ຫວ່າງ​ມໍ່ໆ​ນີ້,ພວກ​ເຮົາ​ໄດ້​ຮັບ​ຈົດໝາຍ​ຂອງ​ນ້ອງ​ກິ​ສຸ​ກະ ທີ່​ມະຫາວິທະຍາ​ໄລ​ສຸພາ​ນຸວົງ​ແຂວງ​ຫຼວງ​ພະ​ບາງ.​ໃນ​ຈົດໝາຍ,ນ້ອງ​ກິ​ສຸ​ກະຂ​ຽນວ່າ,ນ້ອງ​​ເປັນ​ຜູ້​ໜຶ່ງທີ່​ຕິດຕາມ​ຮັບ​ຟັງ​ລາຍການ​ຂອງ​ວິທະຍຸCRIມາ​ໂດຍ​ຕະຫຼອດ​​ແຕ່​ບໍ່​ເຄີຍ​ຂຽນ​ຈົດໝາຍ​​ຈັກ​ເທື່ອ.ນີ້​ແມ່ນ​ສະບັບ​ແລກ.​​ເມື່ອໄດ້​ຟັງ​ວິທະ​ຍຸCRI​ແລ້ວ​ຮູ້ສຶກ​ວ່າ​ມີ​ຄວາມ​ຮູ້​ມາ​ສູ່​ຕົວ​ເອງ​ຫຼາຍ.ນ້ອງ​ມັກCRI​ທີ່​ສຸດ.ກ່ຽວ​ກັບ​​ໃບ​ສອບ​ຖາມການ​ເສັງ​ຄວາມ​ຮູ້"ຂ້ອຍ​ກັບ​CRI",ນ້ອງ​ໄດ້copy​ເອົາ​ນຳ​ເພື່ອນ​ທີ່​ພວກ​ທ່ານ​ສົ່ງ​ມາ​ໃຫ້,ນ້ອງ​ຮູ້ສຶກ​ດີ​ໃຈ​ຫຼາຍທີ່​ໄດ້​ເຂົ້າ​ຮ່ວມ​ການ​ເສັງ​ຄວາມ​ຮູ້​​ເທື່ອ​ນີ້.    

ພ້ອມກັນ​ນີ້,ນ້ອງ​ກິ​ສຸ​ກະ​ຍັງ​ຝາກ​ໃບ​ຕອບ​ຄຳ​ຖາມ​ການ​ເສັງ​ຄວາມ​ຮູ້"​ເຮົາ​ກັບCRI​ແລະ​ໃບສຳ​ຫຼວດລາຍ​ການຂອງ​ວິທະຍຸCRI​ໃຫ້​ພວກ​ເຮົາ.ຂອບ​ໃຈ​ນ້ອງ​ກິ​ສຸ​ກະ​ຫຼາຍໆ​ທີ່​ສະໜັບ​ສະ​ໜູນ​ລາຍການ​ຂອງ​ພວກ​ເຮົາ,​ແລະ​ອວຍພອນ​ໃຫ້​ນ້ອງ​ຈຶ່ງ​ໄດ້​ຮັບ​ຜົນສຳ​ເລັດ​ໃນ​ການ​ເສັງ​ຄວາມ​ຮູ້​ເທື່ອ​ນີ້.     ນ້ອງ​ກິ​ສຸ​ກະ​ຍັງ​ໂທ​ລະ​ສັບ​ມາ​ຫາ​ພວກ​ເຮົາ,ຂໍ​ຈັດ​ເພງ​ລາວ​ເພງ​ໜຶ່ງ​ຝາກ​ໃຫ້​ເພື່ອນ​ທຸກ​ຄົນ​ພ້ອມ​ຄອບຄົວ,ພິ​ເສດ​ຄື​ແມ່.​ໃນ​ລາຍການ​ມື້​ນີ້,ພວກ​ເຮົາ​ຈະຈັດ​​ເພງຕາມ​ຄວາມ​ປະສົງ​ຂອງ​ນ້ອງ,​ເພງ​ນີ້​ຊື່ວ່າ"ຈົດໝາຍ​ເຖິງ​ແມ່".