່ອງດື່ມຫຼືອາຫານຫຼາຍຢ່າງທີ່ເໝາະສຳລັບຜູ້ເຮັດວຽກນຳຄອມພິວເຕີເລື້ອຍໆ, ສິ່ງເຫຼົ່ານີ້ບໍ່ພຽງແຕ່ຊ່ອຍຕ້ານລັງສີ, ຍັງຮັກສາຕາແລະຕ້ານອາລົມຫງຸດຫງິດໄດ້ອີກ.
ຕົ້ມຖົ່ວຂຽວໃສ່ໝາກເດືອຍ
ຖົ່ວຂຽວແກ້ຮ້ອນໃນ, ພາໃຫ້ຖ່າຍເບົາສະດວກແລະແກ້ບວມ, ໝາກເດືອຍບຳລຸງປ້າງແລະລະງັບຖອກທ້ອງ. ສຳລັບຜູ້ເຮັດວຽກກາງຄືນເປັນປະຈຳຫຼມັກືໃຈຮ້າຍ, ໃຈຮ້ອນ, ຄໍແຫ້ງປາກແຫ້ງ, ທ້ອງຜູກແລະເປັນສິວນັ້ນ, ນອກຈາກກິນຜັກແລະໝາກໄມ້ໃຫ້ຫຼາຍໆເພື່ອຕື່ມທາດນ້ຳໃຫ້ຮ່າງກາຍແລ້ວ, ໃຫ້ຕົ້ມຖົ່ວຂຽວໃສ່ໝາກເດືອຍ, ກິນຕາງນ້ຳຫວານຈະຊ່ອຍແກ້ຮ້ອນໃນແກ້ຄວາມຫງຸດຫງິດໄດ້ດີທີ່ສຸດ.
ຊາຂຽວ
ຊາຂຽວແມ່ນເຄື່ອງດື່ມບຳລຸງສຸຂະພາບທີ່ຄົນທັງຫຼາຍນິຍົມກັນໃນຫຼາຍປີມໍ່ໆນີ້, ເພາະວ່າໃນຊາຂຽວມີຢາຕ້ານອັອກຊີດີເຊີທີ່ມີລິດແຮງແລະວິຕາມິນC, ມັນບໍ່ພຽງແຕ່ສາມາດຂັບຖ່າຍອະນຸມູນອິດສະຫຼະີໃນຮ່າງກາຍເທົ່ານັ້ນ, ຍັງສາມາດພາໃຫ້ຕ່ອມໄຂ່ຫຼັງລະບາຍຮັອກໂມນທີ່ຕ້ານຄວາມເຄັ່ງຕຶງ, ກາເຟອິນໃນຊາຂຽວກໍສາມາດກະຕຸ້ນປະສາດສູນກາງ, ພາໃຫ້ຈິດໃຈສົດຊື່ນ, ດື່ມນ້ຳຊາດີທີ່ສຸດດື່ມຍາມກາງເວັນ, ເພາະບາງຄົນດື່ມນ້ຳຊາໃນຍາມຄ່ຳຈະນອນບໍ່ຫຼັບ.
ຊົງນ້ຳເກົາກີ້
ເກົາກີ້ແມ່ນຢາຈີນຊະນິດໜຶ່ງ, ເປັນມັດສີແດງໆ, ມີກາໂລຕິນ, ວິຕາມິນB1, ວິຕາມິນC, ທາດການຊີອົມແລະທາດເຫຼັກອຸດົມສົມບູນ, ບຳລຸງຕັບ, ບຳລຸງໝາກໄຂ່ຫຼັງແລະເຮັດໃຫ້ຕາແຈ້ງ.
ເພາະວ່າໝາກເກົາກີ້ມີລົດຫວານ, ສະນັ້ນບໍ່ວ່າຊົງກິນນ້ຳມັນຫຼືວ່າກິນທັງເມັດຄືກິນໝາກແລແຊງກໍມີຜົນດີຫຼາຍຕໍ່ຜູ້ເຮັດວຽກນຳຄອມພິວເຕີແລ້ວພາໃຫ້ຕາຝາດ, ເມື່ອຍຫຼືວ່າສາຍຕາສັ້ນເປັນຕົ້ນ.
ຊົງນ້ຳດອກເກັກຮວຍ
ນ້ຳດອກເກັກຮ່ວຍກໍມີບົດບາດດີຕາແລະບຳລຸງຕັບຄືກັນ, ບາງຄົນມັກເອົາດອກເກັກຮວຍກັບເກົາກີ້ມາຊົງໃສ່ນຳກັນໂລດ, ຫຼືວ່າຊົງນ້ຳດອກເກັກຮວຍໃສ່ນ້ຳເຜິ້ງກໍມີຜົນດີຕໍ່ຕັບແລະລະບາຍຄວາມອຸກອັ່ງໃນໃຈ.
ຜູ້ເຮັດວຽກນຳຄອມພິວເຕີເລື້ອຍໆມັກຮູ້ສຶກເມື່ອຍຕາ, ເຈັບບ່າເຈັບຫຼັງ. ຖ້າເຮັດວຽກໃນສະພາບທີ່ດື່ມນ້ຳບໍ່ພໍ, ຂາດທາດບຳລຸງແລະຂາດວິຕາມິນແລ້ວ, ພູມຕ້ານທານລັງສີຂອງຮ່າງກາຍຈະອ່ອນລົງ, ແລະພາໃຫ້ຄົນເປັນພະຍາດງ່າຍ.
ເພື່ອປ້ອງກັນບໍ່ໃຫ້ຜູ້ເຮັດວຽກນຳຄອມພິວເຕີເປັນພະຍາດອາຊີບດັ່ງກ່າວ, ຄວນເອົາໃຈໃສ່ນຳອາຫານການກິນໃຫ້ເໝາະສົມ. ອາຫານເຊົ້າຄວນໃຫ້ມີທາດບຳລຸງພຽງພໍ, ເພື່ອຮັບປະກັນໃຫ້ຮ່າງກາຍມີກຳລັງວັງຊາ, ແລະມີກາໂລຣີພຽງພໍ. ອາຫານທ່ຽງຄວນກິນອາຫານທີ່ມີທາດໂປຼຕິນຫຼາຍ, ຄືຊີ້ນລ້ວນໆ, ຊີ້ນງົວ, ຊີ້ນແກະ, ຊີ້ນເປັດຊີ້ນໄກ່, ເຄື່ອງໃນສັດ, ປາ, ໝາກຖົ່ວເຕົ້າຮູ້ແລະເຄື່ອງທີ່ເຮັດດ້ວຍໝາກຖົ່ວເປັນຕົ້ນ.
ອາຫານຄ່ຳຕ້ອງກິນອ່າວຈາງແດ່, ກິນອາຫານທີ່ມີວິຕາມິນຫຼາຍແດ່, ຄືຜັກສົດປະເພດຕ່າງໆ, ຫຼັງອາຫານ, ກິນໝາກໄມ້ຈັກໜ້ອຍ. ພ້ອມກັນນັ້ນ, ກໍເລືອກກິນອາຫານທີ່ມີຟົສຟາຕິດເພື່ອບຳລຸງສະໝອງ, ເຊັ່ນໄຂ່ແດງ, ປາ, ກຸ້ງ, ໝາກມັນຫໍ້ແລະໝາກຖົ່ວດິນເປັນຕົ້ນ.
ນອກນີ້ຍັງຕ້ອງຕັ້ງເລືອກກິນອາຫານທີ່ຮັກສາຕາ, ປ້ອງກັນບໍ່ໃຫ້ສາຍຕາສັ້ນແລະເປັນພະຍາດຕາອື່ນໆ, ອາຫານທີ່ບຳລຸງຕາມີເຄື່ອງໃນສັດ, ນ້ຳນົມງົວ, ນ້ຳນົມແກະ, ນ້ຳມັນເນີຍ, ເຂົ້ານົກ, ໝາກມັນຫໍ້, ຫົວກາຫຼົດ, ຜັກກາດ, ຜັກຕິນເປັດ, ຜັກກາດຂາວ, ໝາກເຫຼ່ນ, ຜັກດອກກ້ວຍ, ຜັກບົ້ງ, ໝາກເກົາກີ້ແລະໝາກໄມ້ສົດປະເພດຕ່າງໆ.
ນອກນີ້, ຜູ້ເຮັດວຽກນຳຄອມພິວເຕີ, ເມື່ອເຮັດໄປຊົ່ວໂມງໜຶ່ງສອງຊົ່ວໂມງແລ້ວ, ຄວນລຸກເພັງຕີງໝົດຮ່າງກາຍ, ນວດຕາ, ທະແນມແຕ່ເອົາໃຈໃສ່ນຳອາຫານການກິນແລະທັງຜັກຜ່ອນຢ່ອນອາລົມ, ກໍສາມາດເພີ່ມຄວາມຕ້ານທານຂອງຮ່າງກາຍແລະປ້ອງກັນບໍ່ໃຫ້ເປັນພະຍາດໄດ້.
|
|
