|
ອົງການປະກອບອາວຸດປາເລັສຕິນປະກາດຄຳຂາດສຸດທ້າຍຮຽກຮ້ອງໃຫ້ອິສຣາແອນປ່ອຍຕົວຊາວປາເລັສຕິນທີ່ຖືກກັກຂັງ
cri
ຕາມຂ່າວCRI,ວັນທີ3ກໍລະກົດ,3ອົງການປະກອບອາວຸດປາເລັສຕິນທີ່ລັກພາຕົວທະຫານອິສຣາແອນໄດ້ປະກາດຄຳຂາດສຸດທ້າຍຕໍ່ອິສາຣແອນ,ຮຽກຮ້ອງໃຫ້ຝ່າຍອິສຣາແອນໃຫ້ຄຳຕອບຕໍ່ເງື່ອນໄຂແລກປ່ຽນຕົວປະກັນທີ່ຝ່າຍປາເລັສຕິນວາງອອກມານັ້ນກ່ອນ6ໂມງເຊົ້າວັນທີ4ກໍລະກົດ,ປ່ອຍຕົວຊາວປາເລັສຕິນ1000ຄົນທີ່ເຂົາກັກຂັງ,ຖ້າບໍ່ດັ່ງນັ້ນອົງການປະກອບອາວຸດປາເລັສຕິນຈະໃຊ້ການເຄື່ອນໄຫວແຕ່ຝ່າຍດຽວ.
ວັນທີ2ກໍລະກົດ,ທ່ານໂອນເມີດ ນາຍົກລັດຖະມົນຕີອິສຣາແອນກ່າວວ່າ,ອິສຣາແອນບໍ່ຫ່ອນຊິປະນິປະນອມຕໍ່ຜູ່ປະກອບອາວຸດຂອງປາເລັສຕິນ,ແລະຈະໃຊ້ທຸກພາຫະນະກອບກູ້ທະຫານອິສຣາແອນທີ່ຖືກລັກພາຕົວ.ມື້ດຽວກັນ,ທ່ານເປເລັສ ຮອງນາຍົກລັດຖະມົນຕີອິສຣາແອນກ່າວວ່າ,ລັດຖະບານອິສຣາແອນຈະກ່າວຟ້ອງເຈົ້າໜ້າທີ່ຊັ້ນສູງຂອງປາເລັສຕິນເຊັ່ນລັດຖະມົນຕີຂອງລັດຖະບານປາເລັສຕິນປົກຄອງຕົນເອງເປັນຕົ້ນທີ່ຖືກທະຫານອິສຣາແອນຈັບຕົວ,ເພາະວ່າພວກເຂົາເຈົ້າຖືກສົງໄສເຂົ້າຮ່ວມແລະສະໜັບສະໜູນການເຄື່ອນໄຫວກໍ່ການຮ້າຍ.
|
|
