|
|
 |
| (GMT+08:00)
2006-06-28 20:48:52
|
 |
|
ແຜ່ນCDໃໝ່ຂອງທ່ານຢິວຫົງມິງ"ນ້ຳຕາຂອງນັກກະວີ"
cri
Author: MO
|
ສະບາຍດີທ່ານຜູ້ຟັງທີ່ເຄົາລົບ, ຊົມເຊີຍທ່ານຮັບຟັງລາຍການຢ່ອນອາລົມໃນວັນເສົາຂອງວິທະຍຸCRI, ຂ້າພະເຈົ້າແມ່ນແສງແກ້ວ. ທ່ານຜູ້ຟັງ, ທ່ານຢິວຫົງມິງ ແມ່ນນັກຮ້ອງໄຕ້ຫວັນຈີນທີ່ໄດ້ອຳລາຈາກເວທີເພງໄປດົນແລ້ວ, ແຕ່ເດືອນເມສາປີນີ້, ທ່ານໄດ້ອັດCDແຜ່ນໃໝ່ອີກແຜ່ນໜຶ່ງທີ່ໃຫ້ຊື່ວ່າ"shi ren de yan lei" ນ້ຳຕາຂອງນັກກະວີ, ໄດ້ຮັບຄວາມນິຍົມຊົມຊອບຈາກແຟນເພງທັງຫຼາຍ. ໃນລາຍການມື້ນີ້, ແສງແກ້ວຂໍແນະນຳCDແຜ່ນນີ້ສູ່ທ່ານຟັງ.
ທີ່ທ່ານພວມຟັງຢູ່ນີ້ແມ່ນເພງ"wo xi wang ni hao hao de" ເພງໃນCDແຜ່ນໃໝ່ຂອງທ່ານຢິວຫົງມິງ. ເພງນີ້ໄດ້ວາດພາບຄວາມຮູ້ສຶກຂອງຄູ່ຮັກຄູ່ໜຶ່ງຫຼັງຈາກແຍກກັນໄປແລ້ວ, ເນື້ອເພງມີຢູ່ວ່າ: ເດິກແລ້ວ, ຄົນໃນໂລກຄວນນອນຫຼັບໝົດແລ້ວ, ແຕ່ເປັນຫຍັງຂ້ອຍຍັງບໍ່ຢາກນອນ? ເພາະຄວາມຫຼັງໄດ້ຕ່າວຄືນມາ, ພາໃຫ້ຄຶດເຫັນບາດແຜຄາວກ່ອນ, ຂໍໃຫ້ເຈົ້າຈົ່ງມີຮັກໃໝ່, ຮັກກັນດີໆ, ຮັກໃຫ້ສົມບູນ, ຂ້ອຍຈິ່ງວາງໃຈ, ຢືນຍິ້ມຢູ່ໄກໆ. ຄວາມຜິດທີ່ອະໄພໃຫ້ບໍ່ໄດ້ນັ້ນ, ຜ່ານກາຍໄປແລ້ວບໍ່?
ແຕ່ໃດມາ, ຄວາມຮັກກໍແມ່ນຫົວຂໍ້ໜຶ່ງທີ່ນັກດົນຕີເອົາໃຈໃສ່ທີ່ສຸດ, ເວົ້າສຳລັບທ່ານຢິວຫົງມິງ ນັກຮ້ອງທີ່ມັກແຕ່ງເພງນັ້ນແລ້ວກໍບໍ່ຕ່າງຫຍັງ. ໃນCDແຜ່ນນີ້, ທ່ານຢິວຫົງມິງຍິ່ງໄດ້ເອົາຄວາມຮັກເປັນຫົວຂໍ້ຫຼັກ, ບັນທຶກຄວາມຮັກທີ່ກະຕຸ້ນໃຈຄົນຕ່າງໆໃນໂລກຢ່າງກວ້າງຂວາງແລະເລິກເຊິ່ງ. ສະນັ້ນ, ບໍລິສັດແຜ່ນສຽງໄດ້ໃຫ້ນາມມະຍົດແກ່ທ່ານເປັນ"ນັກກະວິເພງຮັກ", ແລະໄດ້ຕັ້ງຊື່ໃຫ້CDແຜ່ນໃໝ່ຂອງທ່ານນີ້ວ່າ"ນ້ຳຕາຂອງນັກກະວິ".
ທີ່ທ່ານພວມຟັງຢູ່ນີ້ແມ່ນເພງ"shi ren de yan lei" ນ້ຳຕາຂອງນັກກະວີ, ທ່ານຢິວຫົງມິງເວົ້າວ່າ, ເພງນີ້ແມ່ນແຕ່ງສຳລັບຄູ່ຮັກທັງຫຼາຍທີ່ບໍ່ໄດ້ຮັບຄຳອວຍພອນຈາກຜູ້ອື່ນແຕ່ກໍຍັງຮັກກັນຢ່າງກ້າຫານ. ເນື້ອເພງມີຢູ່ວ່າ: "ຫິມະປິວຢູ່ເທິງຟ້າ ແລະນ້ຳຕາຂອງນັກກະວີ, ສອງຢ່າງນີ້ລ້ວນແຕ່ໂສກເສົ້າແລະສວຍງາມໂພດ. ຄວາມຮັກເຖິງຈະບໍ່ໄດ້ຮັບຄວາມອວຍພອນ, ແຕ່ກໍຍິນຍອມໝົ່ນໝອງເພື່ອຄວາມຮັກ".
ທ່ານຢິວຫົງມິງເລີ່ມແຕ່ງເພງມາແຕ່ສະໄໝຍັງເປັນນັກຮຽນ, ຈຶ່ງໄດ້ມີເປັນເອກະລັກເພງຮັກຂອງຕົນເອງ. CDແຜ່ນໃດຂອງທ່ານກໍຕ້ອງມີສອງສາມເພງໄດ້ຮັບຄວາມນິຍົມໃນຫ້ອງKTV(ຄາຣາໂອເກະ). ເທື່ອນີ້, ບໍລິສັດແຜ່ນສຽງໄດ້ລວມເອົາ 10ເພງໃນCDແຜ່ນໃໝ່ຂອງທ່ານຢິວຫົງມິງຖ່າຍເປັນMV(ມີວຊິກ ວິດີໂອ).
ເພງທີ່ທ່ານຈະໄດ້ຟັງຕໍ່ໄປແມ່ນເພງ"bai se lian ren"ຄູ່ຮັກສີຂາວ. ເພື່ອຖ່າຍທຳMVຂອງເພງນີ້, ບໍລິສັດໄດ້ເຊີນຜູ້ກຳກັບການສະແດງທີ່ມີຊື່ສຽງຂອງເຂດໃນຈີນພາທ່ານຢິວຫົງມິງໄປທ່ຽວພູທ່ຽນຊ່ານເຂດຊິນຈ່ຽງ ພາກຕາເວັນຕົກຂອງຈີນ, ຖ່າຍMVໃນທິວທັດຫິມະທີ່ຂາວກະຈະ. ພູຜາແລະແມ່ນ້ຳທີ່ສວຍງາມຂອງພູທ່ຽນຊ່ານກໍໄດ້ສ່ອງແສງຄວາມສະຫງ່າຂອງເພງນີ້ແລະຄວາມຮັກແທ້ຈິງທີ່ບໍ່ປ່ຽນແປງ.
ທີ່ທ່ານພວມຟັງຢູ່ນີ້ແມ່ນເພງ"you shi qing ge" ຍັງແມ່ນຄວາມຮັກ ຂັບຮ້ອງໂດຍທ່ານຢິວຫົງມິງ. ເນື້ອເພງມີຄວາມໝາຍວ່າ: "ເມື່ອຄຶດເຫັນຄວາມຮັກທີ່ຜ່ານໄປ, ຮູ້ສຶກວ່າ, ຄວາມຮັກບໍ່ໄດ້ຜ່ານໄປ ແລະກໍບໍ່ເຄີຍດັບມອດຈັກເທື່ອ, ມີແຕ່ປ່ວງບ້າກວ່າເກົ່າ. ໃນຍາມເດິກທ່ຽງຄືນທີ່ງຽບສະຫງັດ, ຈິດໃຈພັດຟົດຟື້ນ, ຄຶດເຫັນຫຼາຍສິ່ງຫຼາຍຢ່າງ, ຢາກປົວບາດແຜນເຈົ້າໃຫ້ຫາຍ, ແຕ່ພັດຮູ້ສຶກຍິ່ງເຈັບແສບ. ຈົ່ງຢ່າຈາກຂ້ອຍໄປ, ຖ້າບໍ່ມີເຈົ້າ, ກໍບໍ່ມີຂ້ອຍເອງ. ຍ້ອນມີເຈົ້າ, ຊີວິດຂ້ອຍຈຶ່ງມີຄວາມໝາຍ. ຖ້າເມື່ອຍແລ້ວ, ຂໍໃຫ້ກັບມາຫາຂ້ອຍເດີ, ຂ້ອຍຈະເວົ້າກັບເຈົ້າວ່າ, ຂ້ອຍຄິດຮອດເຈົ້າ."
ຈາກເນື້ອເພງ, ພວກເຮົາກໍເຫັນໄດ້ວ່າ, ເພງ"you shi qing ge"ຍັງແມ່ນຄວາມຮັກ ແມ່ນເພງທີ່ວາດພາບຄວາມໝັ້ນໜຽວຕໍ່ຄວາມຮັກ, ເຖິງວ່າຄົນຮັກໄດ້ຈາກໄປແລ້ວ, ກໍຍັງຄອຍຖ້າຢ່າງບໍ່ກິນແໜງແຄງໃຈ.
ເພງຮັກໃນອະດີດ, ສ່ວນຫຼາຍກະຕຸ້ນໃຈຄົນແລະສະເທືອນຟ້າສະເທືອນດິນ, ແຕ່ດຽວນີ້, ທ່ານຢິວຫົງມິງພັດບອກຜູ້ຟັງວ່າ, ຕໍ່ຄວາມຮັກ, ຍັງມີທ່າທີອີກຢ່າງໜຶ່ງກໍຄືສະຫງ່າຜ່າເຜີຍ. ມ້ວນທ້າຍລາຍການມື້ນີ້, ເຊີນຟັງເພງ"zi you" ເສລີ. ເພງນີ້ໄດ້ບັນລະຍາຍຈິດໃຈອັນທຸ່ນທຽງສະຫງ່າໃນຍາມຄູ່ຮັກແຍກກັນໄປດ້ວຍຄວາມສະຫງົບສະຫງ່ຽມ.
ເນື້ອເພງມີຢູ່ວ່າ: "ໃນເວລາເຈົ້າວ່າເຈົ້າຮັກຂ້ອຍນັ້ນ, ໃບໜ້າຮອດບໍມີຮອຍຍິ້ມຈັກເມັດ, ຫຍັບໃກ້ເຂົ້າກັນ, ກໍບໍ່ຄິດເຖິງຄຳໝັ້ນສັນຍາໃນເມື່ອກ່ອນ. ຄວນສະຫງ່າແດ່, ປ່ອຍໃຫ້ເຈົ້າແລະຂ້ອຍກັບຄືນສູ່ຄວາມເສລີ. ໃນເມື່ອຄວາມຮັກໄປຮອດບ່ອນສຸດສ້ວຍແລ້ວ, ກໍຢ່າຫາຂໍ້ອ້າງອີກ. ຈາກຄວາມຜິດຫວັງເສຍໃຈ, ເບິ່ງບໍ່ເຫັນ, ຟັງບໍ່ຄັກ, ຮອດເຫັນແຈ້ງ, ຄຶດຕົກ, ຍິ້ມຮັບເອົາ, ຂ້ອຍກະຕຸ້ນໃຈທີ່ເຄີຍມີຮອຍຍິ້ມຂອງເຈົ້າ."
(ຈົບ)
|
|
|
