|
ອາລົມດີແມ່ນຢູ່ນຳສະໝອງເບື້ອງຊ້າຍຂອງຄົນເຮົາ, ທຳມະດາແລ້ວຄົນອ້ວນສ່ວນຫຼາຍມີອາລົມມ່ວນຊື່ນ
cri
ຫວ່າງມໍ່ໆນີ້, ນັກຊີວະສາດເສັ້ນປະສາດຂອງອາເມລິກາໄດ້ມີການຄົ້ນພົບອັນພິລຶກ: ຄືຄົນອາລົມດີແມ່ນເປັນມາແຕ່ເກີດ. ພວກເພິ່ນຄົ້ນຄວ້າເປັນເວລາ10ປີແລ້ວ, ແລະໄດ້ຂໍ້ສະຫຼຸບວ່າ: ອາລົມດີຂອງຄົນຜູ້ໜຶ່ງແມ່ນເຊື່ອງຊ້ອນໄວ້ຢູ່ໃນສະໝອງຊີກຊ້າຍຂອງຜູ້ກ່ຽວ.
ນັກວິທະຍາສາດເຫັນວ່າອາລົມດີຂອງຄົນແມ່ນມີມາແຕ່ເກີດ, 72ຊົ່ວໂມງຂອງເດັກເກີດໃໝ່ແມ່ນໄລຍະເວລາສຳຄັນທີ່ສຸດທີ່ເຂົາຈະເປັນຄົນຜູ້ມີອາລົມດີຫຼືບໍ່ເມື່ອເຕີບໃຫຍ່.
ຜູ້ທີ່ໄດ້ຂໍ້ສະຫຼຸບຢ່າງບໍ່ໄດ້ຄາດຄຶດມາກ່ອນນັ້ນແມ່ນຜູ້ຊ່ຽວຊານງວດໜຶ່ງທີ່ນຳໂດຍສາສະດາຈານລີຊາດ ເດວີຊັນ ຫົວໜ້າຫ້ອງທົດລອງຊີວະເສັ້ນປະສາດອາລົມຈິດຂອງມະຫາວິທະຍາໄລແມດີຊັນລັດວິສຄອນຊິນອາເມລິກາ.
ພວກເພິ່ນໄດ້ດຳເນີນການທົດລອງຕໍ່ຜູ້ອາສາສະໝັກນັບເປັນພັນຄົນແລ້ວໄດ້ຂໍ້ສະຫຼຸດດັ່ງກ່າວວ່າ: ຄຸນທາດອັນດີງາມບາງຢ່າງເຊັ່ນຮັກຫອມຊີວິດ, ຫາຄວາມມ່ວນຊື່ນໃຫ້ຕົນເອງແລະເຕັມໄປດ້ວຍພະລັງຊີວິດແລະຄວາມໝອງນັ້ນລ້ວນແຕ່ສະສົມຢູ່ໃນສະໝອງຊີກຊ້າຍ.
ສະໝອງຊີກຂວາພັດສະສົມແຕ່ຄວາມງ່ວມເຫງົາ, ຄວາມເສຍໃຈແລະຄວາມຄຽດ. ສະນັ້ນ, ຜູ້ມັກເບິ່ງເລື່ອງລາວໄປທາງແງ່ຮ້າຍ, ມັກສົງໄສຜູ້ອື່ນແລະມັກໂຕຕາຍນັ້ນລ້ວນແຕ່ແມ່ນສະໝອງຊີກຂວາຢູ່ໃນຖານະຊັກນຳ, ສ່ວນຜູ້ທີ່ມີສຸຂະທັດນັ້ນພັດແມ່ນສະໝອງຊີກຊ້າຍຢູ່ໃນຖານະເປັນເຈົ້າການ.
ນີ້ແມ່ນການຄົ້ນພົບທີ່ມີຄວາມໝາຍຫຼາຍໃນວິຊາຊີວະສາດມະນຸດຊາດ: ສະໝອງສອງຊີກທີ່ເກືອບຄືກັນນັ້ນພັດຄວບຄຸມອາລົມຈິດທີ່ກົງກັນຂ້າມຂອງຄົນເຮົາ.
|
|
