|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນາງມາລີ ທະນົງສັກ ທີ່ມະຫາວິທະຍາໄລສຸພານຸວົງ ແຂວງຫຼວງພະບາງ.ໃນຈົດໝາຍ,ນາງມາລີບອກວ່າ, ນ້ອງເອງກໍ່ແມ່ນຜູ້ໜຶ່ງທີ່ເປັນແຟນປະຈຳລາຍການແລະໄດ້ທີ່ຕິດຕາມລາຍການຂອງສະຖານີວິທະຍຸສາກົນແຫ່ງປະເທດຈີນຕະຫຼອດມາ.ນ້ອງເຄີຍເຂົ້າຮ່ວມການເສັງຄວາມຮູ້ຄັ້ງກ່ອນ,ເຖິງວ່າບໍ່ໄດ້ຮັບລາງວັນກໍ່ຕາມ,ແຕ່ນ້ອງບອກວ່ານ້ອງຈະພະຍາຍາມຕໍ່ໄປເພື່ອຄວາມຝັນຂອງນ້ອງທີ່ຢາກໄປທ່ອງທ່ຽວປະເທດຈີນ.ການທີ່ນ້ອງມາລີບອກວ່າ,ນ້ອງຟັງລາຍການCRIເລື້ອຍໆເຮັດໃຫ້ນ້ອງມີຄວາມຮູ້ໃໝ່ໆເພິ່ມຂຶ້ນ,ຖ້າມື້ໃດບໍ່ໄດ້ຟັງກໍຮູ້ສຶກຄືວ່າຕົນເອງຕົກຂ່າວ,ນ້ອງມັກຟັງລາຍການຂອງພວກເຮົາທຸກໆລາຍການ,ໂດຍສະເພາະລາຍການຊົນເຜົ່າສ່ວນໜ້ອຍຂອງຈີນຝັງແລ້ວພາໃຫ້ຮູ້ເຖິງການດຳລົງຊີວິດແລະຮີດຄອງປະເພນີຂອງຊົນເຜົ່າສ່ວນໜ້ອຍຂອງຈີນ.
ນາງມາລີຍັງໄດ້ຝາກຄຳຕອບ8ຂໍ້ໃນການເສັງຄວາມຮູ້"ຂ້ອຍກັບCRI"ໃຫ້ພວກເຮົາ,ຂອບໃຈນ້ອງມາລີຫຼາຍໆທີ່ຕິດຕາມຮັບຟັງລາຍການຂອງພວກເຮົາຕະຫຼອດມາ,ຂໍໃຫ້ນ້ອງຈົ່ງໂຊກດີ,ໃຫ້ໄດ້ຮັບຜົນງານດີໆໃນການເສັງຄວາມຮູ້ເທື່ອນີູ້,ຂໍໃຫ້ຄວາມຝັນຂອງນ້ອງກາຍເປັນຄວາມຈິງ.ພ້ອມນີ້,ກໍ່ຫວັງໃຫ້ເພື່ອນມິດຜູ້ຟັງທຸກຄົນຈົ່ງຝາກໃບຄຳຕອບການເສັງຄວາມຮູ້ຂອງທ່ານມາໃຫ້ພວກເຮົາໂດຍໄວ,ຖ້າທ່ານບໍ່ມີໃບສອບຖາມການເສັງຄວາມຮູ້ທີ່ພວກເຮົາຝາກໃຫ້,ກໍບໍ່ເປັນຫຍັງ,ຂໍແຕ່ທ່ານຂຽນຄຳຕອບ8ຂໍ້ໃສ່ເຈ້ຍທຳມະດາ,ແລ້ວຝາກໃຫ້ພວກເຮົາໂລດກໍ່ໄດ້,ກໍນັບວ່າທ່ານເຂົ້າຮ່ວມການເສັງຄວາມຮູ້ເທື່ອນີ້ຄືກັນ.
ສຸດທ້າຍ,ພວກເຮົາໄດ້ຈັດເພງມ່ວນໆເພງໜຶ່ງສູ່ນາງມາລີຟັງ,ພ້ອມນີ້ກໍຂໍມອບໃຫ້ເພື່ອນຜູ້ຟັງທຸກຄົນທີ່ພວມຟັງລາຍການຂອງພວກເຮົາຢູ່ດຽວນີ້,ເພງນີ້ຊື່ວ່າ"ວໍຊີ້ອີ້ຈື່ກູ່ຕຸເຕີສຽວຊານ",ແປ່ວ່າ"ຂ້ອຍແມ່ນເຮືອນ້ອຍລຳໜຶ່ງ ທີ່ປ່ຽວພອຍ".
|
