ຕາມ​ຂ່າວສານ​ຊິນ​ຮວາ,ວັນ​ທີ6​ກໍລະກົດ,ຈີນ​ແລະ​ອິນ​ເດຍຈະ​ເປີດ​ປາກ​ພູ​ນາ​ຕູ​ລາ​ທີ່​ເຊື່ອມ​ຕໍ່​ເມືອງ​ຢາ​ຕົ່ງ​ເຂດ​ຊີ​ກາເຈີ​ຂອງ​ຕິ​ເບ​ດກັບ​ຕອນ​ຊິກ​ກິມ​ຂອງ​ອິນ​ເດຍ​ນັ້ນ​ຄືນ​ໃໝ່,​ຟື້ນ​ຟູ​ຊ່ອງ​ທາງ​ການ​ຄ້າ​ຊາຍ​ແດນ​ທີ່​ຂາດ​ສະບັ້ນ​ມາ​ເປັນ​ເວ​ລາ​40​ກວ່າ​ປີ.

ປາກ​ພູ​ນາ​ຕູ​ລາ​ຕັ້ງ​ຢູ່​ບ່ອນ​ຕໍ່​ແດນ​ລະຫວ່າງ​ເຂດ​ຕິ​ເບ​ດກັບ​ອິນ​ເດຍ,ສູງ​ກວ່າ​ໜ້າ​ນ້ຳ​ທະ​ເລ4500ກ​ວ່າ​ແມັດ,ຫ່າງ​ຈາກ​ລາຊາ ​ເທດສະບານ​ເຂດ​ຕິ​ເບ​ດ​ແລະ​ການ​ກຸດ​ຕາ ​ເມືອງ​ແຄມ​ທະ​ເລ​ຂອງ​ອິນ​ເດຍ​ມີ​ພຽງ​ແຕ່400ຫາ500ກິ​ໂລ​ແມັດ.​ແຫ່ງ​ນີ້​ເຄີຍ​ເປັນ​ຊ່ອງ​ທາງ​ສຳ​ຄັນ​ເສັ້ນ​ໃຕ້​ຂອງ​ເສັ້ນທາງຜ້າ​ໄໝ,​ແລະ​ກໍ​ເຄີຍ​ເປັນ​ຊ່ອງ​ທາງ​ການ​ຄ້າ​ທາງ​ບົກ​ຕົ້ນ​ຕໍ​ລະ​ຫວ່າງ​ຈີນ​ກັບ​ອິນ​ເດຍ.ໃນ​ຕົ້ນ​ສະຕະວັດ​ທີ20,ມູນ​ຄ່າ​ການ​ຄ້າ​ຢູ່​ແຫ່ງ​ນີ້​ໄດ້​ກວມ​80%​ຂຶ້ນ​ໄປ​ຂອງ​ຍອດ​ມູນ​ຄ່າ​ການ​ຄ້າ​ຊາຍ​ແດນ​ຈີນ​ອິນ​ເດຍ​ໃນ​ຄາວ​ນັ້ນ.​ແຕ່​ພາຍ​ຫຼັງ​ປີ​1962​ແລ້ວ, ຊ່ອງ​ທາງ​ການ​ຄ້າ​ຊາຍ​ແດ​ນຖືກ​ອັດ​ຕັນ.

ຫ້າງຮ້ານໃນຕະຫຼາດ

ບຸກຄົນ​ທີ່​ກ່ຽວຂ້ອງ​ເຫັນ​ວ່າ,ການ​​ເປີດ​ປາກ​ພູ​ນາ​ຕູ​ລາ​ຄືນ​ໃໝ່​ມີ​ຜົນ​ດີ​ຕໍ່​ການ​ຊຸກ​ຍູ້​ໃຫ້​ຊ່ອງ​ທາງ​ບົກຈີນ​ອາຊີ​ໃຕ້ຈໍ່​ຕົວ​ຂຶ້ນ,​ຈະ​ເສີມ​ຂະ​ຫຍາຍ​ບົດ​ບາດ​ສຳ​ຄັນ​ຕໍ່​ການ​ເປີດ​ກວ້າງ​ການ​ຄ້າ​ຊາຍ​ແດນ​ຈີນ​ອິນ​ເດຍ​ແລະ​ສ້າງ​ຄວາມ ​ສຸກ​ໃຫ້​ແກ່​ປະ​ຊາ​ຊົນ​ສອງ​ຊາດ.

ເມືອງຢາຕົ່ງເຂດຊີກາເຈີຂອງຕິເບດ