|
ຈຳນວນຄົນຕາຍໃນໄພນ້ຳຖ້ວມອິນໂດເນເຊຍເພີ່ມຂຶ້ນຮອດ 178 ຄົນ
cri
Author: min
ຕາມຂ່າວ CRI: ຝົນຕົກແຮງຫຼາຍມື້ລຽນຕິດຢູ່ເຂດສ່ວນໜຶ່ງແຂວງຊູລາເວຊີໃຕ້ອິນໂດເນເຊຍໄດ້ເຮັດໃຫ້ເກີດໄພນ້ຳຖ້ວມແລະດິນເຈື່ອນ, ນັບມາຮອດຕອນເຊົ້າວັນທີ 22 ມິຖຸນາ, ຢ່າງໜ້ອຍໄດ້ເຮັດໃຫ້ 178 ຄົນເສຍຊີວິດ, 135 ຄົນຫາຍສາບສູນ.
ຕາມຂ່າວແຈ້ງວ່າ, ຢູ່ເມືອງຊິນຈາອີ ທີ່ປະສົບໄພໜັກໜ່ວງກວ່າໝູ່ນັ້ນ, ມີ 168 ຄົນເສຍຊີວິດ. ໄພນ້ຳຖ້ວມຍັງໄດ້ທຳລາຍເຮືອນຊານຫຼາຍຮ້ອຍຫຼັງ, ຢ່າງໜ້ອຍໄດ້ເຮັດໃຫ້ 800 ກວ່າຄົນບໍ່ມີບ່ອນເພີ່ງພາອາໄສ. ປະຈຸບັນ, ກອງກອບກູ້ຍັງພວມຊອກຫາຜູ້ຫາຍສາບສູນ.
ນອກນີ້, ຂ່າວແຈ້ງອີກວ່າ, ຫວ່າງມໍ່ໆນີ້, ລັດຖະບານອິນໂດເນເຊຍຍັງກ່າວວ່າ, ໄດ້ເບີກເງິນຊ່ອຍເຫຼືອກູ້ໄພ 1 ແສນໂດລາສະຫະລັດໃຫ້ເຂດປະສົບໄພແລ້ວ. ວັດຖຸກູ້ໄພສ່ວນໜຶ່ງກໍໄດ້ຂົນສົ່ງໄປຮອດເຂດປະສົບໄພຢ່າງຕໍ່ເນື່ອງ.
|
|
