|
|
(GMT+08:00)
2006-06-19 20:38:39
|
|
ທ່ານເວີນເຈຍປາວຢ້ຽມຢາມ7ປະເທດອາຟຼີກາຈະເປີດເຂດໃໝ່ຂອງການລົງທຶນຝ່າຍພົນລະເຮືອນຈີນກັບອາຟຼີກາ
cri
Author: da
ຕາມຂ່າວສານຊິນຮວາ:ການຢ້ຽມຢາມອາຟຼີກາຂອງທ່ານເວີນເຈຍປາວນາຍົກລັດຖະມົນຕີຈີນພາໃຫ້ອົງການເສດຖະກິດພົນລະເຮືອນແລະວົງການວິສາຫະກິດຂອງຈີນແລະອາຟຼີກາເອົາໃຈໃສ່ຢ່າງກວ້າງຂວາງ,ພວກເຂົາເຈົ້າເຫັນວ່າ,ການຢ້ຽມຢາມຂອງທ່ານນາຍົກເທື່ອນີ້ຈະເປີດເຂດໃໝ່ແຫ່ງການລົງທຶນຝ່າຍພົນລະເຮືອນເຊິ່ງກັນແລະກັນລະຫວ່າງຈີນກັບອາຟຼີກາ.
ວັນທີ19ມິຖຸນາ ທ່ານສູຊູ້ນຖາງ ຫົວໜ້າພະແນກພົວພັນສັງລວມສະພາການຄ້າພົນລະເຮືອນຈີນອາຟຼີກາໄດ້ໃຫ້ສຳພາດຕໍ່ນັກຂ່າວວ່າ,ໃນຄະນະຜູ້ແທນຢ້ຽມຢາມອາຟຼີກາຂອງທ່ານເວີນເຈຍປາວ ມີຜູ້ແທນວົງການວິສາຫະກິດເອກະຊົນຈີນ,ໄປຮອດປະເທດໃດກໍມີວິສາຫະກິດເອກະຊົນຂອງຈີນຢ່າງຫຼວງຫຼາຍ,ການຢ້ຽມຢາມເທື່ອນີ້ຍ່ອມຈະຊຸກຍູ້ການໄປມາຫາສູ່ກັນທາງເສດຖະກິດພົນລະເຮືອນລະຫວ່າງຈີນກັບອາຟຼີກາ,ຊຸກຍູ້ໃຫ້ວິສາຫະກິດພົນລະເຮືອນຈີນຫຼາຍກວ່າເກົ່າໄປລົງທຶນຢູ່ບັນດາປະເທດອາຟຼີກາ.
ສະພາການຄ້າພົນລະເຮືອນຈີນອາຟຼີກາທີ່ມີວັດຖຸປະສົງຊັກນຳວິສາຫະກິດເອກະຊົນຈີນ"ກ້າວເຂົ້າອາຟຼີກາ"ພວມວາງແຜນຕັ້ງສຳນັກງານຢູ່ປະເທດອາຟຼີກາເຊັ່ນນິເຊເລຍ ການາ ຕານຊານີ ໂມຊຳບິກ ກຳເມີລູນແລະເກນຢາເປັນຕົ້ນ,ສະໜອງການສະໜັບສະໜູນທຸກລາຍໃຫ້ແກ່ວິສາຫະກິດຈີນລົງທຶນຢູ່ອາຟຼີກາ.ສະພາດັ່ງກ່າວຍັງຈັດຕັ້ງນັກທຸລະກິດເອກະຊົນຈີນໄປສຳຫຼວດຕະຫຼາດຢູ່ປະເທດອາຟຼີກາ,ຜົນການສຳຫຼວດເຮັດໃຫ້ນັກທຸລະກິດທັງຫຼາຍມີຄວາມຫ້າວຫັນຫຼາຍທີ່ສຸດຕໍ່ການລົງທຶນຢູ່ອາຟຼີກາ.
ຕາມໄດ້ຊາບ,ປະຈຸບັນ ການລົງທຶນຂອງຈີນຢູ່ອາຟຼີກາ ນັບລວມແລ້ວໄດ້ບັນລຸ 1 ຕື້ 180 ລ້ານໂດລາສະຫະລັດ,ວິສາຫະກິດຈີນທີ່ລົງທຶນຢູ່ອາຟຼີກາທີ່ກະຊວງການຄ້າຈີນໄດ້ອະນຸມັດແລະຈົດທະບຽນແລ້ວມີເກືອບ700ຫຼັງ.
|
|
|