|
|
 |
| (GMT+08:00)
2006-06-24 20:02:33
|
 |
|
ທ່ານເວີນເຈຍປາວເຈລະຈາກັບປະທານາທິບໍດີອູການດາ
cri
Author: da
ຕາມຂ່າວCRI:ວັນທີ23ມິຖຸນາ,ທ່ານເວີນເຈຍປາວ ນາຍົກລັດຖະມົນຕີຈີນທີ່ພວມຢ້ຽມຢາມອາຟຼີກາໄດ້ເຈລະຈາກັບທ່ານມູເຊເວນີ ປະທານາທິບໍດີອູການດາຢູ່ຄັນໂປລາ.
ທ່ານເວີນເຈຍປາວເວົ້າວ່າ,ຈີນເອົາໃຈໃສ່ຂະຫຍາຍການພົວພັນລະຫວ່າງຈີນກັບອູການດາ,ຈີນໄດ້ໃຊ້ແລະຈະສືບຕໍ່ໃຊ້ມາດຕະການຫຼາຍຂໍ້ເພີ່ມການນຳເຂົ້າຈາກອູການດາ.ຈີນສົ່ງເສີມໃຫ້ວິສາຫະກິດຈີນໄປລົງທຶນຢູ່ອູການດາ,ເຂົ້າຮ່ວມການສ້າງສາກະສິກຳ ຊົນລະປະທານ ຄົມມະນາຄົມ ໂທລະຄົມແລະພື້ນຖານໂຄງລ່າງຂອງອູການດາ.ຈີນຍິນດີສືບຕໍ່ຊ່ອຍອູການດາພັດທະນາພາລະກິດການສຶກສາແລະສາທາລະນະສຸກ,ຊຶ່ງລວມທັງການປ້ອງກັນແລະປິ່ນປົວພະຍາດໄຂ້ຍຸງແລະໂຣກເອດສ໌.
ທ່ານມູເຊເວນີເວົ້າວ່າ,ອູການດາແມ່ນຜູ້ໄດ້ຮັບຜົນປະໂຫຍດຈາກການພັດທະນາຂອງຈີນ,ອູການດາຫວັງເພີ່ມທະວີການຮ່ວມມືກັບຈີນໃນດ້ານກະສິກຳ ຄົມມະນາຄົມ ໂທລະຄົມຂໍ້ມູນຂ່າວສານ ການຂຸດຄົ້ນບໍ່ແຮ່ ການທ່ອງທ່ຽວແລະກໍ່ສ້າງພື້ນຖານໂຄງລ່າງ.ການພັດທະນາຂອງຈີນບໍ່ເປັນການຂົ່ມຂູ່,ຫາກແມ່ນໂອກາດ,ມີຜົນດີຕໍ່ສັນຕິພາບແລະການພັດທະນາຂອງອູການດາ ອາຟຼີກາ ຕະຫຼອດຮອດຂອງໂລກ.
ຫຼັງການເຈລະຈາສິ້ນສຸດລົງແລ້ວ,ທ່ານເວີນເຈຍປາວກັບທ່ານມູເຊເວນີໄດ້ພ້ອມກັນເຂົ້າຮ່ວມພິທີລົງນາມໃນອະນຸສັນຍາເຕັກນິກເສດຖະກິດລະຫວ່າງລັດຖະບານສອງປະເທດ ແລະເອກະສານຮ່ວມມືສອງຝ່າຍເຊັ່ນສະໜອງຢາຕ້ານພະຍາດໄຂ້ຍຸງໃຫ້ອູການດາ ສ້າງສູນແບບຢ່າງກະສິກຳແລະໂຮງຮຽນຊົນນະບົດຢູ່ອູການດາເປັນຕົ້ນ.ສອງປະເທດຍັງໄດ້ອອກປະກາດແຈ້ງການຮ່ວມ.
|
|
|
