|
ປັດຈຸບັນ,ການເຄື່ອນໄຫວຕ່າງໆທີ່ແນະນຳວັດທະນະທຳເຂດກວາງຊີຈີນຢ່າງຮອບດ້ານຕ່າງໄດ້ຈັດຂຶ້ນຢູ່ໂຮງຮຽນຊັ້ນສູງສີ່ຫລັງທີ່ມີຊື່ສຽງຂອງປັກກິ່ງຄື ມະຫາວິທະຍາໄລປັກກິ່ງ,ມະຫາວິທະຍາໄລປະຊາຊົນ, ມະຫາວິທະຍາໄລຊົນເຜົ່າສູນກາງແລະມະຫາວິທະຍາໄລການບິນແລະການບິນອະວະກາດປັກກິ່ງ.ໃນຖານເປັນພາກສ່ວນຫນຶ່ງຂອງການເຄື່ອນໄຫວເຮືອວັດທະນະທຳເຂດ ກວາງຊີປັກກິ່ງປີ 2006,ເຮືອວັດທະນະທຳເຂດກວາງຊີເຂົ້າສູ່ໂຮງຮຽນຊັ້ນສູງຂອງປັກກິ່ງ,ໄດ້ອຳນວຍອາຫານວັດທະນະທຳທີ່ອຸດົມສົມບູນໃຫ້ແກ່ນັກສຶກສາທັງຫລາຍ.
ຕອນຄ່ຳວັນທີ 10 ມິຖຸນາ, ງານວາງສະແດງຮູບເງົາເຂດກວາງຊີໄດ້ຈັດຂຶ້ນຢູ່ຫໍປະຊຸມປາຍນຽນຂອງມະຫາວິທະຍາໄລປັກກິ່ງ, ອັນໄດ້ເປີດສາກການເຄື່ອນໄຫວເຮືອວັດທະນະທຳເຂດກວາງຊີເຂົ້າສູ່ໂຮງຮຽນຊັ້ນສູງຂອງປັກກິ່ງ.
ທ່ານເສີນຄາຍເກີແລະທ່ານຈ່າງອີ້ເຫມົາ ຜູ່ກຳກັບການສະແດງຮຸ່ນທີຫ້າຂອງຈີນລ້ວນແຕ່ແມ່ນເລີ່ມສ້າງພາລະກິດຢູ່ໂຮງຖ່າຍຮູບເງົາກວາງຊີ,ຮູບເງົາທີ່ພວກເຂົາເຈົ້າຖ່າຍໃນໄລຍະຕົ້ນເຊັ່ນ ເລື່ອງດິນເຫລືອງແລະອີກເລື່ອງຜູ່ຫນຶ່ງກັບແປດຄົນເປັນຕົ້ນລ້ວນແຕ່ໄດ້ເສີມຂະຫຍາຍບົດບາດສືບອັນກ່ອນຕໍ່ອັນລຸນໃນປະຫວັດວິວັດທະນາການຂອງຮູບເງົາຈີນ,ແລະໄດ້ຊັກນຳຮູບເງົາຈີນເດີນໄປສູ່ຄວາມຈະເລີນຮຸ່ງເຮືອງ.
1 2 3 4 5 6
|
