|
|
 |
| (GMT+08:00)
2006-06-26 18:32:00
|
 |
|
ຈີນຈະສົ່ງເສີມໃຫ້ຈັດຕັ້ງອົງການເສດຖະກິດຮ່ວມມືວິຊາສະເພາະຂອງກະສິດກອນແບບໃໝ່ທາງກົດໝາຍ
cri
Author: min
ຕາມຂ່າວ CRI: ວັນທີ 26 ມິຖຸນາ, ຄະນະປະຈຳສະພາປະຊາຊົນແຫ່ງຊາດຈີນໄດ້ສຳຫຼວດພິຈາລະນາຮ່າງກົດໝາຍວ່າດ້ວຍອົງການເສດຖະກິດຮ່ວມມືວິຊາສະເພາະຂອງກະສິດກອນທີ່ຫາກໍ່ກ້າວເຂົ້າໃນລະບຽບການນິຕິບັນຍັດ. ຮ່າງກົດໝາຍໄດ້ຕົກລົງຖານະກົດໝາຍຂອງອົງການເສດຖະກິດຮ່ວມມືວິຊາສະເພາະຂອງຊາວກະສິດກອນຢ່າງຄັກແນ່ເປັນຄັ້ງທຳອິດ, ສະໜັບສະໜູນອົງການປະເພດນີ້ໃຫ້ຂະຫຍາຍຕົວຢ່າງປອດໃສ.
ໃນ 20 ກວ່າປີມານີ້, ຊາວກະສິກອນຈີນໄດ້ສ້າງອົງການເສດຖະກິດຮ່ວມມືວິຊາສະເພາະດ້ວຍຫຼາຍຮູບແບບ. ອົງການເຫຼົ່ານີ້ໄດ້ກາຍເປັນພາຫະນະສຳຄັນຂອງອົງການຈັດຕັ້ງທີ່ເຮັດໃຫ້ກະສິກຳກາຍເປັນຜະລິດຕະກຳ. ປະຈຸບັນ, ຈີນມີອົງການປະເພດນີ້ລວມທັງໝົດ 1 ແສນ 5 ໝື່ນກວ່າອົງການ, ແຕ່ຍ້ອນກົດໝາຍບໍ່ສົມບູນ, ຈຶ່ງເຮັດໃຫ້ອົງການປະເພດນີ້ບໍ່ສາມາດຂຶ້ນທະບຽນ, ແລະໄດ້ກະທົບກະເທືອນການເຄື່ອນໄຫວທຸລະກິດອັນປົກກະຕິ.
ຮ່າງກົດໝາຍໄດ້ກຳນົດອົງການຮ່ວມມືເສດຖະກິດວິຊາສະເພາະຂອງຊາວກະສິກອນເປັນຮູບການອົງການຈັດຕັ້ງເສດຖະກິດທີ່ໃໝ່ອ່ຽມຊະນິດໜຶ່ງ, ແລະຍັງໄດ້ກຳນົດຈຳນວນສະມາຊິກກະສິດກອນແລະສິດຄຸ້ມຄອງແບບປະຊາທິປະໄຕພາຍໃນອົງການແລະອື່ນໆ, ຮັບປະກັນໃຫ້ສະມາຊິກກະສິດກອນສະເໜີເຈດຈຳນົງຂອງຕົນຢ່າງບັງເກີດຜົນ, ປ້ອງກັນບໍ່ໃຫ້ອົງການຈັດຕັ້ງປະເພດນີ້ຖືກສວຍໃຊ້ຫຼືຄອບງຳ.
|
|
|
