ຕາມ​ຂ່າວສານ​ຊິນ​ຮວາ: ໃນ 5 ປີຜ່ານມາ ນັບ​ລວມ​ແລ້ວ ຈີນ​​ໄດ້ລົງທຶນ 200 ຕື້​ກວ່າ​ຢວນ​ໃຊ້​ເຂົ້າ​ໃນ​ການ​ປົວ​ແປງ​ສິ່ງ​ແວດ​ລ້ອມ​ຊີວະ​ພາບ​ພາກ​ຕາ​ເວັນ​ຕົກ.

ໃນ​ກອງ​ປະຊຸ​ມທີ່​ກ່ຽວຂ້ອງ​ເທື່ອ​ໜຶ່ງ​ທີ່​ຈັດ​ຂຶ້ນ​ໃນຫວ່າງ​ມໍ່ໆ​ນີ້ ​​ເຈົ້າໜ້າ​ທີ່​ຄະ​ນະ​ກຳ​ມະ​ການ​ການ​ພັດທະນາ​ແລະປະຕິ​ຮູບ​​ແຫ່ງ​ລັດ​ຈີນ​ແນະນຳ​ວ່າ, ​ເພື່ອ​ເພີ່ມ​ທະວີ​ການ​ກໍ່​ສ້າງ​ຊີ​ວະ​ພາບ​ຂອງ​​ພາກ​ຕາ​ເວັນ​ຕົກ, ຈີນ​ໄດ້​ປະຕິບັດ​ໂຄງການ​ຊີວະ​ພາບ​ຈຸດ​ໜັກ ​ເຊັ່ນ ​ເຊົາ​ການ​ເຮັດ​​ໄຮ່ນາ​​ແລະ​ປູກ​ຕົ້ນ​ໄມ້ຕົ້ນ​ຫຍ້າ​ຄືນ​ໃໝ່ ​ເຊົາ​ປ່ອຍ​ສັດລ້ຽງ​ກິນ​ຫຍ້າ​ຢູ່​ບາງ​ເຂດ​ທົ່ງ​ພຽງ​ ອະ​ນຸ​ລັກ​ປ່າ​ທຳ​ມະ​ຊາດ​ເປັນຕົ້ນ. ປັດຈຸບັນ​ໄດ້​ສຳ​ເລັດ​ການ​ປູກ​ໄມ້​ສ້າງ​ປ່າ​ກວ້າງ​ເຖິງ 40 ກວ່າ​ລ້ານ​ເຮັກ​ຕາ​, ປ້ອງ​ກັນ​ແລະ​ປົວ​ແປງ​ນ້ຳ​ເຊາະ​ດິນ​ເຈື່ອນໂດຍສັງ​ລວມ 5 ​ແສນ 4 ໝື່ນ​ກິ​ໂລ​ແມັດ​ມົນ​ທົນ​. ​ແຕ່​ເຈົ້າ​ໜ້າ​ທີ່​ຜູ່​ນີ້ກໍ​​ກ່າວ​ອີກວ່າ, ປັດຈຸບັນ ສະພາບ​ສິ່ງ​ແວດ​ລ້ອມ​ຊີວະ​ພາບ​ຢູ່​ພາກ​ຕາ​ເວັນ​ຕົກ​ຂອງ​ຈີນ​ຍັງ​ຂ້ຽວຂາດ​ທີ່​ສຸດ.