ຕາມ​ຂ່າວສານ​ຊິນ​ຮວາ: ວັນ​ທີ 14 ມິຖຸນາ, ຫ້ອງການ​ຖະ​ແຫຼງຂ່າວ​ກະຊວງ​ກະ​ສິ​ກຳ​ຈີນ​ໄດ້​​ປະ​ກາດ​ຂ່າວ​ວ່າ, ການ​ກວດກາ​ສະພາບ​ການ​ສັກ​ຢາ​ຕ້ານ​ພະຍາດ​ລົງ​ເລັບ​ປາກ​ເປື່ອຍ​ແລະ​ພະ​ຍາດ​ໄຂ້​ຫວັດ​ສັດ​ປີກເຊິ່ງ​ແມ່ນ​ສູນ​ປ້ອງ​ກັນ​ແລະ​ຄວບ​ຄຸມພະ​ຍາດ​ສັດ​ຈີນ​ຈັດ​ຕັ້ງ​ນັ້ນ ຈະ​ດຳ​​ເນີນ​ໄປ​ຢ່າງ​ຂະໜາດ​ໃຫຍ່​​ໃນ​ທົ່ວ​ປະ​ເທດ​ຈີນ, ​ເພື່ອ​ເພີ່ມຄວາມ​ສາ​ມາດ​ຂອງ​ແຫ່ງ​ຕ່າງໆ​ຕື່ມ​ອີກ​ໃນ​ການ​ປ້ອງ​ກັນ​ແລະ​ຄວບ​ຄຸມພະ​ຍາດ​ປະ​ເພດ​ດັ່ງ​ກ່າວ​.

ຕາມ​ໄດ້​ຊາບ, ​ເຂດ​ຈຸດ​ໜັກ​ຂອງ​ການ​ກວດກາ​ເທື່ອ​ນີ້​ແມ່ນ​ເຂດ​ພູດ​ອຍ ​ເຂດ​ມີ​ນົກ​ຍ້າຍ​ແກ່ວ ​ເຂດ​ຄ້າຂາຍ​ສັດ​ໃຫຍ່​ແລະ​ສັດ​ປີກ ​ແລະ​ເຂດ​ທີ່​ເຄີຍ​ເກີດ​ພະຍາດ​ດັ່ງ​ກ່າວ. ຜ່ານ​ຈາກ​ການ​ກວດ​ກາ, ກຳກັບ​ແລະ​ວິ​ເຄາະ​ບັນຫາ​ຕົວ​ຈິງ​ໃນ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ສັດ​ທີ່​ສຳ​ຄັນ, ​ແລະ​ໃຊ້​ວິທີ​ແກ້​ໄຂ​ທີ່​ມີ​ລັກສະນະ​ແນ​ໃສ່.