ອົງການປະກອບອາວຸດປາເລັສຕິນທີ່ລັກພາຕົວທະຫານອິສຣາແອນຖອນອອກຈາກການເຈລະຈາ
cri
ຕາມຂ່າວCRI,ວັນທີ4ກໍລະກົດ,ຜູ່ນຳຜູ່ໜຶ່ງຂອງອົງການຮາມາສທີ່ຢູ່ກາຊາກ່າວວ່າ,ອົງການປະກອບອາວຸດປາເລັສຕິນທີ່ລັກພາຕົວທະຫານອິສຣາແອນໄດ້ຖອນອອກຈາກການເຈລະຈາກັບຜູ່ໄກ່ເກ່ຍຂອງເອຢິບກ່ຽວກັບການປ່ອຍຕົວປະກັນ.
ຜູ່ນຳອົງການຮາມາສທີ່ເຄີຍເຂົ້າຮ່ວມການເຈລະຈາສ່ວນໜຶ່ງຜູ່ນີ້ກ່າວວ່າ,ວັນທີ4ກໍລະກົດ,ພາຍຫຼັງກາຍເວລາກຳນົດຂອງຄຳຂາດສຸດທ້າຍແລ້ວ,ອົງການປະກອບອາວຸດເຫຼົ່ານີ້ໄດ້ຖອນຜູ່ແທນທີ່ເຂົ້າຮ່ວມການເຈລະຈານັ້ນອອກ,ພວກເຂົາເຈົ້າອາດຈະປະຫານຊີວິດຂອງທະຫານຜູ່ນີ້,ແລະກໍອາດຈະຍ້າຍເຂົາໄປປະເທດອື່ນ.
ວັນທີ3ກໍລະກົດ,3ອົງການປະກອບອາວຸດຂອງປະເລັສຕິນທີ່ລັກພາຕົວທະຫານອິສຣາແອນໄດ້ປະກາດຄຳຂາດສຸດທ້າຍຕໍ່ອິສຣາແອນ, ຮຽກຮ້ອງໃຫ້ຝ່າຍອິສຣາແອນໃຫ້ຄຳຕອບຕໍ່ເງື່ອນໄຂແລກປ່ຽນຕົວປະກັນທີ່ຝ່າຍປາເລັສຕິນວາງອອກມານັ້ນກ່ອນ6ໂມງເຊົ້າວັນທີ4ກໍລະກົດ.ພາຍຫຼັງຄຳຂາດສຸດທ້າຍດັ່ງກ່າວກາຍເວລາກຳນົດແລ້ວ,ອິສຣາແອນກ່າວວ່ານະໂຍບາຍຂອງຝ່າຍອິສຣາແອນບໍ່ມີການປ່ຽນແປງໃດໆ,ອິສຣາແອນບໍ່ຫ່ອນຊິອ່ອນຍອມຕໍ່ການກໍ່ການຮ້າຍ,ບໍ່ຫ່ອນຈະເຈລະຈາກັບພວກເຂົາເຈົ້າ.
|
|