|
|
 |
| (GMT+08:00)
2006-06-21 19:16:57
|
 |
|
ປະທານາທິບໍດີອັງໂກລາເຈລະຈາກັບທ່ານເວີນເຈຍປາວ
cri
Author: da
ຕາມຂ່າວCRI:ວັນທີ20ມິຖຸນາ ຢູ່ລູອານດາ ນະຄອນຫຼວງອັງໂກລາ ທ່ານດົສ ຊັນດົສ໌ ປະທານາທິບໍດີອັງໂກລາໄດ້ເຈລະຈາກັບທ່ານເວີນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາມ.ສອງຝ່າຍເປັນເອກະສັນກັນເຫັນດີເປີດກວ້າງການຮ່ວມມືບົນພື້ນຖານສະເໝີພາບແລະຕ່າງຝ່າຍຕ່າງມີຜົນປະໂຫຍດ,ສະແຫວງຫາການພັດທະນາພ້ອມກັນ.
ໃນການເຈລະຈາ,ທ່ານດົສ ຊັນດົສ໌ເວົ້າວ່າ,ສອງຝ່າຍໄດ້ສ້າງການພົວພັນຮ່ວມມືທີ່ມີລັກສະນະຍຸດທະສາດໃນຂົງເຂດສ່ວນໜຶ່ງແລ້ວ.ອັງໂກລາຊົມເຊີຍວິສາຫະກິດໄປລົງທຶນຢູ່ອັງໂກລາ,ຍິນດີເປີດກວ້າງການໄປມາຫາສູ່ກັນແລະການຮ່ວມມືກັບຝ່າຍຈີນໃນທຸກຂົງເຂດ.ຝ່າຍອັງໂກລາຫວັງຢາກດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດພະລັງງານ.
ທ່ານຍັງກ່າວວ່າ,ອັງໂກລາສະໜັບສະໜູນນະໂຍບາຍຕໍ່ອາຟຼີກາຂອງຈີນ,ຍິນດີທຳຄວາມພະຍາຍາມເພື່ອຊຸກຍູ້ການພົວພັນລະຫວ່າງອາຟຼີກາກັບຈີນ.
ທ່ານເວີນເຈຍປາວເວົ້າວ່າ,ລັດຖະບານຈີນຍ້ອງຍໍໃນລະດັບສູງຕໍ່ອັງໂກລາທີ່ຍຶດໝັ້ນນະໂຍບາຍຈີນດຽວ,ສະໜັບສະໜູນວຽກງານສ້າງສາຄືນໃໝ່ຫຼັງສົງຄາມຂອງອັງໂກລາ.ຝ່າຍຈີນຈະເປີດກວ້າງການຮ່ວມມືກັບອັງໂກລາໃນຂົງເຂດພື້ນຖານໂຄງລ່າງ ໂທລະຄົມແລະພະລັງງານເປັນຕົ້ນ,ຝ່າຍຈີນຍັງຍິນດີໃຫ້ການຊ່ອຍເຫຼືອແກ່ອັງໂກລາຕາມຄວາມສາມາດ,ແລະສົ່ງເສີມໃຫ້ວິສາກະກິດຈີນໄປລົງທຶນຢູ່ອັງໂກລາ.
ທ່ານເວີນເຈຍປາວຍັງກ່າວເນັ້ນວ່າ,ຈີນຈະເພີ່ມທະວີການຮ່ວມມືກັບປະເທດອາຟຼີກາໃນຂົງເຂດພະລັງງານ ບົນພື້ນຖານສະເໝີພາບແລະຕ່າງຝ່າຍຕ່າງມີຜົນປະໂຫຍດ,ການຮ່ວມມືດັ່ງກ່າວພຽງແຕ່ແມ່ນພາກສ່ວນໜຶ່ງຂອງການຮ່ວມມືດ້ວຍໄມຕີຈິດລະຫວ່າງຈີນກັບອາຟຼີກາໃນຂົງເຂດອັນກວ້າງຂວາງເທົ່ານັ້ນ,ບໍ່ຫ່ອນກະທົບກະເທືອນເຖິງຝ່າຍທີສາມໃດໆ.
ຫຼັງຈາກການເຈລະຈາສິ້ນສຸດລົງແລ້ວ,ຜູ້ນຳສອງປະເທດໄດ້ພ້ອມກັນເຂົ້າຮ່ວມພິທີລົງນາມໃນເອກະສານຮ່ວມມືສອງຕໍ່ສອງຕ່າງໆເຊັ່ນ ສົນທິສັນຍາສົ່ງຜູ້ຮ້າຍຂ້າມແດນອັງໂກລາຈີນ ອະນຸສັນຍາຮ່ວມມືທາງເສດຖະກິດແລະເຕັກນິກລະຫວ່າງອັງໂກລາກັບຈີນເປັນຕົ້ນ.ສອງປະເທດຍັງໄດ້ອອກປະກາດແຈ້ງການຮ່ວມ.
|
|
|
