|
|
 |
| (GMT+08:00)
2006-07-04 15:09:15
|
 |
|
ນ້ຳ5ປະເພດທີ່ກິນບໍ່ໄດ້
cri
ນ້ຳແມ່ນສິ່ງທີ່ຂາດເຂີນບໍ່ໄດ້ໃນຊີວິດຂອງຄົນເຮົາ, ຄົນບໍ່ກິນເຂົ້າມື້ໜຶ່ງຍັງໄດ້ຢູ່, ແຕ່ບໍ່ກິນນ້ຳໝົດມື້ແມ່ນບໍ່ໄດ້, ແຕ່ກໍ່ບໍ່ວ່ານ້ຳແນວໃດກໍກິນໄດ້ໝົດ, ນ້ຳ5ປະເພດທີ່ຈະອະທິບາຍດັ່ງຕໍ່ໄປນີ້, ມັນມັກຈະມີທາດນີຕຼິດແລະທາດເບື່ອອື່ນໆເກີດຂຶ້ນໃນປະລິມານໃດໜຶ່ງ, ຈະເປັນຜົນຮ້າຍຕໍ່ຮ່າງກາຍຂອງຄົນເຮົາ, ສະນັ້ນ, ພວກເຮົາຈິ່ງຕ້ອງລະວັງ.
ນ້ຳປະເພດທີໜຶ່ງ, ແມ່ນນ້ຳທີ່ປະໄວ້ດົນໂພດ, ຄືເອີ້ນກັນວ່ານ້ຳຕາຍ, ນ້ຳທີ່ປະໄວ້ບໍ່ເໜັງບໍ່ຕີງ. ຖ້າເດັກນ້ອຍນ້ຳປະເພດນີ້ເລື້ອຍໆ, ຈະເຮັດໃຫ້ການປ່ຽນຖ່າຍຂອງຈຸລັງຜ່ອນຊ້າລົງຢ່າງເດັ່ນຊັດ, ກະທົບກະເທືອນການເຕີບໃຫຍ່ຂອງຮ່າງກາຍ; ຄົນໄວກາງແລະຜູ້ເຖົ້າກິນນ້ຳປະເພດນີ້ເລື້ອຍໆຈະພາໃຫ້ເຖົ້າໄວກວ່າເກົ່າ; ບາງທ້ອງຖິ່ນມີຜູ້ເປັນມະເຮັງຫຼອດອາຫານແລະມະເຮັງກະເພາະນັບມື້ນັບຫຼາຍຂຶ້ນ, ຕາມການຄົ້ນຄວ້າຂອງນັກແພດສາດທັງຫຼາຍເຫັນວ່າ, ອາດຈະມີສ່ວນກ່ຽວຂ້ອງກັບການກິນນ້ຳຕາຍມາດົນນານ. ຕາມຂໍ້ມູນທີ່ກ່ຽວຂ້ອງພິສູດວ່າ, ວັດຖຸທາດເບື່ອໃນນ້ຳຕາຍຈະເພີ່ມຂຶ້ນຕາມເວລາທີ່ປະໄວ້.
ສອງ, ແມ່ນນ້ຳທີ່ຟົດນັບເທື່ອບໍ່ໄດ້: ໝາຍເຖິງນ້ຳທີ່ຟົດຢູ່ໝົດຄືນຫຼືດົນກວ່ານັ້ນ, ຍັງມີນ້ຳທີ່ຟົດຫຼາຍເທື່ອໃນກາໄຟຟ້າ.
ຍ້ອນວ່ານ້ຳປະເພດນີ້ຕົ້ມດົນໂພດ, ທາດທີ່ລະເຫີຍບໍ່ໄດ້ໃນນ້ຳ, ຕົວຢ່າງຄືໂລຫະໜັກຕ່າງໆເຊັ່ນການຊີອົມແລະມາເຍຊີອົມເປັນຕົ້ນແລະທາດນີຕຼິດຈະຫຼາຍຂຶ້ນ. ກິນນ້ຳປະເພດນີ້ເລື້ອຍໆ, ຈະລົບກວນປະສິດທິຄຸນຂອງກະເພາະລຳໄສ້, ຈະມີອາການຖອກທ້ອງຫຼືຍື່ງທ້ອງໄລຍະໜຶ່ງ; ທາດນີຕຼິດທີ່ເປັນພິດຍັງຈະເຮັດໃຫ້ຮ່າງກາຍຂາດອັອກຊີແຊນ, ຜູ້ເປັນໜັກອາດຈະສະຫຼົບ, ຫຼືຈົນຕາຍກໍເປັນໄດ້.
ສາມແມ່ນ: ນ້ຳໃນໝໍ້ໜຶ້ງ: ນ້ຳໃນໝໍ້ໜຶ້ງກໍໝາຍເຖິງນ້ຳທີ່ເຫຼືອຢູ່ໃນໝໍ້ພາຍຫຼັງໜຶ້ງກະລະເປົາແລ້ວ, ໂດຍສະເພາະແມ່ນນ້ຳທີ່ໃຊ້ໜຶ້ງຂອງມາຫຼາຍເທື່ອ, ທາດນີຕຼິດໃນນ້ຳຈະຂຸ້ນຫຼາຍ, ກິນນ້ຳປະເພດນີ້ເລື້ອຍໆ, ຫຼືວ່າໃຊ້ນ້ຳປະເພດນີ້ມາຕົ້ມເຂົ້າປຽກ, ຈະເຮັດໃຫ້ຖືກພິດນີຕຼິດ, ຖ້າເກີ້ມນ້ຳເຂົ້າໄປໃນຮ່າງກາຍຂອງຄົນຕາມນ້ຳ, ຍັງຈະເຮັດໃຫ້ລະບົບຍ່ອຍອາຫານ, ເສັ້ນປະສາດ, ລະບົບປັດສາວະແລະລະບົບສ້າງເລືອດຈະມີການແປປ່ຽນ, ຈົນພາໃຫ້ເຖົ້າໄວ.
ສີ່, ແມ່ນນ້ຳທີ່ຕົ້ມຍັງບໍ່ຟົດ: ກໍກິນບໍ່ໄດ້ນ້ຳປະປາທີ່ເຣົາໃຊ້ກິນນັ້ນ, ລ້ວນແຕ່ໄດ້ດັບເຊື້ອດ້ວຍທາດກໍຼ. ນ້ຳທີ່ດັບເຊື້ອດ້ວຍກໍຼນັ້ນຈະແຍກທາດມີພິດອອກມາໄດ້13ຢ່າງ, ໃນນັ້ນຮາໂລໄຮໂດຼກາກບອນກໍຼໂລຟອນຍັງພາໃຫ້ເປັນມະເຮັງແລະວິປະລິດຄືຮູບຮ່າງຜິດປົກກະຕິ. ເມື່ອອຸນຫະພູມຂອງນ້ຳສູງຂຶ້ນຮອດ90ອົງສາແລ້ວ, ຮາໂລໄຮໂດຼບອນໃນນ້ຳກໍຈະຈາກ53ມິລີກຼາມຕໍ່ລິດສູງຂຶ້ນຮອດ177ມີລີກຼາມຕໍ່ລິດ, ລື່ນກາຍມາດຖານອະນາໄມນ້ຳດື່ມທີ່ລັດກຳນົດ. ຜູ້ຊ່ຽວຊານຊີ້ອອກວ່າ, ກິນນ້ຳທີ່ຍັງບໍ່ຟົດນັ້ນ, ມີຄວາມສ່ຽງທີ່ຈະເປັນໂຣກມະເຮັງພົກຍ່ຽວແລະມະເຮັງໄສ້ສຸດເພີ່ມຂຶ້ນ21ຫາ38%. ເມື່ອອຸນຫະພູມຂອງນ້ຳສູງຂຶ້ນຮອດ100ອົງສາ, ວັດຖຸທາດເບື່ອສອງຊະນິດນີ້ກໍຈະລະເຫີຍໄປຕາມອາຍນ້ຳຢ່າງຫຼວງຫຼາຍ, ຖ້າຕົ້ມອີກ3ນາທີ, ເວລາກິນກໍຈະປອດໄພ.
ນ້ຳປະເພດທີ5ທີ່ກິນບໍ່ໄດ້ແມ່ນນ້ຳອຸ່ນທີ່ເອົາມາຕົ້ມໃຫ້ຟົດຄືນໃໝ່: ມີບາງຄົນມັກນ້ຳອຸ່ນທີ່ເຫຼືອຢູ່ໃນກະຕິກນ້ຳຮ້ອນມາຕົ້ມໃຫ້ຟົດຄືນໃໝ່, ເພື່ອປະຢັດນ້ຳປະຢັດອາຍແກັສແລະປະຢັດເວລາ. ແຕ່ການປະຢັດແບບນີ້ບໍ່ຄວນສົ່ງເສີມ. ເພາະວ່ານ້ຳຕົ້ມແລ້ວຕົ້ມອີກ, ຈະເຮັດໃຫ້ອາຍນ້ຳລະເຫີຍໄປອີກ, ທາດນີຕຼິດຈະສູງຂຶ້ນອີກ. ກິນນ້ຳປະເພດນີ້ດົນແລ້ວ, ນີຕຼິດຈະສະສົມຢູ່ໃນຮ່າງກາຍ, ພາໃຫ້ຖືກພິດ.
ເວລາກິນນ້ຳທີ່ຖືກຫຼັກວິທະຍາສາດທີ່ສຸດແມ່ນເວລາໃດ? ພວກເຮົາມີຕາລາງເວລາດັ່ງຕໍ່ໄປນີ້:
ກ່ອນອື່ນແລ້ວ6ໂມງເຄິ່ງຕື່ນເຊົ້າໃຫ້ກິນນ້ຳເກືອຈາງຫຼືນ້ຳຕົ້ມລ້າທີ່ປະໄວ້ເຢັນແລ້ວ250ມີລີລິດ, ເພື່ອເພີ່ມຕື່ມນ້ຳທີ່ເສຍໄປໃນຍາມກາງຄືນແລະລ້າງລະບາຍທາດເບື່ອໃນລຳໄສ້.
8ໂມງເຄິ່ງເມື່ອໄປຮອດຫ້ອງການແລ້ວໃຫ້ກິນນ້ຳອີກ250ມີລີລິດ, ຕາບຈູນນ້ຳທີ່ສຍໄປຢ່າງບໍ່ຮູ້ສຶກຕົວໃນເວລາຂຸ້ນວຽກໃນຕອນເຊົ້າ, ຕື່ມນ້ຳໃສ່ຮ່າງກາຍໃນເວລານີ້ສຳຄັນເປັນພິເສດ.
ເມື່ອຂຸ້ນວຽກມາໝົດເຊົ້າໜຶ່ງມາຮອດ11ໂມງເຄິ່ງກ່ອນກິນເຂົ້າທ່ຽງ, ກໍຄວນຜັກຜ່ອນແລ້ວກິນນ້ຳ, ກ່ອນອາຫານທ່ຽງຈະຊ່ອຍກະຕຸ້ນພະລັງແຮງລະບົບຍ່ອຍອາຫານ.
12ໂມງເຄິ່ງ ຫຼັງອາຫານທ່ຽງຈະຊ່ອຍໃຫ້ເລືອດໃນຮ່າງກາຍໝູນໄວເຂົ້າ, ຊຸກຍູ້ໃຫ້ດູດຮັບເອົາທາດບຳລຸງ.
14ໂມງກ່ອນເຂົ້າການກິນນ້ຳຊາຈາງຈອກໜຶ່ງເພື່ອລົບລ້າງຄວາມອິດເມື່ອຍ, ເພີ່ມເຫື່ອແຮງແກ່ຮ່າງກາຍນ້ຳຈອກນີ້ກໍສຳຄັນຫຼາຍ.
17ໂມງ, ກ່ອນເລີກການກິນນ້ຳຈອກໜຶ່ງ, ເມື່ອເຣັດວຽກມາມື້ໜຶ່ງແລ້ວ, ນ້ຳໃນຮ່າງກາຍກໍເກືອບສິ້ນເປືອງໝົດແລ້ວ, ກິນນ້ຳໃນເວລານີ້ຈະເຮັດໃຫ້ບໍ່ຮູ້ສຶກຫິວຫຼາຍ, ອາຫານຄ່ຳກໍຈະກິນໜ້ອຍແດ່, ວິທີນີ້ເໝາະສຳລັບຜູ້ທີ່ຢາກລົດຄວາມອ້ວນ.
22ໂມງກ່ອນເຂົ້ານອນກິນນ້ຳ200ມີລີລິດ, ເຮັດໃຫ້ຄວາມໜຽວຂອງເລືອດຈາງລົງຈິ່ງນອນຫຼັບດີ, ລວມຄວາມແລ້ວແຕ່ລະມື້ທ່ານຈະຕ້ອງຕື່ມນ້ຳ2100ຫາ2800ມີລີລິດໃຫ້ຮ່າງກາຍ.
|
|
|
