|
ລັດຖະມົນຕີກະຊວງສາທາລະນະສຸກໄທເວົ້າວ່າ,ວຽກງານເກືອດຫ້າມຢາເສບຕິດໄດ້ຮັບຜົນຢ່າງເດັ່ນຊັດ
cri
Author: da
|
ຕາມຂ່າວສານຊິນຮວາລາຍງານຈາກຈັງຫວັດອະຍຸດທະຍາຂອງໄທວ່າ:ວັນທີ26ມິຖຸນາ ຢູ່ຈັງຫວັດອະຍຸດທະຍາ ພາກກາງຂອງໄທ ທ່ານພິນິດ ຈາລຸສົມບັດ ລັດຖະມົນຕີກະຊວງສາທາລະນະສຸກໄທເວົ້າວ່າ,ວຽກງານກວາດລ້າງຢາເສບຕິດທີ່ລັດຖະບານໄທດຳເນີນພາຍໃນທົ່ວປະເທດໃນຫຼາຍປີມານີ້ໄດ້ຮັບຜົນຢ່າງເດັ່ນຊັດ.
ໃນການເຄື່ອນໄຫວໂຄສະນາໃນວັນເກືອດຫ້າມຢາເສບຕິດສາກົນທີ່ຈັດຂຶ້ນຢູ່ຈັງຫວັດອະຍຸດທະຍາໃນມື້ດຽວກັນ ທ່ານພິນິດເວົ້າວ່າ,ວຽກງານປາບປາມຢາເສບຕິດທີ່ລັດຖະບານໄທເລີ່ມດຳເນີນພາຍໃນທົ່ວປະເທດເມື່ອ5ປີກ່ອນໄດ້ມີການຄືບໜ້າຢ່າງໄດ້ຮັບຜົນດີເດັ່ນ.ຕາມສະຖິຕິ,ບໍລິມາດການຄ້າຢາເສບຕິດຢູ່ໄທໄດ້ປະກົດມີທ່ວງທ່າຫຼຸດລົງຄູ່ປີ.ຍອດປະລິມານຢາເສບຕິດທີ່ຍຶດໄດ້ໃນປີ2005ໄດ້ຫຼຸດໜ້ອຍກວ່າປີ2003ປະມານກວ່າເຄິ່ງໜຶ່ງ.
ທ່ານພິນິດ ຈາລຸສົມບັດເວົ້າວ່າ,ວຽກງານປາບຢາເສບຕິດຂອງໄທໃນສະເພາະໜ້ານີ້ຍັງປະເຊີນກັບການທ້າທາຍອັນຂ້ຽວຂາດຢູ່.ລັດຖະບານຈະສືບຕໍ່ໂຈມຕີການປູກຕົ້ນຝິ່ນແລະຜະລິດຢາເສບຕິດຈາກກົກຮາກ,ຕັດຊ່ອງທາງຄ້າຂາຍຢາເສບຕິດ,ແລະເພີ່ມທະວີການໃຫ້ການສຶກສາແກ່ປວງຊົນ.
ມື້ດຽວກັນ ລັດຖະບານໄທຍັງໄດ້ເຜົາຢາເສບຕິດຊະນິດຕ່າງໆ 3,5 ໂຕນທີ່ຍຶດໄດ້ໃນໜຶ່ງປີມານີ້,ຕົກເປັນເງິນປະມານ 10 ຕື້ບາດ.
ໃນການເຄື່ອນໄຫວໂຄສະນາວັນເກືອດຫ້າມຢາເສບຕິດສາກົນປີນີ້,ລັດຖະບານໄທຍັງໄດ້ຈັດຕັ້ງໃຫ້ປວງຊົນເບິ່ງການວັດແທກທາດເບື່ອຂອງຢາເສບຕິດ ການໃຫ້ໝາຕຳຫຼວດຊອກຢາເສບຕິດແລະງານວາງສະແດງຮູບພາບທີ່ໃຫ້ຫ່າງໄກຈາກຢາເສບຕິດເປັນຕົ້ນ.
|
|
