|
|
 |
| (GMT+08:00)
2006-06-22 18:06:01
|
 |
|
ຈີນຈະສືບຕໍ່ທຳຄວາມພະຍາຍາມທີ່ມີລັກສະນະສ້າງສັນເພື່ອສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກສຽງເໜືອ
cri
Author: da
ຕາມຂ່າວCRI:ວັນທີ 22 ມິຖຸນາ ຢູ່ປັກກິ່ງ ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນໄດ້ວິຈານເລື່ອງສປປເກົາຫຼີຈະຍິງສົ່ງລູກສອນໄຟນຳວິຖີທາງໄກໃນຫວ່າງມໍ່ໆນີ້ວ່າ,ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງເຮັດເລື່ອງຫຼາຍກວ່າເກົ່າທີ່ມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກ ສຽງເໜືອ,ຍິນດີສືບຕໍ່ທຳຄວາມພະຍາຍາມທີ່ມີລັກສະນະສ້າງສັນເພື່ອເລື່ອງນີ້.
ຕາມຂ່າວແຈ້ງວ່າ,ສປປເກົາຫຼີຈະຍິງສົ່ງລູກສອນໄຟນຳວິຖີທາງໄກໃນຫວ່າງມໍ່ໆນີ້,ແລະເຫັນວ່າຕົນເອງມີສິດພັດທະນາແລະທົດລອງຍິງສົ່ງລູກສອນໄຟນຳວິຖີ.ກ່ຽວກັບເລື່ອງນີ້,ຝ່າຍສປປເກົາຫຼີຫວັງສົນທະນາກັບອາເມລິກາໂດຍກົງ.
ໃນງານຊຸມນຸມນັກຂ່າວທີ່ຈັດຂຶ້ນໃນມື້ດຽວກັນ,ທ່ານນາງຈ່ຽງອີກ່າວເນັ້ນວ່າ,ການປົກປັກຮັກສາສັນຕິພາບແລະສະຖຽນລະພາບຂອງພາກພື້ນອາຊີຕາເວັນອອກສຽງເໜືອແມ່ນຫຼັກໝັ້ນຂອງຈີນໂດຍຕະຫຼອດ.ໃນເວລາກ່າວເຖິງການພົວພັນລະຫວ່າງເລື່ອງນີ້ກັບການເຈລະຈາ 6 ຝ່າຍ,ທ່ານນາງຈ່ຽງອີເວົ້າວ່າ,ໃນຖານເປັນກົນໄກທີ່ບັງເກີດຜົນໃນການສົນທະນາແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິ,ການເຈລະຈາ6ຝ່າຍໄດ້ຮັບຄວາມຮັບຮູ້ຢ່າງກວ້າງຂວາງຈາກບັນດາຝ່າຍແລະປະຊາຄົມໂລກ.ຝ່າຍຈີນມີເຈດຈຳນົງວ່າ,ບັນດາຝ່າຍລ້ວນແຕ່ຕ້ອງຍຶດໝັ້ນສົນທະນາກັນເພື່ອແກ້ໄຂບັນຫານິວເຄຼຍແຫຼມເກົາຫຼີ,ຍຶດໝັ້ນການບັນລຸເປົ້າໝາຍແຫຼມເກົາຫຼີປອດນິວເຄຼຍແລະຍຶດໝັ້ນຊຸກຍູ້ຂະບວນການເຈລະຈາ6ຝ່າຍນັ້ນຢ່າງບໍ່ຫວັ່ນໄຫວຄອນແຄນ.
|
|
|
