|
ແຕ່ວັນທີ 9 ຫາວັນທີ 19 ມິຖຸນາ, ອົງການປົກຄອງເຂດກວາງຊີເຜົ່າຈວ້າງປົກຄອງຕົນເອງໄດ້ຈັດ ການເຄື່ອນໄຫວເຮືອວັດທະນະທຳກວາງຊີປັກກິ່ງປີ 2006 ຢູ່ປັກກິ່ງ,ໄດ້ແນະນຳກວາງຊີຢ່າງຮອບດ້ານແລະງານເອັກສໂປຈີນອາຊຽນຄັ້ງທີສາມທີ່ຈະຈັດຂຶ້ນຢູ່ກວາງຊີໃນທ້າຍປີນີ້ດ້ວຍຮູບການຕ່າງໆຄື ການສະແດງຟ້ອນແລະຮ້ອງເພງ, ງານວາງສະແດງຫມາກຜົນຂອງງານເອັກສໂປແລະກ່າວປາຖະກະຖາໃນໂຮງຮຽນຊັ້ນສູງເປັນຕົ້ນ.ໃນໄລຍະຈັດ ການເຄື່ອນໄຫວເທື່ອນີ້, ນັກຂ່າວວິທະຍຸ CRI ໄດ້ສຳພາດທ່ານເຈິ້ງຈູນ ຈ້ຽນ ຮອງເລຂາທິການໃຫຍ່ຄະນະເລຂາທິການງານເອັກສໂປຈີນອາຊຽນ ຮອງຫົວຫນ້າກົມວຽກງານວາງສະແດງສາກົນເຂດກວາງຊີ,ທ່ານເຈິ້ງເຜີຍໃຫ້ຮູ້ວ່າ,ປັດຈຸບັນ ວຽກງານກະກຽມງານເອັກສໂປຈີນອາຊຽນຄັ້ງທີສາມທຸກຝ່າຍໄດ້ເຮັດເສັດສັບແລ້ວ,ຕໍ່ໄປ ເຊີນຟັງເນື້ອໃນລະອຽດ.
ຜ່ານການປຶກສາຫາລືກັນລະຫວ່າງຈີນກັບບັນດາປະເທດອາຊຽນ, ກອງປະຊຸມສຸດຍອດລະລຶກຈີນອາຊຽນສ້າງການພົວພັນຄູ່ຂາສົນທະນາຄົບຮອບ 15 ປີ, ງານເອັກສໂປຈີນອາຊຽນຄັ້ງທີສາມແລະກອງປະຊຸມສຸດຍອດການຄ້າແລະການລົງທຶນຈີນອາຊຽນຄັ້ງທີສາມຈະຈັດຂຶ້ນຢູ່ເມືອງນານນິງເຂດກວາງຊີຈີນແຕ່ວັນທີ 31 ຕຸລາຫາວັນທີ 3 ພະຈິກ.
ທ່ານເຈິ້ງຈູນຈ້ຽນເວົ້າວ່າ, ປັດຈຸບັນ, ວຽກງານກະກຽມງານເອັກສໂປຈີນອາຊຽນຄັ້ງທີສາມທຸກລາຍໄດ້ເຮັດເສັດສັບແລ້ວ. ປີນີ້, ເມືອງນານນິງຈະລົງທຶນ 16 ຕື້ກວ່າຢວນ, ເພີ່ມທະວີແລະບູລະນະສິ່ງກໍ່ສ້າງຕ່າງໆຄື ຫໍວາງສະແດງ,ໂຮງແຮມ, ດ່ານຊາຍແດນ,ຄົມມະນາຄົມແລະໂທລະຄົມເປັນ ຕົ້ນ,ເພື່ອສະຫນອງການບໍລິການທີ່ຖືຄົນເປັນກົກ,ຍິ່ງສະດວກສະບາຍກວ່າເກົ່າແກ່ນັກທຸລະກິດແລະແຂກທີ່ເຂົ້າຮ່ວມງານເທື່ອນີ້.
ທ່ານເຈິ້ງເວົ້າວ່າ, ງານເອັກສໂປຈີນອາຊຽນໄດ້ຈັດຂຶ້ນສອງຄັ້ງຢ່າງສຳເລັດຜົນແລ້ວ, ປີນີ້ແມ່ນຄັ້ງທີສາມ, ເມື່ອທຽບກັບສອງຄັ້ງກ່ອນ, ຂະ ຫນາດງານວາງສະແດງ,ຈຳນວນຄົນທີ່ເຂົ້າຮ່ວມແລະການຈັດວາງຫໍວາງສະແດງໃນປີນີ້ລ້ວນແຕ່ມີຈຸດພິເສດອັນໃຫມ່.ທ່ານເວົ້າວ່າ:
ເມື່ອທຽບກັບງານເອັກສໂປສອງຄັ້ງກ່ອນເຫັນວ່າ, ງານເອັກສໂປປີນີ້ມີຈຸດພິເສດຈຳນວນຫນຶ່ງຄື ລະດັບຜູ່ນຳຂອງປະເທດທີ່ເຂົ້າຮ່ວມງານນັ້ນຈະສູງກວ່າ, ຈຳນວນຄົນກໍ່ຫລາຍກວ່າ;ສອງ, ມີລະດັບວິຊາສະເພາະຈະສູງກວ່າເກົ່າ,ປະເພດສິນຄ້າເຂົ້າຮ່ວມການວາງສະແດງນັ້ນຍິ່ງໂຮມສູນກວ່າເກົ່າ, ເພື່ອສ້າງໂອກາດການທຸລະກິດຫລາຍກວ່າເກົ່າ; ໃນການຈັດວາງຫໍວາງສະແດງ, ຈະເຮັດໃຫ້ຜະລິດຕະພັນຂອງບັນດາປະເທດແລະຈຸດພິເສດວັດທະ ນະທຳການທ່ອງທ່ຽວຂອງໃຜລາວພົ້ນເດັ່ນອອກ. ນອກນີ້, ຍັງຈະຈັດການເຄື່ອນໄຫວຕົວເມືອງສະເຫນ, ຈະໃຫ້ບັນດາປະເທດອາຊຽນເລືອກເອົາຕົວເມືອງຂອງປະເທດຕົນທີ່ມີລັກສະນະຕົວແທນ,ແລ້ວແນະນຳການຂະຫຍາຍ ຕົວຂອງຕົວເມືອງນີ້ໃນດ້ານການທ່ອງທ່ຽວ ວັດທະນະທຳ ການສຶກສາແລະດ້ານຕ່າງໆ,ພ້ອມໂອກາດການທຸລະກິດຂອງເມືອງນີ້.
ຕາມຊາບວ່າ,ງານເອັກສໂປຈີນອາຊຽນຄັ້ງທີສາມໄດ້ຈັດຫົວຂໍ້ຈຳເພາະ ສີ່ຫົວຂໍ້ຄື ການຄ້າສິນຄ້າ,ການຮ່ວມມືລົງທຶນ,ເຕັກນິກກະສິກຳກ້າວ ຫນ້າທີ່ເຫມາະໃຊ້ແລະຕົວເມືອງແຫ່ງຄວາມສະເຫນ,ຫົວຂໍ້ຈຳເພາະແຕ່ລະຂໍ້ລ້ວນແຕ່ມີຈຸດພິເສດວິຊາສະເພາະອັນພົ້ນເດັ່ນ,ຈຸດຫນັກແມ່ນຊັກນຳສິນຄ້າທີ່ມີມູນຄ່າການຄ້າລະຫວ່າງຈີນກັບປະເທດອາຊຽນຂ້ອນຂ້າງຫລາຍ, ຕ່າງມີຕະຫລາດແລະມີກຳລັງບົ່ມຊ້ອນມາເຂົ້າຮ່ວມການວາງສະແດງ.ງານເອັກສໂປຍັງຈະນຳໃຊ້ນະໂຍບາຍຂອງຈີນທີ່ເພີ່ມເງິນກູ້ແກ່ປະເທດອາຊຽນ 5 ຕື້ໂດລາສະຫະລັດແລະໃຫ້ນະໂຍຍາຍພິເສດໃຫ້ເງິນກູ້ແກ່ຝ່າຍຊື້ຢ່າງເຕັມສ່ວນແລ້ວເກັບໂຮມແລະເຜີຍແຜ່ໂຄງການລົງທຶນຈຸດຫນັກລະຫວ່າງຈີນກັບອາຊຽນ, ພະຍາຍາມຍົກອັດຕາສຳເລັດຜົນຂອງການລົງທຶນ.
ຕາມຊາບວ່າ, ງານເອັກສໂປເທື່ອນີ້ຈະຈັດຮ້ານວາງສະແດງ 3000 ຮ້ານ, ຈຳນວນຮ້ານວາງສະແດງຂອງປະເທດອາຊຽນຈະຈາກ 700 ກວ່າຮ້ານໃນຄັ້ງທີສອງເພີ່ມຂຶ້ນເປັນ 1000 ຮ້ານ,ກວມ 1/3 ຂອງຍອດຈຳນວນຮ້ານວາງສະແດງ.ກະວ່າພໍ່ຄ້າຈັດຊື້ຂອງຈີນແລະຕ່າງປະເທດທີ່ເຂົ້າຮ່ວມງານເອັກສໂປຄັ້ງທີສາມນັ້ນຈະບັນລຸ 30 ພັນຄົນ.
ທ່ານເຈິ້ງຈູນຈ້ຽນແນະນຳວ່າ, ງານເອັກສໂປຈີນອາຊຽນຄັ້ງທີສາມທີ່ຈັດຂຶ້ນໃນປີນີ້ຍັງກົງກັບໂອກາດທີ່ຫາຍາກ,ນີ້ສະແດງວ່າ, ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຊຽນຈະເຂົ້າສູ່ໄລຍະຂະຫຍາຍ ຕົວກວ້າງຂວາງກວ່າເກົ່າ.ທ່ານເວົ້າວ່າ:
ການຈັດງານເອັກສໂປຈີນອາຊຽນໃນປີນີ້ພໍດີກົງກັບການພົວພັນຄູ່ຂາສົນທະນາລະຫວ່າງຈີນກັບອາຊຽນຄົບຮອບ 15 ປີ,ແລະປີໄມຕີຈິດຈີນອາຊຽນ, ໂອກາດນີ້ຈະຍົກຊື່ສຽງອິດທິພົນຂອງງານເອັກສໂປຈີນອາຊຽນໃຫ້ສູງຂຶ້ນຢ່າງຫລວງຫລາຍ,ແລະຈະເກີດມີຜົນສະທ້ອນມະຫາສານຕໍ່ການຮ່ວມມືດ້ານເສດຖະກິດການຄ້າລະຫວ່າງຈີນກັບບັນດາປະເທດ.ງານເອັກສໂປຈີນອາຊຽນແມ່ນງານເອັກສໂປທີ່ເປີດປະຕູສູ່ທົ່ວໂລກ,ອິດທິພົນຂອງມັນບໍ່ຄວນຖືກຈຳກັດໃນເຂດກວາງຊີແລະຈີນທໍ່ນັ້ນ,ຄວນເຜີຍແຜ່ໄປສູ່ທົ່ວໂລກອີກດ້ວຍ.ສະນັ້ນ,ເນື້ອໃນສຳຄັນອັນຫນຶ່ງຂອງການເຄື່ອນໄຫວທີ່ພວກຂ້າພະເຈົ້າຈັດຂຶ້ນຢູ່ປັກກິ່ງເທື່ອນີ້ກໍ່ແມ່ນຢາກສວຍໃຊ້ທ່າແຮງຂອງປັກກິ່ງເຜີຍແຜ່ງານເອັກສໂປແລະດຶງດູດນັກທຸລະກິດຍິ່ງຫລາຍມາເຂົ້າຮ່ວມງານເອັກສໂປຈີນອາຊຽນ.
ຈຸດຫມາຍເດີມຂອງການຈັດງານເອັກສໂປຈີນອາຊຽນແມ່ນຮັບໃຊ້ການກໍ່ສ້າງເຂດການຄ້າເສລີຈີນອາຊຽນ.ເຂດການຄ້າເສລີຈີນອາຊຽນ ທີ່ພວມຂຸ້ນຂ້ຽວກໍ່ສ້າງຢູ່ນັ້ນແມ່ນເຂດການຄ້າເສລີໃຫຍ່ທີສາມໃນໂລກ.ປີ 2002 ຫາປີ 2004,ຍອດມູນຄ່າການາຄ້າລະຫວ່າງຈີນກັບອາຊຽນໄດ້ເພີ່ມຂຶ້ນດ້ວຍຈັງຫວະ 38,9% ຕໍ່ປີ,ປີກາຍນີ້, ການຄ້າລະຫວ່າງສອງຝ່າຍບັນລຸເຖິງ 130 ຕື້ກວ່າໂດລາສະຫະລັດ.ທ່ານເຈິ້ງຈູນຈ້ຽນເຫັນວ່າ, ການສ້າງເຂດການຄ້າເສລີຈີນອາຊຽນ, ບໍ່ວ່າຕໍ່ເສດຖະກິດການຄ້າຂອງປະເທດອາຊຽນຫລືຂອງຈີນ,ລ້ວນແຕ່ເປັນການຊຸກຍູ້ອັນມະຫາສານແລະລະອຽດ,ແມ່ນການກະທຳທີ່ໄດ້ຜົນປະໂຫຍດທັງສອງຝ່າຍ. ສະເພາະເມືອງນານນິງ ເທດສະບານເຂດກວາງຊີທີ່ເປັນສະຖານທີ່ຖາວອນຈັດງານເອັກສໂປຈີນອາຊຽນນັ້ນກໍ່ຈະຊົມໃຊ້ຫມາກຜົນແຫ່ງການພັດທະນາພ້ອມກັນ.ທ່ານເວົ້າວ່າ:
ງານເອັກສໂປຈີນອາຊຽນຈັດຂຶ້ນຢູ່ເຂດກວາງຊີ, ໄດ້ຊຸກຍູ້ໃຫ້ເຂດກວາງຊີແລກປ່ຽນກັບບັນດາປະເທດ, ດຽວນີ້ ເມືອງນານນິງເທດສະບານເຂດກວາງຊີໄດ້ສ້າງເຂດເສດຖະກິດຈີນອາຊຽນແລະເຂດການຄ້າຈີນອາຊຽນ,ຫລາຍປະເທດໃນອາຊຽນໄດ້ຕັ້ງສະຖານກົງສູນຫລືສຳນັກງານຢູ່ເມືອງນານນິງ,ນີ້ໄດ້ອຳນວຍຄວາມສະດວກຢ່າງຫລວງຫລາຍແກ່ກວາງຊີແລກ ປ່ຽນກັບບັນດາປະເທດອາຊຽນ,ອາດຄາດຄະເນໄດ້ວ່າ, ຕໍ່ໄປພາຍຫນ້າ, ຈະມີສະຖານກົງສູນຫລາຍກວ່ານີ້ຕັ້ງຂຶ້ນຢູ່ເມືອງນານນິງ,ພ້ອມກັນນັ້ນ,ກໍ່ຈະມີການແລກປ່ຽນແລະການເຄື່ອນໄຫວຍິ່ງຫລາຍຈັດຂຶ້ນຢູ່ເມືອງນານນິງ.
|
