|
|
 |
| (GMT+08:00)
2006-07-03 20:45:07
|
 |
|
ລັດຖະບານອິນໂດເນເຊຍຕົກລົງອອກແຮງພັດທະນາພະລັງງານຊີວະຊາດ
cri
ຕາມຂ່າວສານຊິນຮວາ,ວັນທີ3ກໍລະກົດ,ສື່ມວນຊົນອິນໂດເນເຊຍລາຍງານວ່າ,ໃນເວລາເປັນປະທານຈັດກອງປະຊຸມທີ່ມີສະມາຊິກສ່ວນໜຶ່ງຂອງຄະນະລັດຖະບານເຂົ້າຮ່ວມໃນຫວ່າງມໍ່ໆນີ້,ທ່ານຊູຊີໂລ ປະທານາທິບໍດີອິນໂດເນເຊຍໄດ້ຕົກລົງວ່າ,ແຕ່ປີ2007ເປັນຕົ້ນໄປ,ອິນໂດເນເຊຍຈະເລີ່ມປະຕິບັດແຜນການພັດທະນາພະລັງງານຊີວະຊາດ.
ທ່ານຊູຊີໂລຊີ້ອອກວ່າ, ນຳໃຊ້ຊັບພະຍາກອນທຳມະຊາດທີ່ອຸດົມສົມບູນຂອງອິນໂດເນເຊຍ,ເຊັ່ນປາມ,ຫຸ່ງສາແລະອ້ອຍເປັນຕົ້ນມາພັດທະນາພະລັງງານຊີວະຊາດ,ມັນບໍ່ພຽງແຕ່ຈະຊຸກຍູ້ເສດຖະກິດແຫ່ງຊາດໃຫ້ມີການພັດທະນາເທົ່ານັ້ນ,ພ້ອມທັງຍັງສາມາດຫຼຸດການນຳເຂົ້ານ້ຳມັນເຊື້ອໄຟແລະສ້າງໂອກາດປະກອບອາຊີບອີກດ້ວຍ.ນອກນີ້,ການພັດທະນາພະລັງງານຊີວະຊາດກໍມີຜົນດີຕໍ່ການຫຼຸດຈຳນວນປະຊາກອນຊົນນະບົດທີ່ເຂົ້າສູ່ຕົວເມືອງນັ້ນໃຫ້ໜ້ອຍລົງ.
ລັດຖະບານອິນໂດເນເຊຍຄາດຄະເນວ່າ,ເມື່ອຮອດປີ2010,ປະລິມານບໍລິໂພກພະລັງງານຊີວະຊາດຂອງທົ່ວປະເທດອິນໂດເນເຊຍຈະກວມ2%ຂອງຍອດປະລິມານບໍລິໂພກພະລັງງານ, ແລະຈະຍາດແຍ່ງໃຫ້ບັນລຸ5%ໃນປີ2025.
ກອງປະຊຸມຍັງຕົກລົງສ້າງຕັ້ງໜ່ວຍງານພະລັງງານແຫ່ງຊາດ,ເພື່ອຮັບຜິດຊອບການຈັດຕັ້ງປະຕິບັດແຜນການພັດທະນາພະລັງງານຊີວະຊາດ,ແລະໃຫ້ລາງວັນແກ່ວິສາຫະກິດທີ່ດຳເນີນການຄົ້ນຄວ້າພັດທະນາແລະຜະລິດພະລັງງານຊີວະຊາດ.
|
|
|
