|
|
 |
| (GMT+08:00)
2006-06-20 17:21:02
|
 |
|
ແຟນບານເຕະຂອງຈີນເອົາໃຈໃສ່ນຳງານແຂ່ງຂັນບານເຕະຊີງຂັນໂລກ
cri
|
ງານແຂ່ງຂັນບານເຕະ ຊິງຂັນໂລກເຢຍລະມັນປີ2006ໄດ້ວຽນມາຮອດແລ້ວ.ເຖິງ ວ່າເທື່ອນີ້ທິມຈີນບໍ່ໄດ້ເຂົ້າຮ່ວມກໍຕາມ,ແຕ່ບໍ່ໄດ້ກະທົບກະເທືອນເຖິງຄວາມກະຕືລືລົ້ນຂອງແຟນບານຈີນຈັກເມັດ.ຈາກສາມັນຊົນຮອດຜູ້ນຳຂອງລັດ,ໃຜກໍເອົາໃຈໃສ່ນຳເຢຍລະມັນທີ່ຢູ່ກວງໄກດ້ວຍຮູບການຕ່າງກັນ.
ຂ້າພະເຈົ້າຂໍປະກາດວ່າ,ຂ້າພະເຈົ້າກໍແມ່ນແຟນບານຜູ່ໜຶ່ງ.ຂ້າພະເຈົ້າຂໍສະແດງຄວາມຊົມເຊີຍຢ່າງອົບອຸ່ນອີກເທື່ອໜຶ່ງຕໍ່ເຢຍລະມັນທີ່ໄດ້ເປັນເຈົ້າພາບຈັດງານແຂ່ງຂັນບານເຕະຊິງຂັນໂລກ,ພ້ອມກັນນັ້ນຂໍອວຍພອນໃຫ້ງານແຂ່ງຂັນຄັ້ງນີ້ຈົ່ງປະສົບແຕ່ຜົນສຳເລັດຢ່າງເຕັມເມັດເຕັມໜ່ວຍ.ອວຍພອນໃຫ້ເຢຍລະມັນຈົ່ງໂຊກດີ.ຢູ່ຈີນມີແຟນບານເຕະຢ່າງຫຼວງຫຼາຍ,ພວກເຂົາເຈົ້າຍ່ອມຈະເອົາໃຈໃສ່ນຳງານແຂ່ງຂັນຊີງຂັນໂລກ,ຍ່ອມຈະມີຫຼາຍຄົນລຸກເບິ່ງງານແຂ່ງຂັນໃນຕອນທ່ຽງຄືນ,ຂ້າພະເຈົ້າກໍແມ່ນຜູ້ໜຶ່ງ.
ຄວາມເວົ້າດັ່ງກ່າວແມ່ນທ່ານເວິ່ນເຈ່ຍປາວກ່າວໃນເວລາພົບປະທ່ານນາງແມກໂຄ ນາຍົກລັດຖະມົນຕີເຢຍລະມັນປະເທດເຈົ້າພາບຂອງງານແຂ່ງຂັນບານເຕະຊີງຂັນໂລກຄັ້ງນີ້ທີ່ມາຢ້ຽມຢາມຈີນຫວ່າງກ່ອນນີ້ບໍ່ດົນ.
ງານແຂ່ງຂັນບານເຕະຊີງຂັນໂລກໄດ້ຈັດຂຶ້ນຢູ່ເຢຍລະມັນໃນວັນທີ9ມິຖຸນາ,ໄດ້ດຶງດູດເອົາສາຍຕາຂອງແຟນບານນັບບໍ່ຖ້ວນທີ່ຂຶ້ນກັບຊົນຊາດຕ່າງກັນແລະເຊື່ອຖືສາສະໜາຕ່າງກັນໃນທົ່ວໂລກ,ແນ່ນອນແລ້ວໃນນັ້ນກໍລວມທັງແຟນບານເຕະຫຼວງຫຼາຍຂອງຈີນເຊິ່ງນັບ ແຕ່ນາຍົກລັດຖະມົນຕີຮອດສາມັນຊົນ.
ຄວາມກະຕືລືລົ້ນຂອງແຟນບານທັງຫຼາຍພວມສະແດງໃຫ້ເຫັນດ້ວຍຮູບການຕ່າງກັນຢູ່ແຫ່ງຕ່າງໆຂອງຈີນ.ເຖິງວ່າຢູ່ສະໜາມແຂ່ງຂັນຊີງຂັນໂລກທີ່ເຢຍລະມັນເທື່ອນີ້,ບໍ່ມີທິມຈີນ,ແຕ່ຢູ່ໜ້າຈໍໂທລະພາບທີ່ນັບບໍ່ຖ້ວນພັດມີຜູ້ຊົມຈີນ.
ບໍ່ວ່າມີທິມຈີນເຂົ້າຮ່ວມຫຼືບໍ່,ຂ້າພະເຈົ້າກໍຈະເບິ່ງງານແຂ່ງຂັນຊີງຂັນໂລກ,ນັບແຕ່ປີ1986ເປັນຕົ້ນມາ,ມັນກໍໄດ້ກາຍເປັນພາກສ່ວນໜຶ່ງທີ່ຂາດບໍ່ໄດ້ໃນຊີວິດຂອງຂ້າພະເຈົ້າແລ້ວ,ກໍເຊັ່ນດຽວກັນກັບການກິນເຂົ້າກິນນ້ຳ.
ທ່ານເຊີງເຕີກ່າງອາຍຸ26ປີ,ແມ່ນບັນນາທິການຜູ່ໜຶ່ງ,ທ່ານກໍແມ່ນແຟນບານຜູ້ໜຽວແໜ້ນ.ທ່ານສະໜັບສະໜູນທິມອີຕາລີຢ່າງເດັດດ່ຽວ.ທ່ານເວົ້າວ່າ,ໃນເວລາເບິ່ງການແຂ່ງຂັນຂອງທິມອີຕາລີຄັ້ງທຳອິດໃນງານແຂ່ງຂັນບານເຕະຊິງຂັນໂລກປີ1986,ທ່ານກໍເລີ່ມມັກທິມອີຕາລີແລ້ວເຖິງວ່າທິມອີຕາລີໄດ້ຕົກຮອບໄປກ່ອນ.ແຕ່ປີ1990,ງານແຂ່ງຂັນບານເຕະຊິງຂັນໂລກໄດ້ຈັດຂຶ້ນຢູ່ອີຕາລີ,ຄວາມເກັ່ງກາດຂອງດາລາບານເຕະອີຕາລີຄືທ່ານບັກຈີໂອແລະທ່ານບາເຣຊີເປັນຕົ້ນໄດ້ເຮັດໃຫ້ທ່ານເຊີງເຕີກ່າງຕິດໃຈທີ່ສຸດ,ທ່ານຈຶງໄດ້ກາຍເປັນແຟນບານຂອງທິມອີຕາລີຢ່າງສົມບູນ.ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ,ທ່ານນຸ່ງຊຸດສີຟ້າຂອງທິມອີຕາລີ,ໃສ່ປອກແຂນສາມສີຄືສີແດງ ສີຂາວແລະສີຂຽວທີ່ເປັນສັນຍາລັກໃຫ້ແກ່ທຸງຊາດອີຕາລີ,ຈົນກະທັ້ງທ່ານເອີ້ນທິມອີຕາລີເປັນ"ທິມຂອງພວກເຮົາ".
ທີ່ຈິງແລ້ວຢູ່ຈີນຍັງມີແຟນບານຄືທ່ານເຊີງເຕີກ່າງຢ່າງຫຼວງຫຼາຍ,ຍ້ອນສະໜັບສະໜູນທິມຕ່າງກັນ,ພວກເຂົາເຈົ້າຈຶ່ງໄດ້ແຍກອອກເປັນ"ແຟນທິມອີຕາລີ" "ແຟນທິມເບຼຊິນ" "ແຟນທິມເຢຍລະມັນ" "ແຟນທິມແອສປາຍ" ແລະ"ແຟນທິມອາກຊັງຕິນ"ເປັນຕົ້ນ.ພໍຮອດງານແຂ່ງຂັນໃຫຍ່ຄືງານແຂ່ງຂັນຊີງຂັນໂລກແລະງານແຂ່ງຂັນຊີງຂັນເອີລົບແລ້ວ,ແຟນບານທັງ ຫຼາຍກໍຈະແບ່ງອອກເປັນຝ່າຍຕ່າງກັນ,ຮ່ວມມ່ວນຊື່ນແລະຮ່ວມໂສກເສົ້າເສຍໃຈກັບທິມທີ່ຕົນມັກ.ແນ່ນອນແລ້ວ,ຄົນສ່ວນຫຼາຍທີ່ສຸດແມ່ນເບິ່ງໂທລະພາບ.
ທ່ານເຊີງເຕີກ່າງເວົ້າວ່າ,ເຖິງວ່າລະດັບຂອງທິມບານເຕະອາຊີບຂອງຈີນຕ່ຳຫຼາຍ,ແຕ່ແຟນບານເຕະຂອງຈີນພັດມີຄວາມຮູ້ກ່ຽວກັບຝີຕີນບານເຕະສູງທີ່ສຸດ.ແຟນບານເຕະຜູ້ໜຽວແໜ້ນຫຼວງຫຼາຍຄືກັບທ່ານຮູ້ທຸກສິ່ງທຸກຢ່າງກ່ຽວກັບທິມທີ່ຕົນສະໜັບສະໜູນ,ເມື່ອເວົ້າເຖິງການບັນຊາການແຂ່ງຂັນນັ້ນກໍມີເຫດມີຜົນ.ເວົ້າສຳລັບພວກເຂົາເຈົ້າແລ້ວ,ງານແຂ່ງຂັນຊີງຂັນໂລກ4ປີເທື່ອໜຶ່ງກໍເປັນການທົບສອບດ້ວຍຄວາມກະຕືລືລົ້ນເທື່ອໜຶ່ງ.
ຍ້ອນເວລາຜິດໂຕນກັນ,ການແຂ່ງຂັນຊີງຂັນໂລກທັງໝົດລ້ວນແຕ່ຈັດຂຶ້ນໃນຕອນກາງຄືນເວລາປັກກິ່ງ,ສະນັ້ນຈຶ່ງເປັນບັນຫາບໍ່ຫຼາຍກໍໜ້ອຍສຳລັບແຟນບານຈີນໃນການເບິ່ງການແຂ່ງຂັນ,ເວົ້າສຳລັບແຟນບານຜູ້ຕິດໃຈຫຼາຍນັ້ນແລ້ວ,ໄລຍະງານແຂ່ງຂັນແນ່ນອນຈະຕ້ອງອຶດຫຼັບອຶດນອນໂດຍຫຼີກເວັ້ນບໍ່ໄດ້.
ແຟນບານທຳມະດາເປັນແບບນີ້,ຜູ້ຊື່ດັງກໍເຊັ່ນດຽວກັນ,ທ້າວທົງຈ້ຽນ ນັກກິລາໄຕ່ນ້ຳແຂງລວດລາຍທີ່ມີຊື່ສຽງຂອງຈີນກໍກ່າວວ່າ,ຖ້າບໍ່ກະທົບກະເທື່ອນເຖິງການຝຶກຫັດ,ລາວກໍຈະລຸກມາເບິ່ງການແຂ່ງຂັນໃນຕອນທ່ຽງຄືນຄືກັນ.ລາວເວົ້າວ່າຕົນເອງກໍແມ່ນແຟນບານຜູ່ໜຶ່ງທີ່ຕິດໃຈຫຼາຍ,ລາວເວົ້າວ່າ.
ຂ້າພະເຈົ້າມັກທິມອັງກິດ,ມັກລັກສະນະທ່າທາງເຕະບານຂອງພວກເຂົາເຈົ້າ,ຍັງມັກທິມ ອາກຊັງຕິນ.ທິມເຫຼົ່ານີ້ລ້ວນແຕ່ມີລັກສະນະທ່າທາງແບບກົງໄປກົງມາ,ໜ້າທີ່ກໍແມ່ນຍິງປະຕູ. ຂ້າພະເຈົ້າເຫັນວ່າເບິ່ງການແຂ່ງຂັນບານເຕະກໍແມ່ນເບິ່ງໃນທີ່ສຸດຍິງເຂົ້າຈັກປະຕູ,ຂ້າພະ ເຈົ້າມັກທີ່ສຸດເບິ່ງການຍິງປະຕູຢ່າງລຽນຕິດ.ສ່ວນໃຜຈະຊິງໄດ້ແຊມປຽນ,ຂ້າພະເຈົ້າເຫັນວ່າທິມເບຼຊິນມີຄວາມອາດເປັນໄປໄດ້ຫຼາຍກວ່າ,ປະມານ55%.ແຕ່ທິມຝລັ່ງແລະທິມເຢຍລະມັນກໍເກັ່ງຫຼາຍ,ໂດຍສະເພາະແມ່ນທິມເຢຍລະມັນປີນີ້ເຕະໄດ້ດີຫຼາຍ.
ເຖິງວ່າງານແຂ່ງຂັນບານເຕະຊີງຂັນໂລກບໍ່ເຄີຍຈັດຂຶ້ນຢູ່ຈີນຈັກເທື່ອ,ທິມຈີນກໍເຄີຍເຂົ້າຮ່ວມແຕ່ເທື່ອດຽວທໍ່ນັ້ນກໍຕາມ,ແຕ່ງານແຂ່ງຂັນຊີງຂັນໂລກໄດ້ເຮັດໃຫ້ແຟນບານຈີນມີຄວາມມ່ວນຊື່ນແລະເສຍໃຈນຳກັນກັບແຟນບານຂອງໂລກ.
|
|
|
