|
|
 |
| (GMT+08:00)
2006-06-15 21:32:16
|
 |
|
ອາເມລິກາລົງໂທດ 4 ບໍລິສັດຈີນແມ່ນບໍ່ມີເຫດຜົນຈັກເມັດແລະບໍ່ຮັບຜິດຊອບ
cri
Author: da
ຕາມຂ່າວCRI:ວັນທີ 15 ມິຖຸນາ ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນເວົ້າວ່າ,ລັດຖະບານອາເມລິກາບໍ່ໄດ້ສະໜອງຫຼັກຖານອັນຄັກແນ່,ກໍ່ລົງໂທດງົດຊັບສິນຂອງ4ບໍລິສັດຈີນຄືບໍລິສັດອຸດສາຫະກຳຊາງເສີງເປັນຕົ້ນຕາມກົດໝາຍພາຍໃນຂອງເຂົານັ້ນ,ແມ່ນບໍ່ມີເຫດຜົນຈັກເມັດແລະບໍ່ຮັບຜິດຊອບ,ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວ.
ຕາມຂ່າວແຈ້ງຂ່າວວ່າ,ວັນທີ 13 ມິຖຸນາ ອາເມລິກາໄດ້ລົງໂທດ4ບໍລິສັດຈີນດ້ວຍຂໍ້ອ້າງທີ່ວ່າສົງໄສສະໜອງວັດຖຸທີ່ໃຊ້ທາງການທະຫານ ທັງໃຊ້ທາງພົນລະເຮືອນທີ່ກ່ຽວກັບລູກສອນໄຟນຳວິຖີໃຫ້ອີຣານ.ທ່ານນາງຈ່ຽງອີເວົ້າວ່າ,ລັດຖະບານຈີນເດັດດ່ຽວຄັດຄ້ານການແຜ່ຜາຍອາວຸດລ້າງຜານຂະໜາດໃຫຍ່,ບໍ່ອະນຸມັດບໍລິສັດໃດຫຼືບຸກຄົນໃດດຳເນີນຫຼືສະໜັບສະໜູນການເຄື່ອນໄຫວແຜ່ຜາຍ.ຈີນອາເມລິກາມີຜົນປະໂຫຍດຮ່ວມໃນບັນຫາກັ້ນກາງການແຜ່ຜາຍ,ທັງໄດ້ດຳເນີນການຮ່ວມມືຢ່າງບັງເກີດຜົນ.ການກະທຳຂອງອາເມລິກາໄດ້ທຳລາຍການຮ່ວມມືກັ້ນກາງການແຜ່ຜາຍລະຫວ່າງສອງຝ່າຍຢ່າງໜັກໜ່ວງ,ທັງບໍ່ມີຜົນດີຕໍ່ການຂະຫຍາຍການພົວພັນຈີນອາເມລິກາ.ຝ່າຍຈີນທວງໃຫ້ອາເມລິກາປ່ຽນແປງການຕົກລົງໃນເມື່ອກ່ອນ,ແລະປະລະການກະທຳຜິດທີ່ລົງໂທດແລະໃຊ້ກຳລັງໜີບ.
ທ່ານນາງຈ່ຽງອີເວົ້າວ່າ,ລັດຖະບານຈີນຈະເຮັດຄືແຕ່ເກົ່າເມືອຫຼັງປະຕິບັດນະໂຍບາຍ ກົດບັນຍັດແລະຄຳໝັ້ນສັນຍາຕໍ່ສາກົນໃນດ້ານກັ້ນກາງການແຜ່ຜາຍ,ທັງຈະສືບຕໍ່ດຳເນີນການແລກປ່ຽນແລະການຮ່ວມມືລະຫວ່າງຊາດໃນດ້ານກັ້ນກາງການແຜ່ຜາຍບົນພື້ນຖານສະເໝີພາບແລະໂຄລົບເຊິ່ງກັນແລະກັນ.
|
|
|
