|
|
 |
| (GMT+08:00)
2006-06-26 18:54:11
|
 |
|
ເນື້ອທີ່ປູກຝິ່ນຢູ່ເຂດສາມຫຼ່ຽມຄຳຫຼຸດລົງຮອດລະດັບຕ່ຳສຸດໃນຮ້ອຍປີທີ່ຜ່ານມາ
cri
Author: da
ຕາມຂ່າວສານຊິນຮວາ:ວັນທີ 26 ມິຖຸນາແມ່ນວັນເກືອດຫ້າມຢາເສບຕິດສາກົນ.ພາກສ່ວນເກືອດຫ້າມຢາເສບຕິດປ້ອງກັນຄວາມສະຫງົບຂອງແຂວງຢຸນນານ ພາກຕາເວັນຕົກສຽງໃຕ້ຂອງຈີນເຜີຍໃຫ້ຮູ້ວ່າ,ໃນຫຼາຍປີມານີ້,ລັດຖະບານຈີນໄດ້ຊ່ອຍເຂດສາມຫຼ່ຽມຄຳພັດທະນາການປູກພືດທົດແທນ ໄດ້ຮັບຜົນເດັ່ນຊັດ,ປີນີ້,ການປູກຝິ່ນຢູ່ເຂດສາມຫຼ່ຽມຄຳກວມເນື້ອທີ່ປະມານ 1 ໝື່ນ 3 ພັນເຮັກຕາ,ຫຼຸດລົງຮອດລະດັບຕ່ຳສຸດໃນຮ້ອຍປີທີ່ຜ່ານມາ.
ເຂດສາມຫຼ່ຽມຄຳທີ່ຢູ່ແປະຊາຍແດນໄທ ມຽນມາແລະລາວແລ້ວ,ກໍແປະກັບແຂວງຢຸນນານຈີນ,ຫຼາຍປີມານີ້,ຢາເສບຕິດທີ່ຜະລິດຢູ່ເຂດດັ່ງກ່າວໄດ້ສົ່ງເຂົ້າຈີນຫຼາຍຂຶ້ນຢ່າງບໍ່ຢຸດຢັ້ງ.ທ່ານຊຸນຕ້າຫົງ ເຈົ້າໜ້າທີ່ພະແນກປ້ອງກັນຄວາມສະຫງົບຂອງແຂວງຢຸນນານແນະນຳວ່າ,ໃນຫຼາຍປີມານີ້,ນັບລວມແລ້ວ ຈີນໄດ້ລົງທຶນ 500 ລ້ານກວ່າຢວນຊ່ອຍເຂດສາມຫຼ່ຽມຄຳປູກພືດທົດແທນຕ່າງໆເຊັ່ນຕົ້ນອ້ອຍແລະຕົ້ນຢາງພາລາເປັນຕົ້ນເຖິງ 4 ໝື່ນ 3 ພັນເຮັກຕາ,ເນື້ອທີ່ປູກຕົ້ນຝິ່ນໃນເຂດດັ່ງກ່າວໜ້ອຍລົງຢ່າງຫຼວງຫຼາຍ.ພ້ອມກັນນັ້ນ,ລັດຖະບານຈີນໄດ້ເກືອດຫ້າມການປູກຝິ່ນ ຂົນສົ່ງ ຜະລິດແລະເສບຢາເສບຕິດຕະຫຼອດມາ,ໄດ້ຮັກສາທ່ວງທ່າທີ່ໃຊ້ກຳລັງໜີບແຮງຕໍ່ການຕ້ອງໂທດຄ້າຢາເສບຕິດ.
ເຂດສາມຫຼ່ຽມຄຳ ເຊິ່ງເປັນເຂດຜະລິດຢາເສບຕິດທີ່ໃຫຍ່ກວ່າໝູ່ໃນໂລກມີປະຫວັດປູກຕົ້ນຝິ່ນແລະຜະລິດຢາເສບຕິດມາຮ້ອຍກວ່າປີແລ້ວ,ໄລຍະທີ່ປູກຕົ້ນຝິ່ນຫຼາຍກວ່າໝູ່ໄດ້ບັນລຸ 6 ໝື່ນ 6 ພັນເຮັກຕາຕໍ່ປີ.
|
|
|
