|
|
 |
| (GMT+08:00)
2006-06-14 01:38:38
|
 |
|
ຊີວິດໃໝ່ຂອງຊາວບ້ານເຜົ່າປູ້ອີແຄມແມ່ນ້ຳຮ່ວາຊີ
cri
ເຜົ່າປູ້ອີແມ່ນຊົນເຜົ່າສ່ວນໜ້ອຍຂອງຈີນ,ສ່ວນຫຼາຍຕັ້ງພູມລຳເນົາຢູ່ແຂວງກຸ້ຍໂຈ່ວ,ແຂວງຢຸນນານແລະແຂວງເຊສວນ ພາກຕາເວັນຕົກສຽງໃຕ້ ຂອງຈີນ,ມີປະຊາກອນປະມານ3ລ້ານຄົນ,ແຕ່ກ່ອນ,ເຜົ່າປູ້ອີຕົ້ນຕໍແມ່ນປູກເຂົ້ານານ້ຳ.ໃນບໍ່ເທົ່າໃດປີມໍ່ໆມານີ້,ບ້ານເຜົ່າປູ້ອີຫຼາຍແຫ່ງໄດ້ຜ່ານຈາກການພັດທະນາອຸດສາຫະ ກຳຕ່າງໆເຊັ່ນການທ່ອງທ່ຽວ,ການລ້ຽງສັດເປັນຕົ້ນ,ເຮັດໃຫ້ມີລາຍໄດ້ເພີ່ມຂຶ້ນ,ລະດັບຊີວິດການເປັນຢູ່ໄດ້ຍົກສູງຂຶ້ນຢ່າງເດັ່ນຊັດ.
ບ້ານຊ້າງສຸຍແມ່ນບ້ານທຳມະຊາດແຫ່ງໜຶ່ງຂອງເຂດຮວາຊີເມືອງກຸ້ຍຢາງເທສະບານແຂວງກຸ້ຍໂຈ່ວ.ອອກເດີນທາງຈາກເທສະບານເມືອງກຸ້ຍຢາງ,ບໍ່ຮອດ 15ນາທີກໍຈະຮອດບ້ານຊ້າງສຸຍແລ້ວ.ສິ່ງເຂົ້າສູ່ສາຍຕາຂອງນັກຂ່າວກ່ອນໝູ່ນັ້ນແມ່ນແມ່ນ້ຳສາຍນ້ອຍທີ່ຟອງນ້ຳໂຍກຍູ້ໄປເມືອບໆ,ເຂດຮ່ວາຊີກໍແມ່ນໄດ້ຊື່ຈາກແມ່ນ້ຳຮວ່າຊີນີ້ແຫຼະ.ຢູ່ສະໜາມຫຼວງວັດທະນະທຳຢ່ອນອາລົມທີ່ຢູ່ແຄມແມ່ນ້ຳ,ມີສາລານ້ອຍສຳລັບໃຫ້ພັກຜ່ອນຢູ່ນີ້,ຍັງມີໂຕະຫີນແລະຕັ່ງຫີນສຳລັບຄົນນັ່ງລົມກັນຫຼືຫຼິ້ນໝາກເສິກ,ແລະທາງນ້ອຍກາງປ່າໄມ້ສຳລັບຄົນຍ່າງຫຼິ້ນ.ຢູ່ສະໜາມຫຼວງ,ສາວເຜົ່າປູ້ອີຫຼາຍຄົນພວມເຕັ້ນລະບຳ,ຊາວບ້ານຈຳນວນໜຶ່ງພວມຫຸ້ມລ້ອມຊົມເບິ່ງ,ນັກຟ້ອນລ້ວນແຕ່ແມ່ນສະມາຊິກກອງສະແດງສະໝັກຫຼິ້ນບ້ານຊ້າງສຸຍ.ພວກນັກສະແດງບອກນັກຂ່າວວ່າ:
"ລາຍການທີ່ພວກເຮົາສະແດງນັ້ນລ້ວນແຕ່ແມ່ນຄິດແຕ່ງເອົາເອງ.ກອງສະແດງລວມມີ30ຄົນ,ມີທັງຍິງທັງຊາຍ.ໄທບ້ານທັງຫຼາຍມັກລາຍການຂອງພວກເຮົາ,ເພາະວ່າລາຍການທີ່ສະແດງນັ້ນລ້ວນແຕ່ແມ່ນເພງແລະການຟ້ອນຊົນເຜົ່າຕົນເອງ."
ສະໜາມຫຼວງວັດທະນະທຳຢ່ອນອາລົມດັ່ງກ່າວແມ່ນບ້ານຊ້າງສຸຍລົງທຶນແສນກວ່າຢວນສ້າງຂຶ້ນເມື່ອປີກາຍນີ້.ໃນຍາມຫວ່າງວຽກໄຮ່ການນາຫຼືຕອນຄ່ຳ ທີ່ອາກາດດີ,ຊາວບ້ານທັງຫຼາຍກໍໄດ້ມາຮ້ອງເພງຕອບຂານກັນຫຼືຫຼິ້ນໝາກເສິກຢູ່ແຫ່ງນີ້.ໃນອະນາຄົດ,ຄະນະບ້ານເພິ່ນຍັງຈະຕິດຕັ້ງເຄື່ອງອຸປະກອນກິລາ,ໃຫ້ຊາວບ້ານທັງຫຼາຍຫັດກາຍບໍລິຫານ.
ພາຍຫຼັງອຳລາຈາກກອງສະແດງສະໝັກຫຼິ້ນແລ້ວ,ນັກຂ່າວສືບຕໍ່ຍ່າງໄປໜ້າ,ເຫັນແຕ່ເປັດຝູງໜຶ່ງພວມລອຍຫຼິ້ນຢູ່ໃນແມ່ນ້ຳ,ນັກທ່ອງທ່ຽວຫຼາຍຄົນພັດຕຶກເບັດຢູ່ແຄມນ້ຳຢ່າງສະໜຸກສະໜາມ.ແມ່ນ້ຳຮ່ວາຊີໄຫຼ່ຜ່ານບ້ານຊ້າງສຸຍ,ຫຼັງບ້ານມີພູຜາອ້ອມລ້ອມ.ທ່ານຈ່າງຈຸ່ນຟາ ຜູ່ຮັບຜິດຊອບວຽກງານຊົນນະບົດຂອງເຂດຮ່ວາຊີທີ່ເປັນເພື່ອນນັກຂ່າວນັ້ນກ່າວວ່າ:
"ບ້ານຊ້າງສຸຍພວກເຮົາສວຍງາມທີ່ສຸດ,ມີຫາດຊາຍແຄມນ້ຳຍາວ5ກິໂລແມັດ.ບ້ານນີ້ແມ່ນບ້ານເຜົ່າປູ້ອີອ້ອຍຕ້ອຍ,ຊາວບ້ານໃຈບຸນ,ຊື່ສັດ,ເມື່ອຍ່າງເຂົ້າບ້ານກໍສຳຜັດຮູ້ໂລດ."
ຢູ່ໜ້າປະຕູເຮືອນຊາວກະສິກອນຫຼັງໜຶ່ງ,ສາວເຜົ່າປູ້ອີທີ່ສວຍງາມສາມຄົນພວມຮ້ອງເພງທີ່ມ່ວນອອນຊອນ,ຕ້ອນຮັບນັກຂ່າວພ້ອມແຂກອື່ນໆເຂົ້າປະຕູໃຫຍ່.ຜູ່ຮັບຜິດຊອບບ້ານຊ້າງສຸຍທີ່ເປັນເພື່ອນນັກຂ່າວໄດ້ແນະນຳວ່າ,ວຽກຂອງ ຄອບຄົວນີ້ຕົ້ນຕໍແມ່ນສະໜອງການບໍລິການທ່ອງທ່ຽວຢ່ອນອາລົມ,ນີ້ແມ່ນວິຖີທາງສຳຄັນເສັ້ນໜຶ່ງທີ່ເຮັດໃຫ້ກະເປົາເງິນຂອງຊາວບ້ານທັງຫຼາຍໃນບ້ານຊ້າງສຸຍຕື່ງຂຶ້ນ.ຂໍຍົກເອົາຄອບຄົວນີ້ເປັນຕົວຢ່າງ,ປີໜຶ່ງມີລາຍໄດ້ເກືອບ4ໝື່ນຢວນ.
ນັກຂ່າວໄດ້ສັງເກດເບິ່ງເຮືອນຊາວກະສິກອນທັງນີ້ຢ່າງຕັ້ງໃຈ,ເຮືອນໄດ້ປະດັບປະດາຕົບແຕ່ງໃໝ່,ໃນເຮືອນມີໂທລະພາບສີ,ຕູ້ລຳໂພງ,ຫ້ອງຟ້ອນລະບຳ,ໂຕະສະນຸເກີ.ຢູ່ເດີ່ນບ້ານ,ມີຕົ້ນໄມ້ຕົ້ນຫຍ້າແລະດອກໄມ້ສະລັບກັນ,ສະພາບແວດລ້ອມສວຍງາມທີ່ສຸດ.ນາງໂລຊຸນ ແມ່ເຮືອນຜູ້ມັກແຂກມັກຄົນຫຼາຍໄດ້ລົມກັບນັກຂ່າວ,ນາງບອກນັກຂ່າວວ່າ:
"ໃນຍາມລະດູບານໃໝ່ວຽນມາເຖິງ,ນັກທ່ອງທ່ຽວທີ່ມາທ່ຽວບ້ານເຮົາຄ່ອຍໆຫຼາຍຂຶ້ນ,ໄທເມືອງສາມາດກິນອາຫານລົດຊາດແບບຊາວກະສິກອນ,ກິນຜັກສົດ,ນອກນີ້,ແຫ່ງນີ້ອາກາດກໍສົດໃສ.ປັດຈຸບັນ,ຂ້ອຍໄດ້ປູກຕົ້ນໄມ້ກິນໝາກຈຳນວນໜຶ່ງ,ເຊີນນັກທ່ອງທ່ຽວໄປທ່ຽວໃນສວນຕົ້ນໄມ້ກິນໝາກ,ໃນລະດູໃບໄມ້ຫຼົ່ນ,ນັກທ່ອງທ່ຽວຍັງສາມາດເກັບໝາກໄມ້,ຄືໝາກຈອງ,ໝາກກ້ຽງ,ໝາກອະງຸ່ນ.
ນາງໂລຊຸນໄດ້ພາພວກເຮົາຍ່າງໄປສູ່ກາງບ້ານ.ເສັ້ນທາງທີ່ເນັ່ງໄປຫາທຸກໆຫຼັງເຮືອນລ້ວນແຕ່ແມ່ນທາງປູຊີມັງ,ທັງຮາບພຽງທັງສະອາດ.ນາງໂລຊຸນເວົ້າວ່າ:ແຕ່ກ່ອນ,ສະພາບແວດລ້ອມຂອງບ້ານອ່າວຂີ້ຮ້າຍ,ດຽວນີ້ຊີວິດຮັ່ງມີຂຶ້ນແລ້ວ,ຊາວບ້ານທັງຫຼາຍລ້ວນແຕ່ເອົາໃຈໃສ່ນຳການອະນຸລັກສິ່ງແວດລ້ອມເປັນພິເສດ,ຕົວຢ່າງຄືປີກາຍນີ້,ໃນບ້ານໄດ້ສ້າງອ່າງອາຍເມຕານ,ອ່າງເກັບຂີ້ເຫຍື້ອແລະທໍ່ລະບາຍນ້ຳໂສໂຄກ,ໂສມໜ້າຂອງທົ່ວບ້ານໄດ້ມີການປ່ຽນແປງຢ່າງໃຫຍ່ຫຼວງ.ປັດຈຸບັນ,ບໍ່ພຽງແຕ່ຊາວບ້ານຮູ້ສຶກວ່າດຳລົງຊີວິດຢູ່ບ້ານນີ້ສະບາຍໃຈ,ຄົນທີ່ມາຈາກຕົວເມືອງກໍເຫັນວ່າບ້ານນີ້ສະອາດ,ສະອາງ,ນີ້ໄດ້ດຶງດູດຄົນມາທ່ຽວບ້ານນີ້ນັບມື້ນັບຫຼາຍອີກ.
ທັງຍ່າງທັງລົມກັນ,ພວກເຮົາໄດ້ໄປຮອດເຮືອນຂອງຊາວບ້ານຜູ້ໜຶ່ງທີ່ຊື່ວ່າ ວາງລູ,ຄອບຄົວຂອງນາງເປັນຄອບຄົວທີ່ລ້ຽງໝູຫຼາຍ.ນາງວາງລູເຈົ້າເຮືອນບອກວ່າ,ປີນີ້,ເພິ່ນໄດ້ລ້ຽງໝູ30ກວ່າໂຕ,ຜົວຍັງເຮັດທຸລະກິດການຂົນສົ່ງ.ລາຍໄດ້ສອງຢ່າງບວກໃສ່ກັນແລ້ວມີເກືອບ4ໝື່ນຢວນ,ໝົດຄອບຄົວ4ຄົນໄດ້ດຳລົງຊີວິດຢ່າງສະໜຸກສຸກສະບາຍ.
ນັກຂ່າວໄດ້ຊາບວ່າ,ບ້ານຊ້າງສຸຍໄດ້ນຳໃຊ້ເງື່ອນໄຂທີ່ມີຜົນດີເຊັ່ນຫ່າງຈາກເທດສະບານເມືອງອ່າວໃກ້,ທີ່ດິນມັ່ງມູນເປັນຕົ້ນ,ຍັງໄດ້ພັດທະນາເສດຖະກິດພິເສດອື່ນໆ.ຕົວຢ່າງຄື,ປູກຜັກປອດສານພິດແລະຜັກບໍ່ຖືກລະດູການເປັນຕົ້ນ.ຜ່ານຈາກມາດຕະການເຫຼົ່ານີ້,ຊາວບ້ານຊ້າງສຸຍມີລາຍໄດ້ເພີ່ມຂຶ້ນຢ່າງຫຼວງຫຼາຍ. ຕາມສະຖິຕິ,ປີ2005,ລາຍໄດ້ສຸດທິສະເລ່ຍຕາມຫົວຄົນຂອງຊາວບ້ານດັ່ງກ່າວໄດ້ເພີ່ມຂຶ້ນຫຼາຍກວ່າປີ2004 1200ກວ່າຢວນ.
ທ່ານຈ່າງຈຸ່ນຟາ ຜູ່ຮັບຜິດຊອບວຽກງານຊົນນະບົດເຂດຮ່ວາຊີກ່າວວ່າ,ໃນຫຼາຍປີມານີ້,ບ້ານເຜົ່າປູ້ອີຫຼາຍໆບ້ານລ້ວນແຕ່ໄດ້ມີການພັດທະນາເປັນຢ່າງດີ,ບ້ານຊ້າງສຸຍພຽງແຕ່ແມ່ນບ້ານທຳມະດາບ້ານໜຶ່ງທໍ່ນັ້ນ.
"ຫຼາຍປີມານີ້,ບ້ານເຜົ່າປູ້ອີທີ່ຢູ່ເທິງພູດອຍແຫ່ງນີ້ໄດ້ເກີດມີການປ່ຽນແປງຢ່າງໃຫຍ່ຫຼວງ,ຊີວິດການເປັນຢູ່ຂອງຊາວບ້ານໄດ້ມໍ່ກັບລະດັບເຫຼືອຢູ່ເຫຼືອກິນ.ຢູ່ເມືອງກຸ້ຍຢາງ,ມັນເປັນບ້ານທຳມະຊາດແຫ່ງໜຶ່ງທີ່ມີລະດັບເໜືອຜ້ານກາງແລ້ວ."
ໃນເວລາອຳລາຄາຈາກບ້ານຊ້າງສຸຍ,ທ່ານຈ່າງຈຸ່ນຟາເວົ້າວ່າ,ຕໍ່ໄປພາຍໜ້າ,ອົງການປົກຄອງເຂດຮ່ວາຊີຈະປະກາດມາດຕະການຈຳນວນໜຶ່ງຕື່ມອີກ,ຊ່ອຍບ້ານຊົນເຜົ່າສ່ວນໜ້ອຍເຊັ່ນບ້ານຊ້າງສຸຍເປັນຕົ້ນພັດທະນາເສດຖະກິດທີ່ມີເອກະລັກພິເສດ.ພ້ອມກັນນັ້ນ,ກໍຈະຊຸກຍູ້ໃຫ້ທຸກໆບ້ານປົວແປງສະພາບແວດລ້ອມຕື່ມອີກ.ເຮັດໃຫ້ຊາວບ້ານທັງຫຼາຍມີລາຍໄດ້ເພີ່ມຂຶ້ນຢ່າງບໍ່ຢຸດຢັ້ງ,ຊີວິດການເປັນຢູ່ສືບຕໍ່ຍົກສູງຂຶ້ນຢ່າງໜັກແໜ້ນ,ພ້ອມກັນນັ້ນ,ສະພາບແວດລ້ອມດຳລົງຊີວິດກໍໄດ້ຮັບການປົວແປງໃຫ້ດີຂຶ້ນຕື່ມອີກ.
|
|
|
