|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານອຸລາ ມິ່ງຂວັນຫາ ຜູ້ຟັງເກົ່າຂອງພວກເຮົາ ທີ່ເມືອງຮຸນ ແຂວງອຸດົມໄຊ.ເພິ່ນໄດ້ເຂົ້າຮ່ວມການເສັງຄວາມຮູ້ຫຼາຍເທື່ອທີ່CRIຈັດຂຶ້ນຫຼາຍເທື່ອ.ໃນຈົດໝາຍ,ທ່ານອຸລາບອກວ່າ,ເຖິງຈະເປັນແນວໃດກໍ່ຕາມ,ຂ້າພະເຈົ້າກໍ່ບໍ່ເຄີຍລົດລະໃນການຮັບຟັງວິທະຍຸສາກົນແຫ່ງປະເທດຈີນ.ສ່ວນຈົດໝາຍພ້ອມດ້ວຍຂອງຂວັນໃນການເສັງຄວາມຮູ້ກ່ຽວກັບເຂດກວາງຊີໄດ້ລາງວັນທີສອງແລະລາງວັນທີສາມກ່ຽວກັບໄຕ້ຫວັນ-ເກາະປະເສີດຂອງຈີນແມ່ນໄດ້ຮັບແລ້ວ.ຂ້າພະເຈົ້າດີໃຈຫຼາຍເມື່ອໄດ້ລາງວັນດັ່ງກ່າວ.ການເສັງຄວາມຮູ້ຄັ້ງຕໍ່ໆໄປ,ຂ້າພະເຈົ້າກໍ່ຈະພະຍາຍາມເສັງໃຫ້ໄດ້ລາງວັນພິເສດ,ກໍ່ເພາະວ່າຢາກເຫັນປະເທດຈີນຫຼືນະຄອນປັກກິ່ງ.
ຂອບໃຈທ່ານອຸລາ ມິ່ງຂວັນຫາຫຼາຍໆໄດ້ຕັ້ງໜ້າເຂົ້າຮ່ວມການເຄື່ອນໄຫວຕ່າງໆທີ່CRIພວກເຮົາຈັດຂຶ້ນໂດຍຕະຫຼອດມາ,ກໍ່ຫວັງວ່າທ່ານຄົງຈະເຂົ້າຮ່ວມການເສັງຄວາມຮູ້"ເຮົາກັບCRI"ທີ່ພວກເຮົາກຳລັງຈັດຂຶ້ນ.ໃບຄຳຖາມກ່ຽວກັບການເລັງຄວາມຮູ້ເທື່ອນີ້,ພວກເຮົາໄດ້ຝາກໃຫ້ທ່ານແລ້ວ.ເມື່ອທ່ານໄດ້ຮັບຟັງລາຍການຂອງພວກເຮົາ,ແລະຕອບຄຳຖາມ,ຝາກໃບຄຳຕອບໃຫ້ພວກເຮົາແລ້ວກໍ່ໄດ້ເຂົ້າຮ່ວມການເສັງຄວາມຮູ້ເທື່ອນີ້ໄດ້.ອວຍພອນໃຫ້ທ່ານຈົ່ງໂຊກດີຈະໄດ້ຮັບຜົນໃນການເສັງຄວາມຮູ້ເທື່ອນີ້,ໃຫ້ຄວາມປາຖະໜາທີ່ມາຢາມຈີນນັ້ນກາຍເປັນຄວາມຈິງ.ພ້ອມກັນນັ້ນກໍ່ຫວັງວ່າເພື່ອນມິດຜູ້ຟັງທຸກຄົນຄົງຈະເຂົ້າຮ່ວມການເສັງຄວາມຮູ້ເທື່ອນີ້ຢ່າງຫ້າວຫັນ.
ສຸດທ້າຍ,ພວກເຮົາໄດ້ຈັດເພງມ່ວນໆເພງໜຶ່ງສູ່ທ່ານອຸລາ ມິ່ງຂວັນຫາຟັງ,ພ້ອມນີ້ກໍຂໍມອບໃຫ້ເພື່ອນຜູ້ຟັງvທຸກຄົນທີ່ພວມຟັງລາຍການຂອງພວກເຮົານີ້,ເພງນີ້ຊື່ວ່າ"ຈ່ຽງນານ".
|
