|
ຕາມຂ່າວCRI: ວັນທີ 13 ມິຖຸນາ, ກະຊວງປ້ອງກັນຄວາມສະຫງົບຈີນກ່າວວ່າ, ເພື່ອຮັບປະກັນຄວາມປອດໄພສາທາລະນະຢ່າງຕິດແທດຕົວຈິງ, ປົກປັກຮັກສາລະບຽບຮຽບຮ້ອຍສັງຄົມ, ແຕ່ເດືອນມິຖຸນາເປັນຕົ້ນໄປ, ກະຊວງປ້ອງກັນຄວາມສະຫງົບຈີນໄດ້ໂຮມສູນດຳເນີນການເຄື່ອນໄຫວຮິບເຄື່ອງລະເບີດແລະອາວຸດຍຸດທະພັນ.
ທ່ານອູເຫີຜິງ ໂຄສົກຖະແຫຼງຂ່າວກະຊວງປ້ອງກັນຄວາມສະຫງົບຈີນແນະນຳວ່າ, ປັດຈຸບັນ ຢູ່ບາງທ້ອງຖິ່ນຂອງຈີນໄດ້ເກີດມີຄະດີອາຊະຍາກຳດ້ວຍປືນແລະອຸບັດຕິເຫດການລະເບີດບາງຄັ້ງບາງຄາວ, ເປັນການຂົ່ມຂູ່ຄວາມປອດໄພດ້ານຊີວິດແລະຊັບສິນຂອງປະຊາຊົນຢ່າງໜັກໜ່ວງ. ການເຄື່ອນໄຫວເທື່ອນີ້ຈະກຳນົດເຂດ ຫົວໜ່ວຍ ສະຖານທີ່ແລະຝຸງຄົນຈຸດໜັກທີ່ຮິບເອົາເຄື່ອງລະເບີດແລະອາວຸດຍຸດທະພັນບົນພື້ນຖານສຳຫຼວດຢ່າງຮອບດ້ານ, ຮິບເອົາຢ່າງເຖິງຖອງຕາມກົດໝາຍ; ພ້ອມກັນນັ້ນ ສ້າງລະບອບຮັບຜິດຊອບໜ້າທີ່ວຽກງານໃນການສືບສວນແກ້ຄະດີລະເບີດ ຄະດີປືນ, ກຳນົດເວລາສັ່ງຈັບຜູ່ຕ້ອງໂທດໃນເຫດການລະເບີດແລະຄະດີປືນທີ່ສຳຄັນ, ຕ້ອງສຳຫຼວດແຫຼ່ງທີ່ມາແລະທີ່ໄປຂອງເຄື່ອງລະເບີດແລະອາວຸດຍຸດທະພັນທີ່ກ່ຽວຂ້ອງກັບຄະດີນັ້ນໃຫ້ຈະແຈ້ງແລະເຖິງຖອງ.
|
