|
|
 |
| (GMT+08:00)
2006-06-21 20:59:09
|
 |
|
ກອງປະຊຸມລັດຖະມົນຕີກະຊວງສາທາລະນະສຸກອາຊຽນໄຂຂຶ້ນຢູ່ມຽນມາ
cri
Author: da
ຕາມຂ່າວສານຊິນຮວາ: ກອງປະຊຸມລັດຖະມົນຕີກະຊວງສາທາລະນະສຸກປະເທດອາຊຽນຄັ້ງທີ8ທີ່ມີຫົວຂໍ້ວ່າ"ອາຊຽນສາມັກຄີກັນປະເຊີນກັບເຫດການສຸກເສີນດ້ານສາທາລະນະສຸກ"ໄດ້ໄຂຂຶ້ນຢູ່ຢາງກຸງ ນະຄອນຫຼວງມຽນມາໃນວັນທີ 21 ມິຖຸນາ.
ໃນພິທິໄຂກອງປະຊຸມ ທ່ານພົນໂທຕຽນເຊິນ ເລຂາທິການຜູ້ທີໜຶ່ງຂອງຄະນະກຳມະການສັນຕິພາບແລະການພັດທະນາແຫ່ງຊາດມຽນມາໄດ້ກ່າວຄຳປາໄສວ່າ,ໃນສອງປີທີ່ຜ່ານມາ,ພາກພື້ນແຫ່ງນີ້ໄດ້ຜ່ານການທ້າທາຍຍ້ອນເຫດການສຸກເສີນດ້ານສາທາລະນະສຸກນັບມື້ນັບຫຼາຍ,ເຊັ່ນຄື້ນຊູນາມີແລະພະຍາດໄຂ້ຫວັດນົກລະບາດ.ທ່ານກ່າວເນັ້ນວ່າ,ປະເທດອາຊຽນຕ້ອງເພີ່ມທະວີຄວາມສາມັກຄີກັນ,ຮ່ວມມືກັນຢ່າງແໜ້ນແຟ້ນ,ພ້ອມກັນປະເຊີນກັບການທ້າທາຍເຫຼົ່ານີ້.
ໃນເວລາປະກອບຄຳຄິດຄຳເຫັນໃນກອງປະຊຸມຄັ້ງນີ້ ທ່ານກວາບູນວັນ ລັດຖະມົນຕີກະຊວງສາທາລະນະສຸກສິງກະໂປຊີ້ອອກວ່າ,ໃນເວລາປະເຊີນກັບເຫດການສຸກເສີນດ້ານສາທາລະນະສຸກ,ປະເທດພາກພື້ນແຫ່ງນີ້ຕ້ອງການຊ່ອຍເຫຼືອກັນ,ເພີ່ມທະວີການຮ່ວມມືກັນ.
ຕາມໄດ້ຊາບ,ກອງປະຊຸມລັດຖະມົນຕີກະຊວງສາທາລະນະສຸກອາຊຽນກັບຈີນ ຍີ່ປຸ່ນແລະສ.ເກົາຫຼີຄັ້ງທີ 2 ແລະກອງປະຊຸມລັດຖະມົນຕີກະຊວງສາທາລະນະສຸກອາຊຽນຈີນຄັ້ງປະຖົມມະເລີກກໍຕ່າງຈະຈັດຂຶ້ນຢູ່ຢາງກຸງໃນວັນທີ 22 ແລະວັນທີ 23.
|
|
|
