|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍອີກສະບັບໜຶ່ງຂອງທ້າວພອນແກ້ວ ແກ້ວອຸດົມ ທີ່ບ້ານໂພນສະຫວັນ ເມືອງຮຸນ ແຂວງອຸດົມໄຊ.ໃນຈົດໝາຍຂອງນ້ອງພອນແກ້ວໄດ້ເລົ່າຄວາມຮູ້ສຶກຕໍ່ລາຍການຂອງພວກເຮົາ,ນ້ອງຂຽນວ່າ, ເຈົ້າຢູ່ແຫ່ງໜຶ່ງ,ຂ້ອຍຢູ່ອີກແຫ່ງໜຶ່ງ,ໜ່ວຍໂລກແລະແຜ່ນດິນນີ້ແສນກວ້າງໄກສຸດຂອບຟ້າ,ຂໍຝາກແດສຽງເວລາຕາມອາກາດ,ພວກເຮົາຄືເພື່ອນມະນຸດດ້ວຍກັນແລະຢູ່ຮ່ວມໂລກໜ່ວຍດຽວກັນດ້ວຍໄມຕິຈິດມິດຕະພາບອັນງົດງາມແລະພ່ອງໃສ.
ນ້ອງຂໍອວຍໃຊໃຫ້ພອນອັນປະເສີດເຖິງບັນດາທ່ານແລະອວຍພອນໃຫ້ພວກທ່ານຈົ່ງມີຄວາມສຸກໂຊກດີ,ມີສຸຂະພາບແຂງແຮງແລະມີຜົນສຳເລັດໃນໜ້າທີວຽກງານຂອງຕົນທຸກປະການດ້ວຍ.
ນ້ອງພອນແກ້ວແມ່ນຜູ້ຟັງເກົ່າຂອງພວກເຮົາ,ຂຽນຈົດໝາຍໃຫ້ພວກເຮົາເລື້ອຍໆ,ແລະຕັ້ງໜ້າເຂົ້າຮ່ວມການເຄື່ອນໄຫວຕ່າງໆທີ່ວິທະຍຸＣＲＩພວກເຮົາຈັດຂຶ້ນ.ພວກເຮົາຂໍຂອບໃຈນ້ອງພອນແກ້ວຫຼາຍໆທີ່ຕິດຕາມຮັບຟັງລາຍການຂອງພວກເຮົາ,ພ້ອມກັນນີ້,ກໍ່ຫວັງວ່າທ່ານຜູ້ຟັງທຸກຄົນຄົງຈະມາເຂົ້າຮ່ວມລາຍການຂອງພວກເຮົາ,ພວກເຮົາກໍ່ຈະເຮັດໃຫ້ລາຍການຂອງພວກເຮົານັບມື້ນັບອຸດົມສົມບູນຂຶ້ນ.
ສຸດທ້າຍນີ້,ພວກເຮົາຂໍຈັດເພງມ່ວນໆເພງໜຶ່ງໃຫ້ນ້ອງພອນແກ້ວ,ແລະກໍຂໍມອບໃຫ້ເພື່ອນຜູ້ຟັງທີ່ພວມຟັງລາຍການຂອງພວກເຮົາຢູ່ດຽວນີ້.ເພງນີ້ຊື່ວ່າ"ຕ້າວສາວເຢີນ",ແປວ່າ"ຫຸ່ນໄລ່ກາ".
|
