|
ທ່ານເຈຍຊິ້ງລິນຢືນຢັນວຽກງານຂອງທ່ານເຈິ່ງອິນຊວນແຕ່ທ່ານໄດ້ດຳລົງຕຳແໜ່ງເປັນຜູ້ວ່າການເຂດບໍລິຫານພິເສດເປັນຕົ້ນມາຢ່າງເຕັມສ່ວນ
cri
Author: min
ຕາມຂ່າວສານຊິນຮວາ: ວັນທີ 27 ມິຖຸນາ, ຢູ່ທີ່ຮົງກົງ, ທ່ານເຈຍຊິ້ງລິນ ປະທານສະພາເປິກສາການເມືອງປະຊາຊົນແຫ່ງຊາດຈີນໄດ້ພົບປະທ່ານເຈິ່ງອິນຊວນ ຜູ້ວ່າການເຂດບໍລິຫານພິເສດຮົງກົງ, ໄດ້ຢືນຢັນວຽກງານຂອງທ່ານຢ່າງເຕັມສ່ວນແຕ່ທ່ານດຳລົງຕຳແໜ່ງຜູ້ວ່າການເຂດບໍລິຫານພິເສດເປັນຕົ້ນມາ.
ເມື່ອໄດ້ຟັງທ່ານເຈິ່ງອິນຊວນລາຍງານສະພາບການຢູ່ຮົງກົງໃນໄລຍະມໍ່ໆມານີ້ແລ້ວ, ທ່ານເຈຍຊິ້ງລິນກ່າວລື້ມວ່າ, ລັດຖະບານກາງຈະສະໜັບສະໜູນທ່ານເຈິ່ງອິນຊວນແລະອົງການປົກຄອງເຂດບໍລິຫານພິເສດຮົງກົງບໍລິຫານປົກຄອງຕາມກົດໝາຍ. ທ່ານເວົ້າວ່າ, ລັດຖະບານກາງແລະປະຊາຊົນເຂດພາຍໃນຂອງແຜ່ນດິນໃຫຍ່ເອົາໃຈໃສ່ນຳການພັດທະນາຂອງຮົງກົງທີ່ສຸດ. ປະຈຸບັນ, ສະຖານະການທົ່ວໄປຂອງຮົງກົງດີສົມຄວນ, ເສດຖະກິດເຕີບໂຕຢ່າງຕໍ່ເນື່ອງ, ສັງຄົມມີສະຖຽນລະພາບ, ຊີວິດການເປັນຢູ່ຂອງປະຊາຊົນດີຂຶ້ນເປັນກ້າວໆ. ເມື່ອໄດ້ເຫັນສະພາບດັ່ງກ່າວແລ້ວ, ພວກຂ້າພະເຈົ້າຮູ້ສຶກປະເອີບໃຈຫຼາຍ.
ທ່ານເຈຍຊິ້ງລິນແມ່ນເດີນທາງໄປຮອດຮົງກົງໃນວັນທີ 27 ມິຖຸນາ, ເພື່ອເຂົ້າຮ່ວມການເຄື່ອນໄຫວລະລຶກວັນເຊັນ CEPA ຄົບຮອບ 3 ປີ. ໃນເວລາໃຫ້ສຳ ພາດຕໍ່ນັກຂ່າວ, ທ່ານເຈຍຊິ້ງລິນເວົ້າວ່າ, ຫວັງວ່າ, ການມາຢາມຮົງກົງເທື່ອນີ້ຄົງຈະສຳຜັດການພັດທະນາໃໝ່ແລະການປ່ຽນແປງໃໝ່ຂອງຮົງກົງໂດຍຕົນເອງ.
|
|
