|
|
 |
| (GMT+08:00)
2006-06-15 11:19:00
|
 |
|
ຜະລິດຕະພັນວິທະຍາສາດເຕັກນິກຊັກນຳຊີວິດໃໝ່(ສຽງ)
cri
Author: shuo
|
ທ່ານໄດ້ຄາດຄິດສະພາບການດັ່ງລຸ່ມນີ້ແລ້ວບໍ່?ໃນເວລາງານກິລາໂອລິມປິກຈັດຂຶ້ນຢູ່ທີ່ປັກກິ່ງໃນປີ2008,ກ່ອນທ່ານຈະອອກເດີນທາງໄປເບິ່ງການແຂ່ງຂັນ,ທ່ານກວດສອບຂໍ້ມູນຄົມມະນາຄົມຫຼ້າສຸດທີ່ປ່ຽນໃໝ່ໃນທຸກເວລາຢູ່ເທິງເວັບໄຊ,ແລ້ວເລືອກເອົາເສັ້ນທາງສະດວກກວ່າໝູ່ໄປສະໜາມກິລາຢ່າງຖືກຕ້ອງແລະທັນການ.ໃນເວລາພັກຜ່ອນຕອນທ່ຽງ, ທ່ານກົດມືຖືເບິ່ງຂ່າວກິລາ,ແລະອັດການແຂ່ງຂັນທີ່ຖ່າຍທອດສົດຕາມເວລາກຳນົດ,ເພື່ອເບິ່ງໃນເວລາຫວ່າງ.ຜະລິດຕະພັນວິທະຍາສາດເຕັກນິກທີ່ຖືກໃຈທີ່ສຸດເຫຼົ່ານີ້ແມ່ນເຄື່ອງວາງສະແດງໃນງານມະຫະກຳວິທະຍາສາດເຕັກນິກສາກົນປັກກິ່ງຈີນຄັ້ງທີ9ທີ່ຫາກໍອັດລົງ.
ໃນຖານເປັນງານວາງສະແດງວິທະຍາສາດເຕັກນິກທີ່ມີອິດມິພົນຫຼາຍກວ່າໝູ່ຢູ່ຈີນ,ງານມະຫະກຳອຸດສາຫະກຳວິທະຍາສາດເຕັກນິກສາກົນປັກກິ່ງຈີນຄັ້ງທີ9ທີ່ຈັດຂຶ້ນຢູ່ທ້າຍເດືອນພຶດສະພານັ້ນໄດ້ດູດເອົາວິສາຫະກິດ2ພັນກວ່າແຫ່ງທີ່ມາຈາກ20ກວ່າປະເທດແລະເຂດແຄ້ວນ ເຊັ່ນອາເມລິກາ ເຢຍລະມັນ ໂອຕຼິສ ໂຮນລັງແລະຣັດເຊຍເປັນຕົ້ນມາເຂົ້າຮ່ວມການວາງສະແດງ.ໃນນັ້ນ,ຜະລິດຕະພັນດ້ານວິທະຍາສາດເຕັກນິກຕ່າງໆທີ່ວິສາຫະກິດຈີນວາງສະແດງນັ້ນໄດ້ດຶງດູດຜູ້ຊົມແລະຜູ້ລົງທຶນຈຳນວນຫຼວງຫຼາຍ.ລະບົບຕິດຕາມຄວບຄຸມຄົມມະນາຄົມໂດຍອັດຕະໂນມັດທີ່ໄດ້ແນະນຳເມື່ອກີ້ນີ້ກໍແມ່ນຜະລິດຕະພັນອັນໜຶ່ງທີ່ໄດ້ວາງສະແດງໃນງານມະຫະກຳ.ຖ້າທຽບໃສ່ລະບົບຕິດຕາມຄວບຄຸມຄົມມະນາຄົມທີ່ໃຊ້ໃນປະຈຸບັນ,ລະບົບຕິດຕາມຄວບຄຸມຄົມມະນາຄົມໂດຍອັດຕະໂນມັດຊຸດນີ້ສາມາດສ່ອງແສງໃຫ້ເຫັນສະພາບຄົມມະນາຄົມໃນປະຈຸບັນໄວກວ່າເກົ່າ,ບໍ່ວ່າຜູ້ໃດກໍເຂົ້າເວັບໄຊກວດເບິ່ງສະພາບຄົມມະນາຄົມໄດ້ໃນທຸກເວລາ.
ທ່ານຢາງເກິງ ຫົວໜ້າພະແນກການຕະຫຼາດຂອງບໍລິສັດທ່ຽນຕີ້ຮຸ້ຍລຽນທີ່ຄົ້ນຄວ້າຜະລິດລະບົບຄົບຊຸດນີ້ບອກນັກຂ່າວວ່າ:"ໃນໄລຍະງານກິລາໂອລິມປິກປັກກິ່ງປີ2008,ທ່ານ ອາດຈະເຫັນລະບົບຕິດຕາມຄວບຄຸມດ້ວຍກ້ອງໂທລະພາບນີ້,ພວກຂ້າພະເຈົ້າຈະຕິດຕັ້ງ ລະບົບຕິດຕາມຄວບຄຸມນີ້ຢູ່ບ່ອນສຳຄັນຈຳນວນໜຶ່ງຄື ສະໜາມກິລາຫຼືວ່າທາງແຍກທີ່ສຳຄັນຈຳນວນໜຶ່ງ.ເວົ້າສຳລັບນັກກິລາທີ່ເຂົ້າຮ່ວມການແຂ່ງຂັນຫຼືຜູ້ຊົມການແຂ່ງຂັນ,ເມື່ອເປີດເວັບໄຊກໍຈະເຫັນສະພາບຄົມມະນາຄົມຂອງທາງແຍກຫຼືສະໜາມກິລາໄດ້,ນີ້ຈະມີຜົນດີຕໍ່ການອອກເດີນທາງ."
ນອກຈາກລະບົບຄົມມະນາຄົມໂດຍອັດຕະໂນມັດແລ້ວ,ໂທລະສັບມືຖືທີ່ເບິ່ງໂທລະພາບໄດ້ແລະໂທລະສັບມືຖືທີ່ຟັງດົນຕີໄດ້ກໍແມ່ນຈຸດຮຸ່ງຂອງງານມະຫະກຳຄັ້ງນີ້.ໃນເຂດວາງ ສະແດງແຫ່ງໜຶ່ງຂອງງານມະຫະກຳຄັ້ງນີ້,ບໍລິສັດເຕັກນິກຕາເຊິງອູຊ້ຽນປັກກິ່ງຈຳກັດໄດ້ວາງສະແດງໂທລະສັບມືຖືຊະນິດໜຶ່ງທີ່ສະສົມລາຍການໂທລະພາບໂດຍອັດຕະໂນມັດໄດ້,ເຊິ່ງມີບໍລິມາດສະສົມ1G.ນາງຊີງຢຸ້ຍ ຜູ້ຈັດການແຂກພະແນກຕິດຕຕໍ່ລູກຄ້າຂອງບໍລິ ສັດນີ້ແນະນຳວ່າ,ເຖິງວ່າໂທລະສັບມືຖືຊະນິດນີ້ມີສັບພະຄຸນຫຼາຍຢ່າງຫຼາຍແນວກໍຕາມ,ແຕ່ລາຄາພັດມີແຕ່3ພັນຢວນທໍ່ນັ້ນ.ນາງເວົ້າວ່າ:"ຈິນຕະນາການຂອງບໍລິສັດພວກຂ້າພະ ເຈົ້າແມ່ນອອກແບບໂທລະສັບມືຖືຊະນິດໜຶ່ງທີ່ມວນຊົນຊື້ໄດ້ແລະໃຊ້ໄດ້ດີ.ຖ້າໃຊ້ໂທລະ ສັບມືຖືນີ້ເບິ່ງລາຍການໂທລະພາບບໍ່ຕ້ອງເສຍຄ່າ.ເມື່ອຮອດປີ2008,ບໍ່ວ່າທ່ານໄປໃສກໍ່ເບິ່ງລາຍການໂທລະພາບທາງໂທລະສັບມືຖືນີ້ໄດ້ແລ້ວ."
ຍ້ອນມີສັບພະຄຸນຫຼາຍທັງໃໝ່ອ່ຽມແລະນຳໃຊ້ສະດວກ,ໂທລະສັບມືຖືຊະນິດນີ້ໄດ້ດູດເອົາສາຍຕາຂອງຜູ້ຊົມຈຳນວນຫຼວງຫຼາຍ.ນາງຈ່ຽງລີງ ພະນັກງານບໍລິສັດໂຄສະນາສິນຄ້າແຫ່ງໜຶ່ງທີ່ປັກກິ່ງເມື່ອໄດ້ສອບຖາມສະພາບການກ່ຽວກັບໂທລະສັບມືຖືຊະນິດນີ້ຢ່າງລະ ອຽດແລ້ວ,ນາງກ່າວວ່າ,ນາງຢາກຊື້ໂທລະສັບມືຖືຊະນິດນີ້.ນາງເວົ້າວ່າ:"ຂ້າພະເຈົ້າເຫັນວ່າໂທລະສັບມືຖືຊະນິດນີ້ດີຫຼາຍ,ແຕ່ກ່ອນບໍ່ເຄີຍເຫັນຈັກເທື່ອ,ໃໝ່ອ່ຽມທີ່ສຸດ,ລາຄາກໍບໍ່ແພງປານໃດ.ຖ້າປ້ອນຕະຫຼາດແລ້ວ,ຂ້າພະເຈົ້າຈະຊື້ໜ່ວຍໜຶ່ງ."
ຄົນທັງຫຼາຍຄືຊິມີພາບພົດອັນເລິກເຊິ່ງທີ່ສຸດຕໍ່ພາບທີ່ຕົວສະແດງໃນຟີມຮູບເງົາຫໍລິວູດບໍ່ຕ້ອງໃຊ້ກົດລັບອັນສັບສົນຫຍັງ,ມີແຕ່ອາໄສໜ້າຕາຂອງຕົນກໍເປີດໃຊ້ຄອມປິວເຕີໄດ້.ປະຈຸບັນນີ້,ເຕັກນິກລາຍນີ້ບໍ່ແມ່ນຄວາມໄຝ່ຝັນອີກແລ້ວ.ຄອມພິມເຕີເຄື່ອນທີ່ທີ່ກຸ່ມເລໂນໂວທີ່ມີຊື່ສຽງດົງດັງຂອງຈີນວາງສະແດງໃນງານມະຫະກຳຄັ້ງນີ້ກໍສາມາດຈຳແນກເຈົ້າຂອງຕາມໜ້າຕາຂອງເຂົາ.ທ່ານວາງຫູ ພະນັກງານວິຊາການຜູ້ໜຶ່ງຂອງບໍລິສັດເລໂນໂວບອກນັກຂ່າວວ່າ,ຄອມພິມເຕີເຄື່ອນທີ່ທີ່ມີສັບພະຄຸນຈຳແນກໜ້າຕາຂອງຄົນສາມາດບັນລຸຈຸດປະສົງທີ່ກວດສອບກົດລັບຕາມຈຸດພິເສດຂອງໜ້າຕາຄົນ."ນີ້ແມ່ນເຕັກນິກປະດິດສ້າງລາຍໜຶ່ງຂອງພວກຂ້າພະເຈົ້າ,ມັນບໍ່ພຽງແຕ່ມີບົດບາດຮັກສາຄວາມປອດໄພທໍ່ນັ້ນ,ຫາກຍັງສາມາດຈື່ຈຳກົດລັບຈຳນວນໜຶ່ງຂອງພວກເຮົາໃນຊີວິດປະຈຳວັນ,ແລະເຂົ້າແທນກົດລັບຈຳນວນໜຶ່ງໄດ້.ເຕັກນິກລາຍນີ້ໄດ້ສ້າງສະພາບແວດລ້ອມນຳໃຊ້ຄອມພິວເຕີທີ່ມີສະຖຽນລະພາບແລະຄວາມປອດໄພ."
ປະຈຸບັນນີ້,ລາຄານ້ຳມັນຖີບສູງຂຶ້ນຊ້ຳແລ້ວຊ້ຳອີກ,ເພື່ອຫຼຸດການສິ້ນເປືອງນ້ຳມັນເຊື້ອໄຟແລະຫຼຸດການເຊື່ອມພິດ,ປະເທດຕ່າງໆໃນໂລກພະຍາຍາມຄົ້ນຄວ້າຜະລິດລົດຍົນສະ ອາດທີ່ບໍ່ໃຊ້ນ້ຳມັນເຊື້ອໄຟ.ໃນງານມະຫະກຳຄັ້ງນີ້,ບໍລິສັດອອກແບບລົດຍົນກວາງມີງ ຫຼີຊືປັກກິ່ງຈຳກັດໄດ້ວາງສະແດງລົດຍົນໄຟຟ້າມີນີຊະນິດໜຶ່ງ,ເລີຍດຶງດູດຜູ້ຊົມຈຳນວນຫຼວງຫຼາຍ.ລົດຍົນໄຟຟ້າມີບ່ອນນັ່ງສອງບ່ອນ,ສາກໄຟຟ້າ5ຊົ່ວໂມງກໍແລ່ນໄດ້260ກິໂລແມັດ,ເສຍໄຟຟ້າ5,5ກິໂລວັດໂມງຕໍ່ຮ້ອຍກິໂລແມັດ.ລົດຊະນິດນີ້ໄດ້ເລີ່ມຜະລິດເປັນງວດ,ກຽມຈະປ້ອນຕະຫຼາດ,ແລະຈະໄປເຂົ້າຮ່ວມງານວາງສະແດງລົດສາກົນປາຣີໃນເດືອນຕຸລາປີ2006.
ເພື່ອປະຕິບັດຄຳໝັ້ນສັນຍາທີ່ວ່າປັກກິ່ງຈະຈັດງານກິລາໂອລິມປິກທີ່ໄຮ້ເຊື່ອມພິດ,ຜະລິດຕະພັນວິທະຍາສາດເຕັກນິກຈຳນວນຫຼວງຫຼາຍທີ່ມີຜົນດີຕໍ່ການກັ່ນຕອງອາກາດໃຫ້ສະອາດຫຼຸດການເຊື່ອມພິດແລະມີຜົນດີຕໍ່ການອະນຸລັກຊີວະພາບນັ້ນໄດ້ປະກົດຕົວໃນງານມະຫະກຳວິທະຍາສາດເຕັກນິກຄັ້ງນີ້.ຢູ່ເຂດວາງສະແດງຈົ່ງກວ່ານຊຸ່ນ,ນັກຂ່າວໄດ້ເຫັນແກ້ວນາໂນແມັດຮັກສາຄວາມສະອາດໂດຍຕົນເອງທີ່ຄົ້ນຄວ້າຜະລິດໂດຍບໍລິສັດສູນວິສະວະກຳນະໂນແມັດຈົງເຄີ່ຈຳກັດໄດ້ດຶງດູດຄວາມສົນໃຈຂອງຄົນທັງຫຼາຍ.ທ່ານກາຍວັ້ນກົວ ຜູ້ບໍລິຫານການຈຳໜ່າຍຂອງບໍລິສັດນີ້ແນະນຳຕໍ່ນັກຂ່າວວ່າ,ຖ້າທຽບໃສ່ແກ້ວທຳມະດາ,ແກ້ວນະໂນແມັດຊະນິດນີ້ສາມາດແຍກທາດອີນຊີຈຳນວນໜຶ່ງ ຄືອາຍເສຍແລະຄວັນນ້ຳມັນຂອງລົດເປັນຕົ້ນ,ຍັງສາມາດລ້າງທາດອະອິນຊີອອກ ຄືຂີ້ຝຸ່ນເປັນຕົ້ນໂດຍອາໄສນ້ຳຝົນ.ສັບພະຄຸນທີ່ຮັກສາຄວາມສະອາດໂດຍຕົນເອງໄດ້ແກ່ຍາວເວລາທີ່ບໍ່ຕ້ອງລ້າງແກ້ວ,ແລະຫຼຸດການນຳໃຊ້ຢາທຳຄວາມສະອາດແກ້ວທີ່ເຊື່ອມພິດສິ່ງແວດລ້ອມ.
ທ່ານຜູ້ຟັງທີ່ໂຄລົບ,ການນຳໃຊ້ຜະລິດຕະພັນວິທະຍາສາດເຕັກນິກທີ່ວາງສະແດງໃນງານມະຫະກຳວິທະຍາສາດເຕັກນິກສາກົນປັກກິ່ງຈີນຄັ້ງທີ9ເຮັດໃຫ້ຊີວິດການເປັນຢູ່ຂອງຄົນເຮົາສະດວກສະບາຍກວ່າເກົ່າແລະວິທະຍາສາດກວ່າເກົ່າ,ເມື່ອມີຜະລິດຕະພັນເຫຼົ່ານີ້ແລ້ວ,ຄຸນນະພາບຂອງຊີວິດການເປັນຢູ່ຂອງຄົນເຮົາຈະມີການຮັບປະກັນຫຼາຍກວ່າເກົ່າ.
|
|
|
