|
|
 |
| (GMT+08:00)
2006-06-14 10:49:51
|
 |
|
ທຸງສະຫະປະຊາຊາດທີ່ຍານອະວະກາດ "ເຊິນໂຈ່ວ" ເລກ 5 ຂອງຈີນບັນຈຸນັ້ນຈະວາງສະແດງຖາວອນຢູ່ວຽນ
cri
Author: min
ຕາມຂ່າວສານຊິນຮວາ: ວັນທີ 13 ມິຖຸນາ, ສຳນັກງານວຽນອົງການສະຫະປະຊາຊາດຈັດພິທີວາງສະແດງທຸງສະຫະປະຊາຊາດທີ່ຍານອະວະກາດ"ເຊິນໂຈ່ວ" ເລກ 5 ບັນທຸກຄົນຂອງຈີນບັນຈຸນັ້ນຢູ່ວຽນຢ່າງຖາວອນ.
ທ່ານທາງກົວຊຽງ ຜູ້ແທນປະຈຳສຳນັກງານວຽນອົງການສະຫະປະຊາຊາດແລະອົງການຈັດຕັ້ງສາກົນອື່ນໆຂອງຈີນເວົ້າໃນພິທີວ່າ, ຈີນແມ່ນປະເທດທຳອິດໃນໂລກທີ່ໄດ້ບັນຈຸທຸງສະຫະປະຊາຊາດໃນເວລາການບິນອະວະກາດບັນທຸກຄົນຄັ້ງທຳອິດ, ນີ້ແມ່ນການສະແດງໃຫ້ເຫັນອັນເປັນຮູບປະທຳແຫ່ງການສະໜັບສະໜູນວັດຖຸປະສົງແລະຫຼັກການຂອງອົງການສະຫະປະຊາຊາດ, ໄດ້ສະແດງໃຫ້ເຫັນເຖິງຈຸດປະສົງຂອງຈີນທີ່ປະຕິບັດໂຄງການການບິນອະວະກາດບັນທຸກຄົນແລະນຳໃຊ້ອະວະກາດໂດຍສັນຕິເພື່ອສ້າງຄວາມສຸກໃຫ້ມວນມະນຸດ.
ທ່ານອັນໂຕນີໂອ ຄົສຕາ ຫົວໜ້າສຳນັກງານວຽນຂອງອົງການສະຫະປະຊາຊາດເວົ້າວ່າ, ຈີນບັນຈຸທຸງສະຫະປະຊາຊາດໃນການບິນອະວະກາດບັນທຸກຄົນຄັ້ງທຳອິດເຊິ່ງໄດ້ຢັ້ງຢືນຄວາມປາຖະໜາຂອງຈີນທີ່ຢາກຮ່ວມມືກັບປະເທດອື່ນໆໃນໂລກ, ພັດທະນາອະວະກາດໂດຍສັນຕິ.
|
|
|
