ຕາມ​ຂ່າວສານ​ຊິນ​ຮວາ: ວັນ​ທີ 25 ມິຖຸນາ​ແມ່ນ "ວັນ​ທີ່​ດິນ" ​ແຫ່ງ​ຊາດ​ຈີນ​ຄັ້ງ​ທີ 16, ກໍ​ແມ່ນ​ວັນ​ລະ​ລຶກການ​ປະກາດ "ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ທີ່​ດິນ​ແຫ່ງ​ສາ​ທາ​ລະ​ນະ​ລັດ​ປະ​ຊາ​ຊົນ​ຈີນ" ຄົບຮອບ 20 ປີ. ຢູ່​ແຫ່ງ​ຕ່າງໆ​ຂອງ​ຈີນ​ໄດ້​ຈັດການ​ເຄື່ອນ​ໄຫວ​ໂຄ​ສະ​ນາ​ທີ່​ມີ​ຫຼາຍ​ຢ່າງ​ຫຼາຍ​ແນວ​ໂດຍ​ໝູນ​ອ້ອມ​ຫົວ​ຂໍ້​ "​ໃຊ້​ທີ່​ດິນ​ຕາມ​ກົດໝາຍ​ແລະ​ສົມ​ເຫດ​ສົມ​ຜົນ, ຊຸກ​ຍູ້​ການ​ພັດທະນາຕາມຫຼັກ​ວິທະຍາສາດ".

ອົງການ​ປົກຄອງ​ນະຄອນຫຼວງປັກ​ກິ່ງ​ໄດ້​ຈັດການ​​ເຄື່ອນ​ໄຫວວາງສະ​ແດງ​ແລະ​ຜູ່​ຊ່ຽວ​ຊານ​ໃຫ້​ຄຳ​ປຶກ​ສາ​ຢູ່​ກັບ​ບ່ອນ​ເປັນຕົ້ນ. ອົງການ​ຈັດຕັ້ງມະຫາຊົນ​ແລະ​ໂຮງຮຽນ​ຊັ້ນvສູງ​ຈຳ​ນວນ​ໜຶ່ງ​ໄດ້​ຈັດ​ການ​ເຄື່ອນ​ໄຫວ​ຕ່າງໆ ​ເຊັ່ນ ​ສຳພາດ​ແລະ​ຂໍ​ບົດ​ຄວາມ​ເປັນຕົ້ນ​ໂດຍ​ຜ່ານ​ທາງ​ອິນ​ເຕີ​ເນັດ​, ລະ​ລຶກ​ການ​ປະກາດກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ທີ່​ດິນ​ຂອງ​ຈີນ​ຄົບ​ຮອບ 20 ປີ. ​ໃນ​ມື້​ດຽວ​ກັນ ຢູ່​ແຫ່ງ​ຕ່າງໆ​ທົ່ວ​ປະ​ເທດກໍ່​ໄດ້​ຈັດການ​ເຄື່ອນ​ໄຫວ​ໂຄ​ສະ​ນາ​ທີ່​ມີ​ຫຼາຍ​ຮູບ​ຫຼາຍ​ແບບ.

​ເນື້ອ​ທີ່​ດິນ​ແດນຂອງ​ຈີນ​​ເປັນ​ທີ 3 ​ໃນ​ໂລກ, ​ແຕ່​ເນື້ອ​ທີ່​ດິນ​ປູກຝັງ​ສະ​ເລ່ຍ​ຕໍ່​ຫົວ​ຄົນ​ບໍ່​ຮອດ 0,1 ​ເຮັກຕາ, ກວມລະດັບ​ສະ​ເລ່ຍຂອງ​ໂລກ​ພຽງ 40% ​ເທົ່າ​ນັ້ນ. ຈີນ​ແມ່ນ​ປະ​ເທດ​ທຳ​ອິດ​ໃນ​ໂລກ​ທີ່​ຕັ້ງວັນ​ລະ​ລຶກລາຍ​ຈຳ​ເພາະ​ເພື່ອ​ຮັກສາທີ່​ດິນ.