|
|
 |
| (GMT+08:00)
2006-06-14 16:01:49
|
 |
|
ການຈັດວາງການເຫມົາຍົນໃນຍາມບຸນລະຫວ່າງສອງຝັ່ງໄດ້ຕົກລົງ ຢ່າງເປັນທາງການ
cri
Author: sayvanny
ຕາມຂ່າວ CRI:ຫວ່າງມໍ່ໆນີ້ ອົງການຈັດຕັ້ງມະຫາຊົນຂອງຂະແຫນງການການບິນສອງຝັ່ງຮ່ອມທະເລໄຕ້ຫວັນໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບການເຫມົາຍົນໃນຍາມບຸນລະຫວ່າງສອງຝັ່ງແລະບັນຫາດ້ານເຕັກ ນິກແລະທຸລະການຂອງການເຫມົາຍົນໃນກໍລະນີພິເສດ,ແລະໄດ້ທຳການຈັດວາງລັກສະນະໂຄງຮ່າງ.
ວັນທີ 14 ມິຖຸນາ, ນັກຂ່າວໄດ້ຊາບຈາກກົມໃຫຍ່ການບິນພົນລະເຮືອນແຜ່ນດິນໃຫຍ່ຈີນວ່າ, ການຈັດວາງການເຫມົາຍົນ ໃນຍາມບຸນລະຫວ່າງສອງຝັ່ງ ໄດ້ປະຕິບັດແຕ່ມື້ນີ້ເປັນຕົ້ນໄປ.ນີ້ຫມາຍຄວາມວ່າ, ເຫມົາຍົນຂົນສົ່ງຜູ່ໂດຍສານລະຫວ່າງສອງຝັ່ງຈະຈາກການເຫມົາຍົນໃນຍາມບຸນກຸດຈີນໃນແຕ່ກ່ອນຂະຫຍາຍເປັນການຍົນເຫມົາລະຫວ່າງສອງຝັ່ງໃນໄລຍະບຸນປະເພນີຊົນເຜົ່າຕົ້ນຕໍ 4 ເທື່ອຄື ບຸນຊິງມິງ ບຸນຕວນອູ ບຸນໄຫວ້ພະຈັນແລະບຸນກຸດຈີນ ເຊິ່ງເປັນສີ່ບຸນປະເພນີດັ້ງເດີມຂອງຈີນ.ການຈັດວາງທີ່ກ່ຽວຂ້ອງຈະເຣັດຕາມແບບວີທີເຫມົາຍົນໃນຍາມບຸນກຸດຈີນລະຫວ່າງສອງຝັ່ງໃນປີນີ້. ພ້ອມກັນນັ້ນ, ສອງຝັ່ງຍັງໄດ້ທຳການຈັດວາງທີ່ສົມຄູ່ກັນກ່ຽວກັບບັນຫາຍົນໃນກໍລະນີພິເສດຄື ເຫມົາຍົນກອບກູ້ປິ່ນປົວດ່ວນເຫມົາຍົນຂົນສົ່ງຄົນພິການເປັນຕົ້ນແລະເຫມົາຍົນຂົນສົ່ງເຄື່ອງຂອງທີ່ມີຄວາມຕ້ອງການພິເສດເປັນຕົ້ນ.
ມື້ດຽວກັນ, ໂຄສົກຖະແຫລງຂ່າວຂອງຫ້ອງການວຽກງານໄຕ້ຫວັນຂອງຄະນະລັດຖະບານຈີນໄດ້ສະແດງຄວາມຊົມເຊີຍຕໍ່ອົງການຈັດຕັ້ງມະ ຫາຊົນຂອງໃນຂະແຫນງການການບິນສອງຝັ່ງໄດ້ກ້າວເຖິງຂັ້ນມີຄວາມຮັບຮູ້ຄືກັນດັ່ງກ່າວ, ແຕ່ພ້ອມກັນນັ້ນກໍ່ກ່າວເນັ້ນວ່າ, ການຈັດວາງດັ່ງກ່າວຍັງບໍ່ສາມາດສອດຄ່ອງກັບຄວາມຕ້ອງການເທື່ອ,ຫວັງໃຫ້ເຈົ້າຫນ້າທີ່ໄຕ້ຫວັນສາ ມາດອຳນວຍຄວາມສະດວກຕ່າງໆໃຫ້ແກ່ອົງການຈັດຕັ້ງມະຫາຊົນຂອງຂະແຫນງການການບິນສອງຝັ່ງສືບຕໍ່ປຶກສາຫາລືກັນກ່ຽວກັບການເຫມົາຍົນລະ ຫວ່າງສອງຝັ່ງໃນທ້າຍສັບປະດາແລະໃຫ້ກາຍເປັນເລື່ອງປົກກະຕິ, ຈົນກະ ທັ້ງບັນລຸການບິນໂດຍກົງຮອບດ້ານ.
|
|
|
