ທ່ານເວີ່ນເຈ່ຍປາວກ່າວວ່າ,ຈີນອິນເດຍແມ່ນຄູ່ຂາຫາກບໍ່ແມ່ນຄູ່ປໍລະປັກ
cri
Author: shuo
ຕາມຂ່າວCRI:ວັນທີ4ກໍລະກົດ,ຢູ່ທີ່ປັກກິ່ງ,ໃນເວລາພົບປະທ່ານຊາດເຕີຈີ ປະທານສະພາປະຊາຊົນອິນເດຍທີ່ມາຢ້ຽມຢາມ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວວ່າ,ຈີນອິນເດຍມີຜົນປະໂຫຍດຮ່ວມອັນກວ້າງຂວາງ,ສອງປະເທດແມ່ນຄູ່ຂາ,ຫາກບໍ່ແມ່ນຄູ່ປໍລະປັກ.ຈີນອິນເດຍຮັກສາມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດນັ້ນ,ມີຜົນດີຕໍ່ສອງປະເທດແລະຕໍ່ສັນຕິພາບແລະຄວາມຈະເລີນຂອງອາຊີຈົນເຖິງໂລກ.ຈີນອິນເດຍສ້າງການພົວພັນຄູ່ຂາຮ່ວມມືຍຸດທະສາດ,ໄດ້ສ່ອງແສງໃຫ້ເຫັນສາຍຕາຍຸດທະສາດທີ່ໄວ້ເນື້ອເຊື່ອໃຈກັນດ້ານການເມືອງລະຫວ່າງສອງປະເທດ.ປະຈຸບັນນີ້,ໃນໂລກມີຄຳເວົ້າບາງຢ່າງຕໍ່ການພົວພັນຈີນອິນເດຍ,ມັນເດັດຂາດບໍ່ຫ່ອນຊິຫວັ່ນໄຫວພື້ນຖານຂອງການພົວພັນຈີນອິນເດຍ.
ທ່ານກ່າວເນັ້ນວ່າ,ຈີນຫວັງຢ່າງຈິງໃຈໃຫ້ອິນເດຍພັດທະນາແລະເຂັ້ມແຂງ,ມີແຕ່ຈີນອິນເດຍ ລ້ວນແຕ່ພັດທະນາ,ຈຶ່ງສາມາດເວົ້າໄດ້ວ່າຍຸກສະໄໝອາຊີໄດ້ມາເຖິງແລ້ວ,ຈຶ່ງສາມາດປະກອບ ສ່ວນໃຫຍ່ກວ່າເກົ່າເຂົ້າໃນຄວາມກ້າວໜ້າແລະສິວິໄລຂອງມະນຸດ.
ທ່ານຊາດເຕີຈີເວົ້າວ່າ,ການຂະຍາຍການພົວພັນກັບຈີນແມ່ນຄວາມຮັບຮູ້ຄືກັນຂອງບັນດາພັກຝ່າຍອິນເດຍ.ອິນເດຍຍິນດີພ້ອມກັບຈີນຮ່ຳຮຽນເຊິ່ງກັນແລະກັນ,ຖອດຖອນບົດຮຽນເຊິ່ງກັນແລະກັນ,ແລະເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນທຸກຂົງເຂດກັບຈີນຕື່ມອີກ.
|
|