|
ທ່ານຜູ້ຟັງທີ່ໂຄລົບ,ວັນທີ6 ມິຖຸນາ,ນັກຮຽນຈີນ9ລ້ານ5ແສນຄົນໄດ້ເຂົ້າຮ່ວນການສອບເສັງເຂົ້າມະຫາວິທະຍາໄລ,ເພື່ອຍາດແຍ່ງເອົາສິດເຂົ້າຮຽນມະຫາວິທະຍາໄລຈຳນວນ5ລ້ານ3ແສນຄົນ.ໃນລາຍການຈີນປັດຈຸບັນພາກນີ້,ເຊີນທ່ານຟັງບົດແຈ້ງຂ່າວທີ່ພາດຫົວເລື່ອງວ່າ:ນັກຮຽນຈີນເກືອບ10ລ້ານຄົນເຂົ້າຮ່ວມການສອບເສັງເຂົ້າມະຫາວິທະຍາໄລ.
ວັນທີ6 ມິຖຸນາແມ່ນມື້ທຳອິດຂອງການສອບເສັງເຂົ້າມະຫາວິທະຍາໄລຈີນ,ຕອນເຊົ້າ,ນັກຂ່າວໄປຈຸດສອບເສັງແຫ່ງໜຶ່ງຂອງເຂດຊີຈີງຊ່ານປັກກິ່ງ,ໄດ້ເຫັນນັກຮຽນທີ່ເຂົ້າຮ່ວມການສອບເສັງຫຼາຍຄົນໄດ້ມາຢູ່ນີ້ແລ້ວ.ພາຍຫຼັງນັກຮຽນຈຳນວນໜຶ່ງເຂົ້າຫ້ອງສອບເສັງແລ້ວ,ພໍ່ແມ່ທີ່ມາສົ່ງພວກເຂົາເຈົ້ານັ້ນຍັງລໍຖ້າຢ່າງຮ້ອນຮົນຢູ່ນອກ.ທ່ານນາງວາງຈິ້ງຜູ້ເປັນແມ່ຂອງນັກຮຽນທີ່ເຂົ້າຮ່ວມການສອບເສັງບອກນັກຂ່າວວ່າ,ເພິ່ນຈະຖ້າຢູ່ນອກໂຮງຮຽນຈົນຮອດເວລາລູກສຳເລັດການສອບເສັງ:
"ພໍ່ແມ່ແລະລູກລ້ວນແຕ່ເອົາໃຈໃສ່ການສອບເສັງເທື່ອນີ້,ເພາະວ່າໄດ້ຮຽນມາ12ປີແລ້ວ,ກໍ່ແມ່ນເພື່ອການສອບເສັງເທື່ອນີ້."
ການສອບເສັງເຂົ້າມະຫາວິທະຍາໄລແມ່ນຊ່ອງທາງຕົ້ນຕໍທີ່ນັກຮຽນຈີນຫຼັງຈາກຈົບການຮຽນຊັ້ນອຸດົມແລະບຸກຄົນສັງຄົມເຂົ້າຮຽນຢູ່ມະຫາວິທະຍາໄລ,ສະນັ້ນໄດ້ຮັບຄວາມເອົາໃຈໃສ່ຫຼາຍຈາກຄົນທັງຫຼາຍ.ແຕ່ທ້າຍຊຸມປີ70ສະຕະວັດທີ່ແລ້ວຈີນຟື້ນຟູການສອບເສັງເຂົ້າມະຫາວິທະຍາໄລເປັນຕົ້ນມາ,ການຮັບເອົານັກຮຽນເຂົ້າມະຫາວິທະຍາໄລໄດ້ເພີ່ມຂຶ້ນຢ່າງບໍ່ຢຸດຢັ້ງ,ທຳອິດມີແຕ່5%ດຽວນີ້ໄດ້ເພີ່ມຂຶ້ນຫຼາຍກວ່າ50%.ເຖິງຈະເປັນແນວນີ້ກໍຕາມ,ແຕ່ຍັງມີນັກຮຽນຫຼາຍຄົນບໍ່ໄດ້ສົມດັ່ງປາຖະໜາຢາກເຂົ້າຮຽນມະຫາວິທະຍາໄລ.
ຫຼັງຈາກເຂົ້າຮ່ວມການສອບເສັງແລ້ວ,ນັກຮຽນທັງຫຼາຍຍັງກໍ່ຈະປະເຊີນກັບການເລືອກອັນຫຍຸ້ງຍາກຫຼາຍຢ່າງ.ຕາມການກຳນົດ,ພາຍຫຼັງໄດ້ສຳເລັດການສອບເສັງແລ້ວ,ຍັງຕ້ອງຂຽນໃບສະໝັກເຂົ້າຮຽນມະຫາວິທະຍາໄລແລະວິຊາທີ່ຕົນມັກແລະຕາມຄະແນນສອບເສັງຂອງຕົນ.ແຕ່ຍ້ອນວ່ານັກຮຽນແຕ່ລະຄົນຂຽນຊື່ມະຫາວິທະຍາໄລແລະວິຊາສະເພາະໃສ່ໃບສະໝັກມີໂອກາດພຽງເທື່ອດຽວທໍ່ນັ້ນ,ສະນັ້ນນັກຮຽນແລະພໍ່ແມ່ລ້ວນແຕ່ສຸດທີ່ເອົາໃຈໃສ່ໂອກາດນີ້.ໃນຈຸດສອບເສັງແຫ່ງໜຶ່ງຂອງເຂດຊີຈິງຊ່ານປັກກິ່ງ,ນັກຂ່າວລົມກັບນັກຮຽນຍິງສອງຄົນທີ່ເຂົ້າຮ່ວມການສອບເສັງຄືນາງໂຈ່ວຢິງແລະນາງຫວານຊິ່ນ:
ນາງໂຈ່ວຢິງບອກນັກຂ່າວວ່າ,ນາງຈະຮຽນວິຊາທຳມະສາດ,ຍ້ອນວ່າຕົນເອງມັກວິຊານີ້,ສ່ວນພໍ່ແມ່ຂອງນາງກໍ່ເຫັນວ່າເມື່ອສຳເລັດການຮຽນວິຊານີ້ຈະຫາວຽກງ່າຍ.ແຕ່ນາງຫວານຊິ່ນເວົ້າວ່ານາງຈະຮຽນວິຊາຄູ,ນາງເວົ້າວ່າຕົນເອງມັກວິຊານີ້,ພ້ອມກັນນັ້ນເມື່ອເປັນຄູແລ້ວ,ວັນພັກກໍຫຼາຍ.
ໃນເວລາສຳພາດ,ນັກຂ່າວປະກົດເຫັນວ່າ,ໃນເວລາຂຽນໃບສະໝັກ,ນັກຮຽນມີແຕ່ອີງຕາມຄວາມມັກຂອງຕົນ,ແຕ່ພໍ່ແມ່ຂອງພວກເຂົາເຈົ້າພັດບໍ່ເປັນແນວນີ້,ພວກເຂົາເຈົ້າພິຈາລະນາວິຊາທີ່ລູກຮຽນນັ້ນແມ່ນເພື່ອວຽກເຮັດງານທຳຂອງລູກພາຍຫຼັງຈົບການຮຽນແລ້ວ.ແລ້ວຄວາມເຫັນຂອງພໍ່ແມ່ສ່ວນຫຼາຍແມ່ນຄ້າຍຄືກັນ,ສະນັ້ນ,ບາງວິຊາທີ່ຫາວວຽກງ່າຍນັ້ນ,ກໍ່ກາຍເປັນເປົ້າໝາຍທີ່ນັກຮຽນແລະພໍ່ແມ່ເຫີກັນເລືອກເອົາ.
ໃນເວລາໃຫ້ສຳພາດຕໍ່ນັກຂ່າວ,ທ່ານນາງເຈິ້ງຊິ່ນຢົງ ຜູ້ຊ່ຽວຊານການສຶກສາຂອງມະຫາວິທະຍາໄລສ້າງຄູປັກກິ່ງກ່າວວ່າ,ໃນເວລາຂຽນໃບສະໝັກເຂົ້າມະຫາວິທະຍາໄລ,ເຖິງແມ່ນວ່ານັກຮຽນແລະພໍ່ແມ່ພິຈາລະນາເຖິງວິຊາໃດເມື່ອຮຽນຈົບແລ້ວຈະຫາວຽກງ່າຍຫຼືຍາກກໍຕາມ,ພວກເຂົາເຈົ້າສ່ວນຫຼາຍບໍ່ໄດ້ສຳນຶກວ່າງ່າຍກັບຍາກນັ້ນແມ່ນທຽບຖານ.
"ມັນຈະແຈ້ງແລ້ວວ່າໃນບໍ່ເທົ່າໃດປີມານີ້,ມະຫາວິທະຍາໄລຈີນທີ່ເພີ່ມຈຳນວນຮັບເອົານັກສຶກສານັ້ນໄດ້ເຮັດໃຫ້ນັກສຶກສາທີ່ສຳເລັດການປະສົບກຳລັງໜີບທີ່ຫາວວຽກຍາກ,ສະພາບການນີ້ໃຫ້ນັກຮຽນທີ່ເຂົ້າຮ່ວມການສອບເສັງແລະພໍ່ແມ່ແມ່ນຫັນແຈ້ງຢູ່ແລ້ວ,ພວກເຂົາເຈົ້າເຫັນວ່າບາງວິຊາອາດຈະຫາວຽກງ່າຍ,ກາຍເປັນວິຊາທີ່ນິຍົມກັນ.ແຕ່ວ່າ,ໄປອີກບໍ່ເທົ່າໃດປີ,ວິຊາເຫຼົ່ານີ້ກໍມີຄົນເຕັມ,ບາງທີຍັງເຫຼືອ.
ທ່ານນາງເຈິ້ງກ່າວວ່າ,ການອາໃສ່ແຕ່ການຂຽນໃບສະໝັກມາຕົກລົງວິຊາຂອງນັກຮຽນໃນຂ້າງໜ້ານີ້ແມ່ນບໍ່ສອບຄອບປານໃດ.ທ່ານນາງສະເໜີໃຫ້ມະຫາວິທະຍາໄລ,ສັງຄົມແລະຂະແໜງການສະໜອງຕ່ຳແໜ່ງນັ້ນຄວນເປັນທີ່ປຶກສາຊີ້ນຳໃຫ້ນັກຮຽນ,ຊ່ອຍພວກເຂົາເຈົ້າຮູ້ຈັກທ່ວງທ່າພັດທະນາຂອງຄວາມຕ້ອງການຊັບພະຍາກອນມະນຸດໃຫ້ພວກເຂົາເຈົ້າ.ເພິ່ນຍັງສະເໜີມະຫາວິທະຍາໄລຕັ້ງວິຊາໃຫ້ສົມເຫດສົມຜົນແລະຕອບສະໜອງກັບຄວາມຕ້ອງການຂອງການພັດທະນາເສດຖະກິດສັງຄົມ:
"ອັນສຳຄັນແມ່ນຕ້ອງສ້າງຂົວແລກປ່ຽນຂໍ້ມູນຂ່າວສານກັບຫົວໜ່ວຍຮັບຄົນໃນນັ້ນ,ລວມທັງມາດຖານຂອງຜູ້ມີຄວາມຮູ້ຄວາມສາມາດ,ສ້າງລະບົບສະໜອງຂໍ້ມູນຂ່າວສານທີ່ສັງຄົມຕ້ອງການນັ້ນຢ່າງທັນການ.
ຕາມໄດ້ຊາບ,ປັດຈຸບັນມະຫາວິທະຍາໄລບາງແຫ່ງສັບຊ້ອນຫຼັກສູດວິຊາການ.ບໍ່ພຽງແຕ່ໄດ້ຍົກເລີກບາງວິຊາທີ່ມີຄວາມຮູ້ແຄບ,ແລະຕອບສະໜອງກັບຄວາມຕ້ອງການຂອງສັງຄົມຍາກ,ພ້ອມກັນນັ້ນຍັງເໜັ້ນໜັກບຳລຸງສ້າງຜູ້ມີຄວາມຮູ້ຄວາມສາມາດຫຼາຍວິຊານຳນວນໜຶ່ງ.ມະຫາວິທະຍາໄລຢຶນມິນ ເຊິ່ງເປັນມະຫາວິທະຍາໄລຈຸດໜັກແຫ່ງໜຶ່ງຂອງຈີນຈະຕັ້ງປະລິນຍາທີ່ສອງໃຫ້ນັກສຶກສາທີ່ຮຽນພາສາຕ່າງປະເທດໃນປີນີ້.ທ່ານວາງເພິງ ຮອງຫົວໜ້າຫ້ອງການຮັບເອົານັກສຶກສາຂອງມະຫາວິທະຍາໄລແຫ່ງນີ້ແນະນຳວ່າ,ມາດຕະການນີ້ຂອງມະຫາວິທະຍາໄລແມ່ນເພື່ອບຳລຸງສ້າງຜູ້ມີຄວາມຮູ້ຄວາມສາມາດທີ່ຕອບສະໜອງກັບຄວາມຕ້ອງການຂອງສັງຄົມທັງນັ້ນ.
"ບາງວິຊາການຖ້າກຳພາສາໄດ້ດີ,ຖ້ານັກສຶກສາຂອງສະຖາບັນພາສາຕ່າງປະເທດປະສານກັນກັບວິຊາການປະຢຸກແລ້ວ,ຈະມີຜົນດີຕໍ່ການພັດທະນາຂອງພວກເຂົາເຈົ້າໃນສັງຄົມໃນຕໍ່ໄປພາຍໜ້າ."
"ເພື່ອເຮັດໃຫ້ມະຫາວິທະຍາໄລບຳລຸງສ້າງຜູ້ມີຄວາມຮູ້ຄວາມສາມາດທີ່ຕອບສະໜອງກັບການພັດທະນາຂອງສັງຄົມດີກວ່າເກົ່າ,ຜູ້ຊ່ຽວຊານການສຶກສາບາງຄົນຍັງສົ່ງເສີມມະຫາວິທະຍາໄລຮັບເອົາສະໝັກນັກສຶກສາດ້ວຍວິທີຄ່ອງແຄວກວ່າເກົ່າ.ນອກຈາກສອບເສັງໃນທົ່ວປະເທດແລ້ວ,ຍັງສາມາດສອບເສັງຮັບໂດຍຕົນເອງ.ຕາມໄດ້ຊາບ,ປັດຈຸບັນ,ຢູ່ຈີນໄດ້ມີມະຫາວິທະຍາໄລ50ກວ່າແຫ່ງທົດລອງການສອບເສັງຮັບເອົານັກສຶກສາໂດຍເປັນເຈົ້າຕົນເອງ,ແຕ່ຈຳນວນນັກສຶກສາທີ່ຮັບເອົານັ້ນຈະບໍ່ໃຫ້ກາຍ5%.
ຕໍ່ວິທີຮັບເອົານັກສຶກສາດັ່ງກ່າວ,ທ່ານນາງເຈິ້ງຊິ່ນຢົງ ຜູ້ຊ່ຽວຊານມະຫາວິທະຍາໄລສ້າງຄູປັກກິ່ງໄດ້ຕີລາຄາຢ່າງຕັ້ງໜ້າວ່າ:
"ຂ້າພະເຈົ້າເຫັນວ່າວິທີນີ້ດີຫຼາຍ,ນັກສຶກສາສາມາດໃຊ້ເວລາສ່ວນຫຼາຍພັດທະນາຄວາມຮູ້ໃນຫຼາຍດ້ານ,ນີ້ບໍ່ແມ່ນການຮຽນໃນມັດທະຍົມປາຍເພື່ອສອບເສັງເຂົ້າມະຫາວິທະຍາໄລ,ອີກດ້ານໜຶ່ງແມ່ນເຮັດໃຫ້ນັກສຶກສາມີເວລາຫວ່າງຫຼາຍກວ່າເກົ່າພັດທະນາຕົນເອງຢ່າງຮອບດ້ານ,ເພາະວ່າການສຶກສາຊັ້ນສູງແມ່ນເພື່ອບຳລຸງສ້າງຜູ້ມີຄວາມຮູ້ຮອບດ້ານ.
|
