|
ຕາມຂ່າວCRI: ໃນການແຂ່ງຂັນຂອງວັນທີ 23 ມິຖຸນາ, ທີມອູແກຼນ ທີມຝຣັ່ງແລະທີມສະວິສຊີງໄດ້ສິດອອກສາຍ, ເມື່ອເປັນຈັ່ງຊັ້ນ, ທີມຕ່າງໆທີ່ໄດ້ສິດເຂົ້າຮອບ 16 ທີມຂອງງານແຂ່ງຂັນເຕະບານຊີງຂັນໂລກທີ່ເຢຍລະມັນປີ 2006 ໄດ້ກຳເນີດຂຶ້ນໝົດແລ້ວ.
ໃນການແຂ່ງຂັນໃນສາຍ H ທີ່ຈັດຂຶ້ນກ່ອນ, ທີມແອສປາຍທີ່ໄດ້ສິດອອກສາຍກ່ອນນັດໜຶ່ງນັ້ນ ໄດ້ເອົາຊະນະທີມອາລາບີຊາອູດິດດ້ວຍຄະແນນ 1:0; ທີມອູແກຼນເອົາຊະນະທີມຕຸຍນີຊີດ້ວຍຄະແນນ 1:0, ແລ້ວຊີງໄດ້ສິດອອກສາຍໃນສາຍດຽວກັນ.
ໃນການແຂ່ງຂັນຂອງສາຍ G ທີ່ຈັດຂຶ້ນຕາມຫຼັງ, ທີມສະວິສໄດ້ເອົາຊະນະທີມສ.ເກົາຫຼີດ້ວຍຄະແນນ 2:0, ທີມຝຣັ່ງເອົາຊະນະທີມໂຕໂກດ້ວຍຜົນງານດຽວກັນ, ສອງທີມທີ່ຊະນະນັ້ນໄດ້ສິດເຂົ້າຮອບ 16 ທີມ.
ໃນການແຂ່ງຂັນຮອບ 16 ທີມ, ທີມເຢຍລະມັນຈະແຂ່ງກັນກັບທີມຊູແອດ, ທີມເອກກວາດໍແຂ່ງຂັນກັບທີມອັງກິດ, ທີມອັກຊັງຕິນແຂ່ງຂັນກັບທີມເມັກຊິກ, ທີມໂຮນລັງແຂ່ງຂັນກັບທີມປອກຕຸຍການ, ທີມອີຕາລີແຂ່ງຂັນກັບທີມອົສຕຼາລີ, ທີມການາແຂ່ງຂັນກັບທີມເບຼຊິນ, ທີມສະວິສແຂ່ງຂັນກັບທີມ ອູແກຼນ, ທີມຝຣັ່ງແຂ່ງຂັນກັບທີມແອສປາຍ.
|
