ຕາມຂ່າວ CRI: ວັນທີ 24 ມິຖຸນາ ຮ່າງ "ກົດໝາຍວ່າດ້ວຍການສຶກສາພາກບັງຄັບ" ສະບັບປັບປຸງທີ່ກ່ຽວພັນເຖິງນັກຮຽນປະຖົມແລະມັດທະຍົມຈຳນວນ 180 ລ້ານຄົນນັ້ນ ໄດ້ຍື່ນໃຫ້ອົງການນິຕິບັນຍັດສຳຫຼວດພິຈາລະນາເປັນຄັ້ງທີສາມ ແລະມີຫວັງຈະລົງຄະແນນສຽງໃນ 5 ມື້ຂ້າງໜ້າ. ຮ່າງກົດໝາຍສະບັບປັບປຸງດັ່ງກ່າວໄດ້ຮັບປະກັນໃຫ້ຊັບພະຍາກອນການສຶກສາຕອບສະໜອງກັບຄວາມຕ້ອງການຂອງຊົນນະບົດກ່ອນ, ແລະເຈາະຈົງແກ້ໄຂການເກັບຄ່າການສຶກສາທົ່ວທີບເປັນຕົ້ນ.
ຈີນປະຕິບັດລະບອບການສຶກສາພາກບັງຄັບ 9 ປີ. ຮ່າງກົດໝາຍສະບັບປັບປຸງດັ່ງກ່າວໄດ້ກຳນົດຢ່າງຈະແຈ້ງວ່າ ການສຶກສາພາກບັງຄັບບໍ່ເກັບຄ່າຮຽນຄ່າສັບພະປິ, ແລະກຳນົດວ່າ ລັດສ້າງກົນໄກຮັບປະກັນທຶນການສຶກສາພາກບັງຄັບ. ອີງຕາມຮ່າງກົດໝາຍ, ທຶນການສຶກສາຈະອ່ຽງໃສ່ໂຮງຮຽນຊົນນະບົດແລະໂຮງຮຽນໃນທ່າອ່ອນຂອງຕົວເມືອງກ່ອນ, ຊັກນຳແລະປຸກລະດົມນັກສຶກສາທີ່ຈົບຮຽນຈາກໂຮງຮຽນຊັ້ນສູງແລະຄູໄປສອນຢູ່ຊົນນະບົດ.
ຮ່າງກົດໝາຍຍັງໄດ້ກຳນົດໄວ້ທີ່ມີລັກສະນະເກືອດຫ້າມຢ່າງຈະແຈ້ງກ່ຽວກັບບັນຫາທີ່ໂຮງຮຽນປະຖົມແລະມັດທະຍົມເກັບຄ່າທົ່ວທີບເປັນຕົ້ນໃນຫຼາຍປີມານີ້, ແລະທວງໃຫ້ການກຳນົດລາຄາປື້ມ ຮຽນປະຕິບັດຕາມຫຼັກການໄດ້ກຳໄລເລັກໜ້ອຍ, ທາງລັດສົ່ງເສີມການໃຊ້ປື້ມຮຽນແບບໝູນວຽນ.
|