|
ທ່ານຜູ້ຟັງທີ່ໂຄລົບ,ວັນທີ26 ມິຖຸນາແມ່ນວັນເກືອດຫ້າມຢາເສບຕິດສາກົນ.ແຂວງຢຸນນານຂອງຈີນໃກ້ກັບເຂດ"ສາມຫຼ່ຽມຄຳ"ເຊິ່ງເປັນແຫຼ່ງຜະລິດຢາເສບຕິດສຳຄັນແຫ່ງໜຶ່ງໃນໂລກ.ແຕ່ຊຸມປີ90 ສະຕະວັດແລ້ວນີ້ເປັນຕົ້ນມາ,ແຂວງຢຸນນານໄດ້ຮັບຜົນຮ້າຍຢ່າງໜັກໜ່ວງຈາກຢາເສບຕິດແຜ່ລາມອອກ.ໃນຫຼາຍປີມານີ້,ອົງການປົກຄອງທ້ອງຖິ່ນໄດ້ໃຊ້ມາດຕະການຢ່າງແຂງແຮງ,ໂຈມຕີການຕ້ອງໂທດຢາເສບຕິດຢ່າງເຂັ້ມງວດ,ພ້ອມກັນນັ້ນຍັງຜ່ານຈາກການສ້າງຕັ້ງສູນບັງຄັບໃຫ້ອອກຢາແລະສ້າງເຂດຄຸ້ມປອດຢາເສບຕິດຊ່ອຍຜູ້ເສບຢາເສບຕິດອອກຢາ,ສ້າງຄວາມໝັ້ນໃຈ,ກັບຄືນສູ່ສັງຄົມຄືນໃໝ່.ໃນລາຍການຈີນປັດຈຸບັນພາກນີ້,ເຊີນຟັງບົດແຈ້ງຂ່າວພິເສດຂອງນັກຂ່າວcriພວກເຮົາທີ່ພາດຫົວເລື່ອງວ່າ:ເຂົ້າສູ່ເຂດຄຸ້ມຈີ່ນປີ້ທີ່ປອດຢາເສບຕິດຂອງເມືອງຄຸນມິງ.
ຢູ່ເຂດໃຈກາງເມືອງຄຸນມິງ ເທສະບານຂອງແຂວງຢຸນນານມີເຂດຄຸ້ມທີ່ປອດຢາເສບຕິດແຫ່ງໜຶ່ງຊື່ວ່າຈີ່ນປີ້,ມີເນື້ອທີ່4,58ກິໂລແມັດມົນທົນ,ມີປະຊາກອນ2ແສນ1ໝື່ນ5ພັນຄົນ.ແຫ່ງນີ້ແມ່ນຈຸດກຳນົດສຳລັບເຈົ້າໜ້າທີ່ຕຳຫຼວດປາບຢາເສບຕິດຂອງອາຊຽນທີ່ໄປເຂົ້າຮ່ວມການອົບຮົມຢູ່ເມືອງຄຸນມິງນັ້ນເຂົ້າຊົມ.
ເລີ່ມແຕ່ປີ1996ເປັນຕົ້ນມາ,ເຂດຄຸ້ມແຫ່ງນີ້ໄດ້ໃຊ້ເວລາ18ເດືອນ,ໄດ້ສຳເລັດໂຄງການຮ່ວມມືສາກົນລະຫວ່າງຄະນະກຳມະການເກືອດຫ້າມຢາເສບຕິດແຫ່ງຊາດຈີນແລະສະພາເອັສກັບຂອງສະຫະປະຊາຊາດເຊິ່ງເປັນວຽກງານທົດລອງ"ຫຼຸດຄວາມຕ້ອງການຢາເສບຕິດໃຫ້ໜ້ອຍລົງແລະປ້ອງກັນໂລກເອດສ໌ທີ່ຖືເຂດຄຸ້ມເປັນພື້ນຖານ."ສະຖານີບໍລິການໃຫ້ຄຳເປິກສາດ້ານການຟື້ນຟູສຸຂະພາບຂອງເຂດຄຸ້ມຈີ່ນປີ້"ທີ່ມີພະນັກງານພຽງ3ຄົນໃນຊູ່ມື້ນີ້ກໍ່ແມ່ນຫົວໜ່ວຍສືບທອດການປະຕິບັດງານຂອງໂຄງການທົດລອງນີ້.
ໃນ10ປີມານີ້,ເຂດຄຸ້ມຈີນປີ້ທີ່ປອດຢາເສບຕິດໄດ້ຄົ້ນພົບວິທີເຮັດວຽກທີ່ເປັນແບບສະບັບແລະບັງເກີດຜົນຊຸດໜຶ່ງ.ຢູ່ຕຶກໂຮງການທີ່ຄັບແຄບໜ້ອຍໜຶ່ງຂອງເຂດຄຸ້ມຈີ່ນປີ້,ທ່ານຈຶ່ງຈ້ຽນມິງ ຜູ້ຮັບຜິດຊອບແລະຜູ້ອາສາສະໝັກຂອງ"ສະຖານີບໍລິການໃຫ້ຄຳເປິກສາດ້ານການຟື້ນຟູສຸຂະພາບຂອງເຂດຄຸ້ມຈີ່ນປີ້"ບອກນັກຂ່າວວ່າ:
"ຜູ້ເສບຢາເສບຕິດທັງແມ່ນຜູ້ຖືກທຳຮ້າຍ,ພາຍຫຼັງພວກເຂົາເຈົ້າເລີ່ມເສບຢາເສບຕິດແລ້ວ,ເສດຖະກິດຂອງບາງຄອບຄົວກໍແຕກສະຫຼາຍ,ຄອບຄົວພັດພາກຈາກກັນ,ຜ່ານຈາກການຊ່ອຍເຫຼືອເປັນເວລາຍຍາວນານກໍບໍ່ມີຜົນສັກສິດ,ບາງຄອບຄົນກໍ່ເລີຍປະຖິ້ມ.ສະນັ້ນ,ເມື່ອພວກເຂົາເຈົ້າມາຮອດເຂດຄຸ້ມຂອງພວກເຮົາ,ພວກເຮົາກໍຈັດຕັ້ງການເຄື່ອນໄຫວຈຳນວນໜຶ່ງ,ສຳຄັນທີ່ສຸດແມ່ນຕ້ອງປະຕິບັດຕໍ່ພວກເຂົາເຈົ້າຢ່າງສະເໝີພາບກັນ,ບໍ່ຈາກແນກພວກເຂົາເຈົ້າ."
ແຕ່ລະອາທິດ,ສະຖານີບໍລິການແຫ່ງນີ້ລ້ວນແຕ່ຈະເຊີນຜູ້ຮຽນອອກຢາຂອງເຂດຄຸ້ມຕົນໄປເຂົ້າຮ່ວມການເຄື່ອນໄຫວຊ່ອຍສຶກສາຫຼາຍເທື່ອຢູ່ສະຖານີບໍລິການໃຫ້ຄຳເປິກສາດ້ານການຟື້ນຟູສຸຂະພາບ.ການເຄື່ອນໄຫວມີເນື້ອໃນລາຍໜຶ່ງແມ່ນສົ່ງເສີມໃຫ້ຜູ້ຮຽນອອກຢາລາຍງານພະຍາກອນອາກາດໃນມື້ນັ້ນ,ເລົ່ານິທານຄຳພັງເພີຍທີ່ກ່ຽວພັນກັບຊີວິດຕົວຈິງ,ລົມຂ່າວອ້ອມຂ້າງຕົນ.ຜ່ານຈາກການເຄື່ອນໄຫວເຫຼົ່ານີ້,ເຮັດໃຫ້ພະນັກງານເຂດຄຸ້ມໄດ້ຫຍັບມໍ່ກັບຜູ້ຮຽນອອກຢາ,ພ້ອມກັນນັ້ນ,ຜູ້ຮຽນກໍ່ຍິນດີເວົ້າຄວາມໃນໃຈນຳພວກເຂົາເຈົ້າ.
ທ່ານຈຶ່ງຈ້ຽນມິງເວົ້າວ່າ:
"ພວກເຮົາບໍ່ແມ່ນໃຫ້ພວກເຂົາເຈົ້າມາຂຶ້ນຫ້ອງ,ທີ່ຈິງແລ້ວ,ພວກເຮົາແມ່ນດຳເນີນການດັດແປງດ້ານການກະທຳແລະຈິດໃຈຊະນິດໜຶ່ງ,ມີຜູ້ຮຽນຜູ້ໜຶ່ງເມື່ອມາແລ້ວເວົ້ານຳຂ້າພະເຈົ້າວ່າ:"ອາຈານຈຶ່ງ,ຕອນຈະມານີ້,ຂ້ອຍອົດທົນບໍ່ໄດ້ແທ້ໆ,ເລີຍສັກຢາຫຼອດໜຶ່ງ."ຜູ້ຮຽນໝົດທຸກຄົນລ້ວນແຕ່ຕົບມື.ການຕົບມືບໍ່ແມ່ນສົ່ງເສີມໃຫ້ເຂົາເສບຢາເສບຕິດ,ຫາກແມ່ນຍ້ອນວ່າເຂົາເວົ້າຄວາມຈິງ.ມີແຕ່ເຮັດແນວນີ້,ຈຶ່ງສາມາດຊ່ອຍພວກເຂົາເຈົ້າແກ້ໄຂບັນຫາໃນຂະບວນການອອກຢາ,ຊ່ອຍພວກເຂົາເຈົ້າຄ່ອຍໆຟື້ນຟູການກະທຳແລະຈິດໃຈທີ່ເປັນປົກກະຕິຂອງຄົນ,ຄ່ອຍໆຫັນຈາກການເອົາໃຈໃສ່ນຳຢາເສບຕິດຮອດການເອົາໃຈໃສ່ນຳສັງຄົມ,ເອົາໃຈໃສ່ນຳຄອບຄົວ."
ນອກນີ້,ສະຖານີບໍລິການຍັງອີງຕາມຮອບໝູນຮອບການເສບຄືນຂອງຜູ້ເສບຢາເສບຕິດ,ໄດ້ສະຫຼຸບກົດເກນຊຸດໜຶ່ງ,ຊີ້ນຳເຂດຄຸ້ມ,ຫົວໜ່ວຍແລະຄອບຄົວຮ່ວມກັນຊ່ອຍພວກເຂົາເຈົ້າອອກຢາເສບຕິດ.
ການຊ່ອຍເຫຼືອຂອງເຂດຄຸ້ມໄດ້ສ້າງໂອກາດໃຫ້ແກ່ຜູ້ຮຽນອອກຢາແລ້ວກັບຄືນສູ່ສັງຄົມຄືນໃໝ່.ໃນບໍ່ເທົ່າໃດປີມານີ້,ຜູ້ຮຽນອອກຢາທັງໝົດ47ຄົນໄດ້ຮັບການດັດແປງທີ່ບັງເກີດຜົນ,ໄດ້ອອກຢາຢ່າງສຳເລັດຜົນ,ມີ16ຄົນໄດ້ເຮັດວຽກຄືນໃໝ່,28ຄົນເລີ່ມຫາວຽກໂດຍຕົນເອງ,ຍັງມີ3ຄົນຖືກຮັບສະໝັກເປັນພະນັກງານເຂດຄຸ້ມ.
ທ່ານກົວອີ້ທີ່ດຽວນີ້ເຮັດວຽກຢູ່ສະຖານີບໍລິການໃຫ້ຄຳເປິກສາດ້ານການຟື້ນຟູສຸຂະພາບຂອງເຂດຄຸ້ມຈີນປີ້ກໍແມ່ນຜູ້ໜຶ່ງໃນໝູ່ພວກເຂົາເຈົ້າ.ທ່ານກົວອີ້ປີນີ້ມີອາຍຸ44ປີ,ເລີ່ມເສບຢາເສບຕິດເມື່ອປີ1989,ຍ້ອນເພິ່ນເສບຢາເສບຕິດ,ໃນເວລາທີ່ລູກຊາຍມີອາຍຸ3ຂວບ,ເມຍກໍຢ່າຮ່າງກັບເພິ່ນ.ປີ1993,ເພິ່ນຖືກສົ່ງໄປບັງຄັບໃຫ້ອອກຢາຢູ່ສູນອອກຢາ,ປີ1994ຖືກສົ່ງໄປດັດສ້າງດ້ວຍການອອກແຮງງານຍ້ອນເພິ່ນເສບຢາເສບຕິດຄືນໃໝ່,ພາຍຫຼັງສິ້ນສຸດການດັດສ້າງດ້ວຍການອອກແຮງແລ້ວ,ທ່ານກົວອີ້ຕັດສິນໃຈຫ່າງໄກຈາກຢາເສບຕິດຢ່າງເຖິງຖອງ.ໃນເວລານັ້ນ,ເຂດຄຸ້ມຈີ່ນປີ້ທີ່ຫາກໍສ້າງຕັ້ງຂຶ້ນໃໝ່ໄດ້ຮັບເພິ່ນເປັນຜູ້ຮຽນອອກຢາ.ແຕ່ການສົງໄສໃນເບື້ອງຕົ້ນ,ຮອດພາຍຫຼັງມາເຂົ້າຮ່ວມຢ່າງຕັ້ງໜ້າ,ສຸດທ້າຍໄດ້ອອກຢາຢ່າງສຳເລັດຜົນ,ກາຍເປັນຜູ້ອາສາສະໝັກຂອງເຂດຄຸ້ມ,ຊີວິດຂອງທ່ານກົວອີ້ໄດ້ເກີດມີການປ່ຽນແປງຢ່າງຫຼວງຫຼາຍ.
ປັດຈຸບັນ,ຕອນເຊົ້າໂມງແຕ່ລະມື້ເພິ່ນກໍຂີ່ລົດອອກຈາກເຮືອນ,ໃຊ້ເວລາໜຶ່ງຊົ່ວໂມງປາຍໄປຮອດສະຖານີບໍລິການຂອງເຂດຄຸ້ມ,ລໍຖ້າຜູ້ຮຽນອອກຢາ.ວຽກງານຂອງເພິ່ນແມ່ນຈັດຕັ້ງການເຄື່ອນໄຫວຂອງສະຖານີ,ແລກປ່ຽນກັບພວກຜູ້ຮຽນ,ຊອກຮູ້ສະພາບຈິດໃຈຂອງພວກເຂົາເຈົ້າ,ຊ່ອຍພວກເຂົາເຈົ້າແກ້ໄຂບັນຫາດ້ານຈິດໃຈໃນຂະບວນການອອກຢາ.
ທ່ານກົວອີ້ບອກນັກຂ່າວ,ການຊ່ອຍເຫຼືອຂອງເຂດຄຸ້ມໄດ້ເຮັດໃຫ້ເພິ່ນຊອກຫາ ຕົວເອງກັບມາຄືນໃໝ່ໄດ້.ເພິ່ນຫວັງຢາກຜ່ານແບບວິທີທີ່ເປັນຜູ້ອາສາສະໝັກຂອງເຂດຄຸ້ມມາຕອບແທນສັງຄົມ,ຊ່ອຍເຫຼືອຜູ້ຮຽນຫຼາຍກວ່າເກົ່າກັບຄືນສູ່ສັງຄົມ:
"ຂ້າພະເຈົ້າມັກຝູງຄົນນີ້,ຂ້າພະເຈົ້າຢາກໃຫ້ພວກເຂົາເຈົ້າປ່ຽນແປງ.ຍ້ອນວ່າຂ້າພະເຈົ້າສາມາດປ່ຽນແປງ,ຂ້າພະເຈົ້າເຊື່ອວ່າພວກເຂົາເຈົ້າກໍ່ສາມາດປ່ຽນແປງໄດ້.ຂ້າພະເຈົ້າຮັກແພງພະນັກງານໝົດທຸກຄົນຂອງເຂດຄຸ້ມ,ຄວາມຮັກຂອງພວກເຂົາເຈົ້າໄດ້ຊາບເຊິ່ງຂ້າພະເຈົ້າ,ດຽວນີ້,ຂ້າພະເຈົ້າຈິ່ງໄດ້ດຳລົງຊີວິດຂອງຄົນປົກກະຕິ,ຂ້າພະເຈົ້າກໍ່ຫວັງໃຫ້ອ້າຍເອື້ອຍນ້ອງທັງຫຼາຍທີ່ມີປະສົບການຄືກັບຂ້າພະເຈົ້ານັ້ນສາມາດອອກຢາ,ກັບຄືນສູ່ສັງຄົມກະແສຫຼັກ.ນີ້ແມ່ນການຕອບແທນທີ່ດີທີ່ສຸດຕໍ່ພະນັກງານເຂດຄຸ້ມ,ຈົນກະທັ້ງຕໍ່ວຽກງານຜູ້ອາສາສະໝັກທີ່ຂ້າພະເຈົ້າເຮັດໃນປະຈຸບັນ."
ຕາມໄດ້ຊາບ,ແຕ່ປີ1996ມາຮອດປະຈຸບັນ,ເຂດຄຸ້ມດັ່ງກ່າວບໍ່ໄດ້ປະກົດມີຜູ້ເສບຢາເສບຕິດອີກ.ຜູ້ເສບຢາເສບຕິດທີ່ອອກຢາ3ປີຂຶ້ນໄປນັ້ນກວມ100%,ມວນຊົນຂອງເຂດຄຸ້ມ100%ຮູ້ຢາເສບຕິດ.ໃນໄລຍະນີ້,ຄະດີກໍ່ຄວາມສະຫງົບພາຍໃນເຂດຄຸ້ມໄດ້ຫຼຸດໜ້ອຍລົງຢ່າງເດັ່ນຊັດ,ເຂດຄຸ້ມບໍ່ໄດ້ເກີດມີຄະດີໃຫຍ່.ຜູ້ເສບຢາເສບຕິດຫຼາຍໆຄົນນອກເຂດຄຸ້ມນີ້ກໍມາຂໍຄວາມຊ່ອຍເຫຼືອຢູ່ສະຖານີບໍລິການຂອງເຂດຄຸ້ມຈີ່ນປີ້.
ຕົວແບບທີ່ສຳເລັດຜົນຂອງເຂດຄຸ້ມຈີ່ນປີ້ກໍ່ໄດ້ຮັບການສັນລະເສີນຂອງປະຊາຄົມໂລກໂດຍທົ່ວໄປ,ມີຜູ້ນຳ,ນັກຂ່າວແລະຜູ້ຊ່ຽວຊານຂອງ34ປະເທດເຄີຍມາຢ້ຽມຢາມຢູ່ແຫ່ງນີ້,ເຂດຄຸ້ມຈີ່ນປີ້ໃນຖານເປັນເຂດຄຸ້ມປອດຢາເສບຕິດກໍໄດ້ກາຍເປັນຈຸດກຳນົດສຳລັບເຈົ້າໜ້າທີ່ຕຳຫຼວດປາບຢາເສບຕິດອາຊຽນທີ່ເຂົ້າຮ່ວມການອົບຮົມຢູ່ຄຸນມິງນັ້ນມາເຂົ້າຊົມ.ພາຍຫຼັງທ່ຽວຊົມເຂດຄຸ້ມຈີ່ນປີ້ແລ້ວ,ເຈົ້າໜ້າທີ່ຂອງສຳນັກງານເກືອດຫ້າມຢາເສບຕິດຂອງສະຫະປະຊາຊາດເຫັນວ່າ,ບົດຮຽນທີ່ສຳເລັດຜົນ່ຂອງເຂດຄຸ້ມຈີ່ນປີຄວນເຜີຍແຜ່ຢ່າງຮອບດ້ານ.
|
