|
ກໍເໝືອນດັ່ງແຫ່ງອື່ນໃນໂລກ,"ຢູ່ຈີນ,ການຝາກທ້ອງ"ໄດ້ເປັນສິ່ງທ້າທາຍທັດສະນະຄະຕິສິນທຳຈະລິຍະທຳຂອງຄົນທັງຫຼາຍ,ຈະອະນຸຍາດອົງການປິ່ນປົວໃຊ້ເຕັກນິກຝາກທ້ອງຊ່ອຍສອງຜົວເມຍທີ່ຖືພາບໍ່ໄດ້ແຕ່ສາມາດໄດ້ລູກເພື່ອເຮັດໃຫ້ພວກເຂົາເຈົ້າສົມຫວັງໄດ້ບໍ່ນັ້ນ,ແມ່ນບັນຫາສະດຸ້ງໄວທີ່ຄົນທັງຫຼາຍຖົກຖຽງກັນບໍ່ແລ້ວບໍ່ທົ່ວ.ຫວ່າງມໍ່ໆນີ້,ກະຊວງສາທາລະນະສຸກຈີນໄດ້ປະກາດໃຊ້ກົດບັນຍັດສະບັບໜຶ່ງທີ່ຫ້າມອົງການປິ່ນປົວໃຊ້ເຕັກນິກຝາກທ້ອງດັ່ງນັ້ນ,ບັນຫາຝາກທ້ອງກາຍເປັນຈຸດສຸມຂອງຄົນທັງຫຼາຍອີກ.ໃນລາຍການຈີນປັດຈຸບັນພາກນີ້,ພວກເຮົາໄດ້ໄປສຳພາດແມ່ຍິງຮັບຝາກທ້ອງຂອງຈີນ,ຮູ້ເຂົາເຈົ້າມີທັດສະນະແນວໃດຕໍ່ບັນຫາຝາກທ້ອງ.
ຫວ່າງກ່ອນນີ້ບໍ່ດົນ,ນາງຟູ້ທີ່ມີອາຍຸ24ປີໄດ້ຖືພາ,ແຕ່ນາງເວົ້າວ່າ,ລູກໃນທ້ອງບໍ່ແມ່ນລູກຄີງຂອງນາງ.
"ລູກນີ້ບໍ່ມີການພົວພັນໃດໆກັບຂ້າພະເຈົ້າ,ຈະເວົ້າວ່າມີການພົວພັນກັບຂ້າພະເຈົ້າ,ພວກເຮົາກໍ່ຮູ້ດີວ່າ,ລູກນີ້ແມ່ນຂ້າພະເຈົ້າເກີດແທນຫຼືເກີດືຊ່ອຍຜູ້ອື່ນ."
ລູກທີ່ຕົນເອງເກີດພັດບໍ່ແມ່ນລູກຂອງຕົນເອງ?ນາງຟູ້ເວົ້າແນວນີ້ກໍມີຫຫຼັກອ້າງອີງທາງວິທະຍາສາດ.ແຕ່ເວົ້າໃນຄວາມໝາຍອັນເຄັ່ງຄັດແລ້ວ,ລູກໃນທ້ອງນາງຟູ້ບໍ່ມີການພົວພັນສາຍເລືອດທາງພັນທຸກຳກັບນາງຈັກເມັດ,ນາງພຽງແຕ່ແມ່ນແມ່ຮັບຝາກທ້ອງ.ຍ້ອນວ່າລູກນີ້ແມ່ນເອົາຕົວອະສຸຈິແລະໄຂ່ປະສານກັນເປັນໄຂ່ໃສ່ຫຼອດແກ້ວປະຕິສົນທິໃນມົດລູກຂອງນາງຟູ້.ຍ້ອນວ່າໃນສອງຜົວເມຍນັ້ນຜູ້ເປັນບໍ່ມີຄວາມສາມາດອອກລູກ,ແຕ່ສອງຜົວເມຍພັດຢາກມີລູກຜູ້ໜຶ່ງທີ່ມີແຊນພັນທຸກຳຮ່ວມຂອງສອງຜົວເມຍ.
ການຝາກທ້ອງຂອງນາງຟູ້ບໍ່ແມ່ນເຮັດຢູ່ເຂດໃນຂອງຈີນ,ດັ່ງນັ້ນກົດໝາຍທີ່ຈີນໃຊ້ໃນປັດຈຸບັນຈະຜູກມັດການກະທໍາຝາກທ້ອງຂອງນາງບໍ່ໄດ້;ຖ້ານາງຟູ້ຜ່າຕັດຝາກທ້ອງໃນອົງການປິ່ນປົວເຂດໃນຈີນແລ້ວ,ອົງການນີ້ກໍ່ຈະຖືກລົງໂທດ,ຍ້ອນວ່າຢູ່ຈີນ,ການໃຊ້ເຕັກນິກເພື່ອຝາກທ້ອງນັ້ນລ້ວນແຕ່ຜິດກົດໝາຍ.
ຂໍ້ລະອຽດກ່ຽວກັບການກວດກາເຕັກນິກການຊ່ອຍສືບພັນແລະທະນາຄານຕົວອະສຸຈິມະນຸດທີ່ກະຊວງສາທາລະນະສຸກຈີນປະກາດໃນຫວ່າງມໍ່ໆນີ້ໄດ້ຫ້າມອົງການປິ່ນປົວແລະພະນັກງານແພດໃຊ້ເຕັກນິກເພື່ອຝາກທ້ອງດ້ວຍທຸກຮູບແບບນັ້ນອີກ.ທ່ານມາວຊຸນອ່ານ ໂຄສົກຖະແຫຼງຂ່າວກະຊວງສາທາລະນະສຸກຈີນກ່າວວ່າ,ນີ້ແມ່ນເພື່ອຫຼີກເວັ້ນໃຊ້ເຕັກນິກຊ່ອຍສືບພັນຂອງມະນຸດທົ່ວທີບແລ້ວທຳລາຍສຸຂະພາບຂອງປະຊາຊົນ.
"ເຕັກນິກຝາກທ້ອງຊະນິດນີ້ອາດຈະເກີດມີຜົນສະທ້ອນອັນໃຫຍ່ຫຼວງທີ່ສຸດຕໍ່ສັງຄົມແລະສິນທຳຈະລິຍະທຳຂອງພວກເຮົາຢ່າງຫຼວງຫຼາຍ,ຍັງລະເມີດກົດໝາຍກົດບັນຍັດທີ່ໃຊ້ໃນປັດຈຸບັນທັງຝືນກັບສິນທຳສັງຄົມ.ອີງຕາມສະພາບການສາກົນ, ໃນສະເພາະໜ້ານີ້,ຢູ່ຫຼາຍປະເທດກໍຫ້າມເຊັ່ນດຽວກັນ."
ແຕ່ວ່າ,ບໍ່ແມ່ນໝົດທຸກຄົນເຫັນດີທັດສະນະດັ່ງກ່າວ,ໂດຍສະເພາະແມ່ນສອງຜົວເມຍທີ່ຖືພາອອກລູກບໍ່ໄດ້.ຍ້ອນວ່າກົດໝາຍກົດບັນຍັດທີ່ໃຊ້ໃນປະຈຸບັນບໍ່ອະນຸຍາດອົງການປິ່ນປົວໃດແລະເອກະຊົນຜູ້ໃດໃຊ້ເຕັກນິກຝາກທ້ອງດ້ວຍທຸກຮູບແບບ,ສອງຜົວເມຍທີ່ອອກລູກບໍ່ໄດ້ຄູ່ນັ້ນຢາກໃຊ້ເຕັກນິກໃຫ້ຜູ້ອື່ນຊ່ອຍອອກລູກກໍ່ມີປະຖົມປັດໄຈອັນໜຶ່ງ,ນີ້ກໍ່ແມ່ນຜູ້ເປັນເມຍຕ້ອງຖືພາໃນມົດຕົນເອງ,ກໍ່ໝາຍຄວາມວ່າ,ຖ້າມົດລູກຂອງເມຍມີບັນຫາຖືພາບໍ່ໄດ້,ພວກເພິ່ນກໍ່ບໍ່ສາມາດມີລູກຂອງຕົນໄດ້.
ສະນັ້ນ,ສອງຜົວເມຍທີ່ຮ້ອນໃຈຢາກໄດ້ລູກນັ້ນກໍສ່ຽງໄພຍ້ອນຈົນຕາແຈໃຕ້ສະພາບທີ່ກົດໝາຍຫ້າມຝາກທ້ອງ,ແລ້ວຊອກຫາວິທີຊື້ຂາຍທາງສ່ວນຕົວ,ຫາຄົນຮັບຝາກທ້ອງ,"ຢືມທ້ອງອອກລູກ".ນີ້ກໍແມ່ນຍ້ອນແນວນີ້,ຈີນຈຶ່ງມີແມ່ຮັບຝາກທ້ອງຈຳນວນໜຶ່ງຄືນາງຟູ້ນີ້ແຫຼະ.
ປັດຈຸບັນ,ການຖົກຖຽງກັນໃນໝູ່ຄົນທັງຫຼາຍກ່ຽວກັບການໃຊ້ເຕັກນິກຝາກທ້ອງຊ່ອຍຜົວເມຍທີ່ບໍ່ສາມາດມີລູກໃຫ້ສົມຫວັງດັ່ງນັ້ນຝັນໄດ້ຫຼືບໍ່ແມ່ນຟົດຟື້ນອຶກກະທຶກຫຼາຍ,ໃນນັ້ນມີທັງສຽງຮຽກຮ້ອງແບບຫົວຮຸນແຮງທີ່ຮ້ອງຂໍໃຫ້ລັດສ້າງກົດໝາຍອະນຸຍາດການໃຊ້ເຕັກນິກຝາກທ້ອງ,ມີທັງທັດສະນະທີ່ຄັດຄ້ານການຝາກທ້ອງໃນດ້ານຈະລິຍະທຳນັ້ນຢ່າງເດັດດ່ຽວ.
ທ່ານນາງໄຈສຽວໄມ ຮອງສາດສະດາຈານຂອງມະຫາວິທະຍາໄລແພດສາດເຊຍເຮີຈີນ,ນັກຈະລິຍະທຳຊີວິດເຫັນວ່າ,ການຝາກທ້ອງບໍ່ພຽງແຕ່ຈະເກີດມີບັນຫາຍາກຄື"ໃຜແມ່ນແມ່ຂອງລູກ",ຍັງມີບັນຫາຈະລິຍະທຳໃນດ້ານອື່ນ.ເຊັ່ນ:ຖ້າແມ່ຮັບຝາກທ້ອງຊ່ອຍຜູ້ອື່ນອອກລູກເພື່ອເງິນ,ຄັນຊັ້ນມົດລູກ,ເດັກອ່ອນກໍກາຍເປັນສິນຄ້າ,ການຝາກທ້ອງທີ່ມີລັກສະນະການຄ້າຊະນິດນີ້ລ້ວນແຕ່ຮັບເອົາບໍ່ໄດ້ໃນຂອບເຂດທົ່ວໂລກຢ່າງເດັດຂາດ.ແຕ່ວ່າ,ຄົນທັງຫຼາຍຈະສັນນິຖານຈຸດປະສົງໃນຕົວຂອງແມ່ຮັບຝາກທ້ອງເພື່ອຫຍັງນັ້ນ,ໄດ້ເປັນບັນຫາຍາກຂອງຫຼາຍປະເທດໃນໂລກ.ເພິ່ນເຫັນວ່າ,ພາຍໃຕ້ສະພາບດັ່ງກ່າວນີ້,ການຫ້າມຮັບຝາກທ້ອງແມ່ນການຄັດເລືອກດ້ວຍເຫດແລະຜົນແບບໜຶ່ງ.
"ວິທີອັນເໝາະສົມແມ່ນພວກເຮົາເຊົາໃຊ້ເຕັກນິກຝາກທ້ອງກ່ອນ,ສັງເກດສະພາບການໃນພຶດຕິກຳມັນເປນແນວໃດ?ເມື່ອຮອດເວລາມີກົດບັນຍັດອັນລະອຽດກວ່າເກົ່າ,ແລະຄຸ້ມຄອງຢ່າງຮອບຄອບກວ່າເກົ່າ,ແລ້ວຈິ່ງເວົ້າກັນ,ເພື່ອຫຼີກເວັ້ນບໍ່ໃຫ້ເຕັກນິກຝາກທ້ອງຖືກໃຊ້ທົ່ວທີບແລ້ວເກີດຫຼາຍບັນຫາ,ຂ້າພະເຈົ້າເຫັນວ່ານີ້ແມ່ນວິທີການໜຶ່ງທີ່ຊຳລະແກ້ໄຂບັນຫາດ້ວຍເຫດຜົນ."
ເຕັກນິກຊ່ອຍສືບພັນຂອງມະນຸດພວມກ້າວໄປໜ້າ,ແຕ່ສິ່ງລົບກວນທີ່ພວກເຮົາປະເຊີນນັ້ນກໍ່ນັບມື້ນັບຫຼາຍຂຶ້ນ,ແຕ່ເຕັກນິກຮັບນ້ຳເຊື້ອຂອງເພດຊາຍໂດຍກຳລັງຄົນໃນຫົວທີຈົນຮອດເຕັກນິກຝາກທ້ອງໃນປັດຈຸບັນ,ແລະເຕັກນິກໂຄຼນອີກ, ເຕັກນິກໃຫມ່ທີ່ເກີດຂຶ້ນເທື່ອໃດລ້ວນແຕ່ພາໃຫ້ເກີດການຖືກຖຽງກັນຫຼາຍ.ແຕ່ວ່າ,ໃນສະເພາະໜ້ານີ້,ແມ່ຮັບຝາກທ້ອງຍັງບໍ່ທັນໄດ້ຖືກຍອມຮັບຈາກຫຼາຍປະເທດໃນໂລກ,ຈີນກໍຮັບເອົາບໍ່ໄດ້ເຊັ່ນກັນ.
|
