|
ອາທິດແລ້ວນີ້,ຜູ້ຟັງຫຼາຍທ່ານໄດ້ໂທມາຖາມສະພາບກ່ຽວກັບການເສັງຄວາມຮູ້"ຂ້ອຍກັບCRI"ທີ່ພວກເຮົາພວມຈັດຂຶ້ນ.ທ່ານບຸນມາແລະທ່ານບຸນມີ ທີ່ມະຫາວິທະຍາໄລສຸພານຸວົງ ແຂວງຫຼວງພະບາງໄດ້ໂທມາບອກວ່າ,ພວກເພິ່ນຮັບຟັງລາຍການຂອງພວກເຮົາເລື້ອຍໆ,ທ່ານບຸນມາເວົ້າວ່າ,ທ່ານມັກຟັງລາຍການ"ທ່ຽວເມືອງຈີນ"ຫຼາຍ,ພວກເພິ່ນຍັງຢາກຮູ້ຄຳຖາມໃນການເສັງຄວາມຮູ້ເທື່ອນີ້ແລະວິທີເຂົ້າຮ່ວມ.ນອກນີ້,ທ່ານກິຟຸກະ ທີ່ແຂວງຫຼວງພະບາງກໍ່ໄດ້ໂທມາຖາມວ່າເຮັດແນວໃດຈິ່ງຈະໄດ້ເຂົ້າຮ່ວມການເສັງຄວາມຮູ້ຂອງພວກເຮົາເທື່ອນີ້.
ໃນລາຍການມື້ນີ້,ພວກເຮົາຈຶ່ງຂໍປະກາດຄຳຖາມ8ຂໍ້ໃນການເສັງຄວາມຮູ້ເທື່ອນີ້ອີກເທື່ອໜຶ່ງ,ກະລຸນາໃຫ້ທ່ານຈົດເອົາ: 1.ໂຄສົກຜູ້ທຳອິດຂອງວິທະຍຸກະຈາຍສຽງຕໍ່ຕ່າງປະເທດຂອງຈີນແມ່ນໃຜ? 2.ເດືອນເມສາປີ1950,ວິທະຍຸພວກເຮົາຊື່ຫຍັງ? 3.ປະຈຸບັນ,ຢູ່ແຫ່ງຕ່າງໆຂອງໂລກ,ວິທະຍຸສາກົນແຫ່ງປະເທດຈີນພວກເຮົາລວມມີຫ້ອງການນັກຂ່າວເທົ່າໃດແຫ່ງ? 4.ປະຈຸບັນ,ວິທະຍຸສາກົນແຫ່ງປະເທດຈີນພວກເຮົາກະຈາຍສຽງຕໍ່ທົ່ວໂລກຊູ່ມື້ດ້ວຍເທົ່າໃດພາສາ? 5.ວິທະຍຸສາກົນແຫ່ງປະເທດຈີນໄດ້ສ້າງວິທະຍຸFMພົ້ນທະເລແຫ່ງທຳອິດຢູ່ປະເທດໃດ? 6.ເວັບໄຊຂອງວິທະຍຸສາກົນແຫ່ງປະເທດຈີນຊື່ຫຍັງ? 7.ປະຈຸບັນ,ວິທະຍຸສາກົນແຫ່ງປະເທດຈີນໄດ້ສ້າງສະໂມສອນຜູ້ຟັງເທົ່າໃດແຫ່ງຢູ່ຕ່າງປະເທດ? 8.ປີ2005,ວິທະຍຸສາກົນແຫ່ງປະເທດຈີນໄດ້ຮັບຈົດໝາຍຂອງຜູ້ຟັງເທົ່າໃດສະບັບ?
ຄຳຖາມ8ຂໍ້ທີ່ອ່ານມານັ້ນທ່ານຟັງແຈ້ງແລ້ວບໍ່?ສ່ວນຄຳຕອບນັ້ນ,ທ່ານຈະຂຽນໃບຄຳຖາມທີ່ພວກເຮົາຝາກໃຫ້ທ່ານກໍໄດ້,ຫຼືຂຽນໃສ່ເຈ້ຍທຳມະດາໃບໜຶ່ງ,ແລ້ວຝາກໃຫ້ພວກເຮົາກໍ່ໄດ້,ກໍ່ນັບວ່າທ່ານເຂົ້າຮ່ວມການເສັງຄວາມຮູ້ເທື່ອນີ້ຄືກັນ.ຈົດໝາຍຂໍໃຫ້ຝາກມາທີ່:China Radio International,The Laos Service，CRI13，ລະຫັດໄປສະນີແມ່ນ:100040,ຫຼືທ່ານຈະສົ່ງE-mailໃຫ້ພວກເຮົາກໍ່ໄດ້, E-mailຂອງພວກເຮົາແມ່ນ: lao@chinabroadcast.cn.ພ້ອມກັນນັ້ນ,ພວກເຮົາກໍ່ໄດ້ຈັດຄໍລຳພິເສດກ່ຽວກັບການເສັງຄວາມຮູ້ເທື່ອນີ້ຢູ່ເວັບໄຊຂອງພວກເຮົາ,ທ່ານຈະຊອກອ່ານແລະຮັບຟັງລາຍການຕ່າງໆກ່ຽວກັບການເສັງຄວາມຮູ້ຢູ່ອິນເຕີນເນັດກໍໄດ້,ຖ້າທ່ານຈະຕອບຄຳຖາມຂອງພວກເຮົາທາງອິນເຕີເນັດກໍສະດວກຄືກັນ.ເວບໄຊຂອງພວກເຮົາແມ່ນla.chinabroadcast.cn
|
