|
ຝ່າຍຈີນກ່າວປະນາມຕໍ່ການກະທຳລັກພາຕົວແລະຂ້ານັກການທູດຂອງຣັດເຊຍທີ່ເກີດຂຶ້ນຢູ່ອີຣັກ
cri
Author: min
ຕາມຂ່າວ CRI: ວັນທີ 27 ມິຖຸນາ, ໃນງານຊຸມນຸມນັກຂ່າວທີ່ຈັດຂຶ້ນເປັນປະຈຳຢູ່ປັກກິ່ງ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນເວົ້າວ່າ, ຝ່າຍຈີນກ່າວປະນາມການກະທຳທີ່ລັກພາຕົວແລະຂ້ານັກການທູດຂອງຣັດເຊຍທີ່ເກີດຂຶ້ນຢູ່ອີຣັກ.
ຕາມຂ່າວແຈ້ງວ່າ, ຄະນະກຳມະການມູຢາຮີດິນຊູລາອີຣັກໄດ້ອອກຖະແຫຼງການທາງເວັບໄຊ, ປະກາດຮັບຜິດຊອບຕໍ່ເຫດການລັກພາຕົວ. ວັນທີ 26 ມິຖຸນາ, ກະຊວງການຕ່າງປະເທດຣັດເຊຍໄດ້ຢືນຢັນວ່າ, ເຈົ້າໜ້າທີ່ການທູດຂອງຣັດເຊຍທີ່ຖືກຈັບເປັນຕົວປະກັນຢູ່ອີຣັກນັ້ນໄດ້ປະສົບເຄາະຮ້າຍຖືກຂ້າຕາຍແລ້ວ.
|
|
