|
|
 |
| (GMT+08:00)
2006-06-19 20:33:30
|
 |
|
ປະທານາທິບໍດີການາເຈລະຈາກັບທ່ານເວີນເຈຍປາວ
cri
Author: da
ຕາມຂ່າວCRI:ວັນທີ 18 ມິຖຸນາ ຢູ່ອັກລາ ນະຄອນຫຼວງການາ ທ່ານຄູຟົວ ປະທານາທິບໍດີການາໄດ້ເຈລະຈາກັບທ່ານເວີນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາມ,ສອງຝ່າຍໄດ້ແລກປ່ຽນຄວາມເຫັນກ່ຽວກັບການເພີ່ມທະວີການຮ່ວມມືລະຫວ່າງສອງຝ່າຍ.
ໃນການເຈລະຈາ,ທ່ານຄູຟົວເວົ້າວ່າ,ການາຖືຈີນເປັນຄູ່ຂາຮ່ວມມືທີ່ສຳຄັນ,ຝ່າຍການາຍິນດີຮ່ວມມືກັບຈີນໃນຂົງເຂດສິ່ງປັ່ນທໍ ຊົນລະປະທານ ກະສິກຳ ການປະມົງ ຄົມມະນາຄົມຂົນສົ່ງແລະໂທລະຄົມຂໍ້ມູນຂ່າວສານເປັນຕົ້ນ.ຫວັງໃຫ້ວິສາຫະກິດຈີນເພີ່ມການລົງທຶນຕໍ່ການາ,ຮ່ວມມືກັບວິສາຫະກິດການາ.
ທ່ານເວີນເຈຍປາວຍ້ອງຍໍໃນລະດັບສູງຕໍ່ລັດຖະບານການາທີ່ໃຫ້ຄວາມສະໜັບສະໜູນອັນລ້ຳຄ່າແກ່ຈີນໃນດ້ານຍຶດໝັ້ນນະໂຍບາຍຈີນດຽວເປັນຕົ້ນ.ທ່ານຍັງກ່າວເນັ້ນວ່າ,ຈີນຍັງຄົງຍິນດີສະໜອງການຊ່ອຍເຫຼືດຕາມຄວາມສາມາດໃຫ້ແກ່ປະເທດອາຟຼີກາ.ຝ່າຍຈີນຕົກລົງແຕ່ງກອງປິ່ນປົວໄປການາ,ມອບຢາປິ່ນປົວພະຍາດໄຂ້ຍຸງ,ຊ່ອຍສ້າງສູນແບບຢ່າງຕ້ານພະຍາດໄຂ້ຍຸງແລະໂຮງຮຽນປະຖົມຂັ້ນບ້ານ,ອົບຮົມຜູ້ມີຄວາມຮູ້ຄວາມສາມາດປະເພດຕ່າງໆໃຫ້ການາ.
ຫຼັງຈາກການເຈລະຈາສິ້ນສຸດລົງແລ້ວ,ທ່ານຄູຟົວກັບທ່ານເວີນເຈຍປາວໄດ້ເຂົ້າຮ່ວມພິທິລົງນາມໃນເອກະສານຮ່ວມມືສອງຕໍ່ສອງເຊັ່ນ"ອະນຸສັນຍາຮ່ວມມືທາງເສດຖະກິດເຕັກນິກລະຫວ່າງລັດຖະບານຈີນກັບການາ".ສອງຝ່າຍຍັງໄດ້ອອກປະກາດແຈ້ງການຮ່ວມ.
ວັນທີ 19ມິຖຸນາ,ທ່ານຄູຟົວແລະທ່ານເວີນເຈຍປາວຍັງໄດ້ເຂົ້າຮ່ວມພິທີມອບຮັບໂຄງການຈີນຊ່ອຍດັດສ້າງແລະສ້າງຂະຫຍາຍທາງຫຼວງການາ.
|
|
|
