|
|
 |
| (GMT+08:00)
2006-06-27 20:31:39
|
 |
|
ໃຫ້ຜູ້ອອກຢາເສບຕິດຈາກແຫ່ງນີ້ກັບຄືນສູ່ສັງຄົມ
cri
|
ວັນທີ26ມິຖຸນາແມ່ນວັນປາບຢາເສບຕິດຂອງໂລກ.
ຢາເສບຕິດແມ່ນຜີຮ້າຍທີ່ທຳລາຍສັງຄົມແລະກຶນກິນຊີວິດຄົນເຮົາ.ສູນອອກຢາເສບຕິດກໍແມ່ນສະຖານທີ່ທີ່ຕໍ່ສູ້ກັບຜີຮ້າຍແລະກອບກູ້ຊີວິດທີ່ຖືກທໍລະມານ.ຢູ່ເມືອງຄຸນມິງເທສະບານແຂວງຢຸນນານ ພາກຕາເວັນຕົກສຽງໃຕ້ຂອງຈີນ,ສູນບັງຄັບໃຫ້ອອກຢາເສບຕິດຄຸນມີງເຊິ່ງແມ່ນສູນອອກຢາເສບຕິດທີ່ໃຫຍ່ກວ່າໝູ່ຂອງູພາກພື້ນອາຊີອາຄະເນ.ສູນອອກຢາເສບຕິດແຫ່ງນີ້ສ້າງຕັ້ງຂຶ້ນໃນເດືອນທັນວາປີ 1989,ເຊິ່ງເປັນໄລຍະທີ່ຢາເສບຕິດຂອງເຂດສາມຫຼ່ຽມຄຳແຜ່ລາມໄປຢ່າງໜັກໜ່ວງກວ່າໝູ່ຢ່,ສູນອອກຢາດັ່ງກ່າວແບ່ງເປັນຫຼາຍເຂດ,ເຊັ່ນເຂດບັງຄັບປິ່ນປົວ,ເຂດບັງຄັບໃຫ້ອອກຢາແລະຟື້ນຟູສຸຂະພາບແລະເຂດອອກຢາແລະຟື້ນຟູສຸຂະພາບຢ່າງສະໝັກໃຈເປັນຕົ້ນ,ແຕ່ລະປີຕ້ອງໄດ້ຮັບປິ່ນປົວຜູ້ຕິດຢາເສບຕິດ6000ກວ່າເທື່ອຄົນ.ແຫ່ງນີ້ແມ່ນສູນອອກຢາທີ່ສ້າງຂຶ້ນກ່ອນໝູ່ຂອງຈີນ,ເຄີຍຊ່ອຍເຫຼືອຫຼາຍຄົນພົ້ນອອກຈາກຢາເສບຕິດ.
ເມື່ອຍ່າງເຂົ້າສູນບັງຄັບໃຫ້ອອກຢາເສບຕິດຄຸນມິງ,ກໍໄດ້ເຫັນພືດຂອງແຖບມໍ່ແຖບຮ້ອນທີ່ຂຽວອຸ່ມທຸ່ມ,ສະນ້ຳທີ່ໃສສະອາດ,ຂົວນ້ອຍທີ່ມິດງຽບງົດງາມ,ເຮັດໃຫ້ຄົນຮູ້ສຶກວ່າພວມຢູ່ໃນສວນທີ່ສວຍງາມ.ຢູ່ແຫ່ງນີ້ບໍ່ມີກຳແພງສູງຮົ້ວໄຟຟ້າແລະຄຸກ,ຕຳຫຼວດທີ່ເຮັດວຽກຢູ່ນີ້ກໍບໍ່ໄດ້ຖືອາວຸດໃດໆ,ຈົນເຖິງຂັ້ນບໍ່ມີຄວາມຮູ້ສຶກຕໍ່ການບັງຄັບຈັກເມັດ.
ເມື່ອໄດ້ຂະຫຍາຍຕົວເປັນເວລາ16ປີ,ສູນບັງຄັບໃຫ້ອອກຢາເສບຕິດຄຸນມິງໄດ້ມີເບົ້າແບບອອກຢາເສບຕິດຄຸນມີງລະບົບໜຶ່ງທີ່ໄດ້ຮັບການຮັບຮອງຢ່າງເປັນເອກະສັນກັນຈາກປະຊາຄົມໂລກ.ຄືໃຊ້ຢາປົວພະຍາດມາເຮັດໃຫ້ຫຼຸດພົ້ນອອກຈາກແງ້ນຢາເສບຕິດ,ປິ່ນປົວດ້ານຈິດໃຈ,ຟື້ນຟູສຸຂະພາບດ້ວຍການອອກແຮງງານ,ການຊ່ອຍຜູ້ຕິດຢາພົ້ນອອກຈາກຢາເສບຕິດຈາກດ້ານຮ່າງກາຍແລະຈິດໃຈດ້ວຍຮູບການເຄົາລົບຜູ້ຕິດຢາເສບຕິດນັ້ນແມ່ນເນື້ອໃນພື້ນຖານຂອງເບົ້າແບບດັ່ງກ່າວ,ສ່ວນການເອົາການອອກຢາເສບຕິດຕິດຈອດກັບສັງຄົມ,ເຮັດໃຫ້ຜູ້ອອກຢາເສບຕິດກັບຄືນສູ່ສັງຄົມດ້ວຍສະພາບຈິດໃຈທີ່ປອດໃສນັ້ນແມ່ນຫົວກະທິຂອງເບົ້າແບບດັ່ງກ່າວ.
ສູນບັງຄັບໃຫ້ອອກຢາເສບຕິດພົວພັນກັບສັງຄົມນັ້ນມີຄວາມໝາຍຫຼາຍດ້ານ.ກ່ອນອື່ນ,ແມ່ນເຮັດໃຫ້ຜູ້ອອກຢາເສບຕິດກຳສີໄມ້ລາຍມືໃດໜຶ່ງກ່ອນກັບຄືນສູ່ສັງຄົມ,ເພື່ອດຳລົງຄົງຕົວໃນສັງຄົມ.ຖ້າຜູ້ອອກຢາເສບຕິດບໍ່ມີສີໄມ້ລາຍມືດ້ານໃດດ້ານໜຶ່ງ,ເຖິງວ່າອອກຈາກສູນໄປແລ້ວ,ສັງຄົມກໍຮັບເອົາຍາກ,ຖ້າບໍ່ມີວຽກເຮັດງານທຳພວກເຂົາເຈົ້າກໍຈະອາໄສຢາເສບຕິດມາຕາບຈູນຄວາມເປົ່າຫວ່າງໃນດ້ານຈິດໃຈ.ການແກ້ໄຂຄວາມສາມາດດ້ານການດຳລົງຄົງຕົວຂອງຜູ່ອອກຢາເສບຕິດແມ່ນວີທີທີ່ບັງເກີດຜົນໃນການຫຼີກເວັ້ນບໍ່ໃຫ້ພວກເຂົາເຈົ້າເສບຢາເສບຕິດຄືນອີກ.ທ່ານນິວຈ້ານກ່ວງ ຮອງຫົວໜ້າສູນບັງຄັບໃຫ້ອອກຢາເສບຕິດເມືອງຄຸນມິງເວົ້າວ່າ,ວຽກງານຂອງອົງການອອກຢາກໍແມ່ນເຮັດວຽກກະກຽມເພື່ອໃຫ້ຜູ້ອອກຢາເສບຕິດກັບຄືນສູ່ສັງຄົມ.ທ່ານເວົ້າວ່າ,
"ໃນຜູ່ອອກຢາເສບຕິດຫຼາຍຄົນລ້ວນແຕ່ມີສີສັນຂອງຕົນ,ຕົວຢ່າງຄືຮ້ອງເພງເຕັ້ນລຳ ປູກເຂົ້າ ລ້ຽງສັດ.ສູນບັງຄັບໃຫ້ອອກຢາເສບຕິດຄຸ້ມຄອງພວກເຂົາເຈົ້າໂດຍແບ່ງເປັນປະເພດ,ໂຮມສູນຜູ່ທີ່ມີຝີມື,ດຳເນີນການອົບຮົມຢ່າງມີການຈັດຕັ້ງ.ແລ້ວຣັບເອົາຜູ່ອື່ນ,ໃຫ້ຜູ່ເກົ່າຊັກນຳຜູ່ໃໝ່,ຫຼັງຈາກພວກເຂົາເຈົ້າອອກຈາກສູນບັງຄັບໃຫ້ອອກຢາເສບຕິດແລ້ວລ້ວນແຕ່ຮູ້ເຕັກນິກລາຍໜຶ່ງ."
ປັດຈຸບັນ,ໃນສັງຄົມຍັງມີຫຼາຍຄົນບໍ່ໜ້ອຍຖືທ່າທີດູໝິ່ນຫຼືຫຼົບຫຼີກຕໍ່ຜູ່ອອກຢາເສບຕິດ, ທັງນີ້ມັກເຮັດໃຫ້ຜູ່ອອກຢາເສບຕິດເກີດມີຈິດໃຈບໍ່ປອດໄສເຊັ່ນມັກຢູ່ໂດດດ່ຽວແລະນ້ອຍໃຈ, ແລ້ວແກ່ດຶງພວກເຂົາເຈົ້າກັບຄືນສູ່ກຸ່ມຄົນຕິດຢາເສບຕິດອີກ.ສະນັ້ນ,ການດັດແປງຈິດໃຈຂອງເສບຕິດຜູ່ອອກຢາພາຍຫຼັງກັບຄືນສູ່ສັງຄົມນັ້ນກໍແຮ່ງສຳຄັນຫຼາຍ.
ເພື່ອລື່ອງນີ້,ສູນບັງຄັບໃຫ້ອອກຢາເສບຕິດໄດ້ສ້າງຫ້ອງຕ້ອນຮັບຍາດຕິພີ່ນ້ອງທີ່ມີສະພາບແວດລ້ອມແລະສິ່ງກໍ່ສ້າງອັນດີງາມ,ຕັ້ງໜ້າປະສານສົມທົບກັບຄະນະກຳມະການໄທເມືອງຄຸ້ມເຮືອນຢູ່,ຕິດຕໍ່ກັບພໍ່ແມ່ຄອບຄົວຂອງຜູ່ອອກຢາເສບຕິດ,ຊ່ອຍພວກເຂົາເຈົ້າເຫັນໄດ້ຄືນໃໝ່ຄວາມຮັກແພງຂອງພໍ່ແມ່ພີ່ນ້ອງເພື່ອໃຫ້ຄວາມອົບອຸ່ນປອດໃຈແລະໃຫ້ກຳລັງໃຈ, ແກ້ໄຂຄວາມຫຍຸ້ງຍາກຕົວຈິງຂອງພວກເຂົາເຈົ້າທີ່ປະສົບໃນການກັບຄືນສູ່ສັງຄົມ.
ຄູເຝິກກ່າວຂອງສູນບັງຄັບອອກຢາເສບຕິດແນະນຳວ່າ:"ຫ້ອງຮັບຕ້ອນຂອງສູນບັງຄັບອອກຢາເສບຕິດ"ແມ່ນມີລັກສະນະມະນຸດສະຍະພາບ,ບໍ່ໄດ້ຂັ້ນໄວ້ແຍກກັນດ້ວຍປັດຊະຕິກເສີມໄຍແກ້ວ,ແລະບໍ່ຕ້ອງລົມກັນດ້ວຍກະບອກສຽງ.ພວກເຮົາຫວັງໃຫ້ຍາດພີ່ນ້ອງເສີມຂະຫຍາຍບົດບາດໃຫຍ່ຫຼວງກວ່າເກົ່າ,ຊ່ອຍຜູ່ອອກຢາເສບຕິດສ້າງຄວາມໝັ້ນໃຈ. ນອກນັ້ນ,ແຕ່ລະປີພວກເຮົາຍັງຕ້ອງຕິດຕາມສຳຫຼວດຜູ່ທີ່ອອກຈາກສູນທັງໝົດ,ເຮັດໃຫ້ວຽກງານອອກຢາເສບຕິດຂະຫຍາຍໄປສູ່ຄຸ້ມເຮືອນຢູ່."
ໃນສູນບັງຄັບໃຫ້ອອກຢາເສບຕິດຄຸນມິງ, ພວກເຮົາໄດ້ເຫັນນາງຫວາງ,ທີ່ໄດ້ອອກຢາເສບຕິດຢ່າງສຳເລັດຜົນແລະມາຢ້ຽມຢາມຄູເຝຶກ,ນາງບອກນັກຂ່າວວ່າ:
"ແຕ່ກ່ອນ,ຍ້ອນເສບຢາເສບຕິດ,ຄົນໃນຄອບຄົວແລະເພື່ອນບ້ານໃກ້ເຮືອນຄຽງລ້ວນແຕ່ບໍ່ມັກຂ້ອຍ,ແຕ່ພາຍຫຼັງອອກຈາກສູນອອກຢາເສບຕິດແລ້ວ,ຂ້ອຍມີຄວາມຮູ້ສຶກເບື້ອງຕົ້ນຄືມີຫຼາຍຄົນເອົາໃຈໃສ່ນຳຂ້ອຍແລະຮັບເອົາຂ້ອຍ.ໃນເວລາຢູ່ສູນອອກຢາເສບຕິດ,ມີຄູເຝິກເອົາໃຈໃສ່ນຳຂ້ອຍ,ອອກຈາກສູນອອກຢາເສບຕິດແລ້ວ,ມີພະນັກງານຄະນະກຳມະການໄທເມືອງແລະຕຳຫຼວດຊ່ອຍຂ້ອຍ,ພວກເພິ່ນບອກໃຫ້ຄົນໃນຄອບຄົວຂອງຂ້ອຍຢ່າປະຖິ້ມຂ້ອຍ.ແຕ່ກ່ອນ,ຂ້ອຍບໍ່ມີໝູ່ເພື່ອນ,ດຽວນີ້,ພະນັກງານໃນຄຸ້ມເຮືອນຢູ່ຖືຂ້ອຍເປັນນ້ອງສາວຄີງ,ຟັງຂ້ອຍລົມເລື່ອງໃນໃຈ,ຮ່ວມມ່ວນຊື່ນນຳຂ້ອຍ,ແລະແບ່ງປັນຄວາມອຸກອັ່ງຂອງຂ້ອຍ,ທັງໝົດເຫຼົ່ານີ້ເຮັດໃຫ້ຂ້ອຍກະຕຸ້ນໃຈທີ່ສຸດ.ມີຄົນຫຼາຍປານນີ້ເອົາໃຈໃສ່ນຳຂ້ອຍ,ໃຫ້ກຳລັງໃຈແກ່ຂ້ອຍ,ກໍເຮັດໃຫ້ຂ້ອຍມີຄວາມໝັ້ນໃຈຕໍ່ຊີວິດການເປັນຢູ່."
ແຕ່ປີ1989ມາຮອດຊູ່ມື້ນີ້,ສູນບັງຄັບໃຫ້ອອກຢາເສບຕິດຄຸນມີງໄດ້ຮັບປິ່ນປົວຜູ້ອອກຢາເສບຕິດ7ໝື່ນກວ່າເທື່ອຄົນ,ຜູ້ທີ່ແກ່ກວ່າໝູ່ມີອາຍຸ69ປີ,ຜູ້ທີ່ໜຸ່ມກວ່າໝູ່11ປີ,ມີຫຼາຍຄົນໄດ້ອອກຢາເສບຕິດຢ່າງສຳເລັດຜົນແລ້ວກັບຄືນສູ່ສັງຄົມ.ອັດຕາບໍ່ເສບຄືນຂອງຜູ້ອອກຢາເສບຕິດພາຍໃນ1ປີຂອງເບົ້າແບບອອກຢາເສບຕິດຄຸນມີງໄດ້ບັນລຸ15%,ທັງນີ້ແມ່ນສຳເລັດຜົນທີ່ສຸດໃນໂລກ.ທ່ານນິວຈັ້ນກ່ວງ ຮອງຫົວໜ້າສູນອອກຢາເສບຕິດຄຸນມີງກ່າວວ່າ,ຂະໜາດຂອງສູນອອກຢາເສບຕິດນັບມື້ນັບນ້ອຍ,ຜູ້ອອກຢາເສບຕິດນັບມື້ນັບໜ້ອຍ,ແມ່ນເປົ້າໝາຍສຸດທ້າຍຂອງພວກເຂົາເຈົ້າ.
ຢູ່ຄຸ້ມເຮືອນຢູ່ຈິ່ນປີ້ຂອງເມືອງຄຸນມີງ,ມີຮ້ານຕັດຜົມທີ່ຫາກໍເປີດບໍລິການຮ້ານໜຶ່ງ,ນາງຈ່າງ ເຈົ້າຂອງຮ້ານນີ້ເຄີຍໄປອອກຢາເສບຕິດຢູ່ສູນອອກຢາເສບຕີດຄຸນມີງ.ນາງບອກນັກຂ່າວວ່າ,ໂດຍມີພະນັກງານຄະນະກຳມະການໄທເມືອງຊ່ອຍເຫຼືອ,ແລະອາໄສສີໄມ້ລາຍມືທີ່ຮຽນຢູ່ໃນສູນອອກຢາເສບຕິດ,ນາງໄດ້ມີວຽກເຮັດທີ່ໝັ້ນຄົງ.ນາງບອກນັກຂ່າວດ້ວຍຄວາມຕື່ນເຕັ້ນວ່າ:
"ເສັ້ນທາງຂອງຕົນຕ້ອງຍ່າງໄປເອງ.ແຕ່ກ່ອນ,ຂ້ອຍບໍ່ເຄີຍດຳລົງຊີວິດປົກກະຕິປານນີ້,ດຽວນີ້,ຊີວິດການເປັນຢູ່ຂອງຂ້ອຍອຸດົມສົມບູນທີ່ສຸດ,ຈິດໃຈກໍມ່ວນຊື່ນ,ແລະມີຄວາມໝັ້ນໃຈຕໍ່ຕົນເອງຢ່າງແຂງແຮງທີ່ສຸດ."
|
|
|
